मत्ती 18:3 - पुर्वीय मगर

³ र डेया, “साँच्‍ची न ङा नाखुरीककी डेले, लहो मीमन परिवर्तन जाटार नाखुरीक मार्‌जा जजाको लेखा न माछाना डेनाङ सेन्‍र स्‍वर्गौ राज्‍याङ पर्‌की माय्‍होक्‍ले।

मत्ती 18:3 ပူးပေါင်းရင်းမြစ်များ

मत्ती 13:15

हीजैडेनाङ होसे भर्मीकुङ रीदय कठोर छान्‍नने, होखुरीकुङ मेनेकेप मासेच छान्‍नने, र होखुरीकै मीमीक चीम जाट्‍नने। नभा च होखुरीकै लहो मीमीकै डाङ्‍च लेया, मेनेकेपै सेच लेया र मीमनै बुझडीस्‍च लेया, अनी होखुरीक ङा पट्‍टी ल्‍हेस्‍च लेया र ङा होखुरीककी गेपाक्‍च लेया।’

मत्ती 18:2

येशूये काट मार्‌जा जजाकी खेरेप आर्‌घार होखुरीकुङ मीघ्‍याङ टोङ्‍खी लैडीया।

मत्ती 18:4

टर सुये इसे मार्‌जा बालक लेखा न लाहाकी नम्र खास्‍ले, होसे न स्‍वर्गौ राज्‍याङ पट्‍ट डेनाङ बाड्‍को छान्‍ले।

मत्ती 19:14

टर येशूये डेया, “मार्‌जा जजाकोलाक ङा लेठाङ राखी यान्‍ही होखुरीककी मारोक्‍डीनी। हीजैडेनाङ स्‍वर्गौ राज्‍य याङ्‍चकुङ न हो।”

मत्ती 19:23

अनी येशूये लहो चेलाकोलाक डेया, “साँच्‍ची न, ङा नाखुरीककी डेले, स्‍वर्गौ राज्‍याङ पर्‌की धनी भर्मीकी गार्‍हो छान्‍ले।

मत्ती 5:18

हीजैडेनाङ ङा साँच्‍ची न नाखुरीककी डेले, जबसम्‍म स्‍वर्ग र पृथ्‍वी म्‍हाटार मानुङ्‍ले टब सम्‍म व्‍यवस्‍थाङ लेच पट्‍ट न कुराको पुरा माछान्‍ठर कुसे कीसीमै र व्‍यवस्‍थालकीङ मार्‌जा-मार्‌जा कुराको र म्‍हाटार मानुङ्‍ले।

मत्ती 5:20

होटबाटै ङा नाखुरीककी डेले, व्‍यवस्‍थौ आज्ञाकोलाक धर्मगुरु र फरीसीकै डेनाङ सेम्‍ह मामन्‍डीया डेनाङ नाखुरीक स्‍वर्गौ राज्‍याङ पर्‌की माडीन्‍ल्‍हे।

मत्ती 6:16

“जब नाखुरीक हीर माज्‍याम उपवास ङुले, टब ढोङ्‌गीको लेखा मीटाहा उदास खासार माङुनी। हीजैडेनाङ होखुरीक च भर्मीकोलाक उपवास ङुच टान्‍हाक्‍कीयो लागी लहो मीटाहा उदास खास्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 6:2

“इटबाटै नाखुरीकै सुकीर दान यान्‍हाङ टुरही माआरम्‍हाट्‍नी, होङ्‍च च ढोङ्‍गीकै टी सभाङुच इमकोवाङ र लामकोवाङ भर्मीकोलकीङ प्रशंसा डुप्‍कीयोलागी जाट्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 6:5

“नाखुरीकै प्रार्थना जाट्‍नाङ ढोङ्‍गीकै लेखा माजाट्‍नी, हीजैडेनाङ होखुरीक यहूदीकुङ सभाङुच इमकोवाङ र लामौ छेउ-छावाङ टोङ्‍हार भर्मीकै डाङ्‍ख्‍यौ डेम प्रार्थना जाट्‍की जाक्‍ले। साँच्‍ची न, ङा नाखुरीककी डेले, होखुरीकै डुप्‍की पर्च लहो इनाम डुप्‍म भ्‍यामने।

मर्कूस 4:12

अनी होखुरीकै ङोस्‍की च ङोस्‍ले टर माडाङ्‍ले, सेकी च सेले टर माबुझडीस्‍ले। नभा च होखुरीकै लहो पाप पश्‍चात्ताप जाट्‍च लेया र होखुरीकुङ पाप क्षमा छान्‍च लेया।”

लुका 13:24

“साँगुरो गालामीङ पर्‌की बल जाट्‍नी। ङा नाखुरीककी डेले, वास्‍टै जना पर्‌की च पाले, टर भीत्री केल्‍खी माय्‍होक्‍ले।

लुका 22:32

टर नाकुङ विश्‍वास माम्‍हाट्‍ख्‍यौ डेयार ङै नाकुङ लागी प्रार्थना जाट्‍न याम्‍हे। फेरी विश्‍वासाङ बलीयो छानार नाकै लहो डाजे भाइकोलाक र बलीयो खास्‍नी।”

युहन्‍ना 1:51

होसकै डेया, “ङा साँच्‍ची न नाखुरीककी डेले, नाखुरीकै स्‍वर्ग फोस्‍च र परमेश्‍वरौ स्‍वर्गदूतकोलाक भर्मीयो मीजा मीटाक झाल्‍चै र काल्‍छै जाट्‍च डाङ्‍ले।”

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

युहन्‍ना 3:5

येशूये डेया, “साँच्‍ची न ङा नाकोकी डेले, डी र आत्‍मा लकीङ माजन्‍मडीस्‍ठर सुर परमेश्‍वरौ राज्‍याङ पर्‌की माय्‍होक्‍ले।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 28:27

हीजैडेनाङ इसे भर्मीकुङ मीमन बोढो छान्‍नने र होखुरीकुङ मेन्‍केप मासेच छान्‍न ने, र होखुरीकै लहो मीमीक बन्‍ड जाट्‍ले। नभा च होखुरीकै मीमीक डाङ्‍च लेया, मेन्‍केपै सेच लेया मीमनै बुझडीस्‍च लेया र ङा पटी ल्‍हेस्‍च लेया, र ङा नाखुरीककी गेपाक्‍च लेया।’”

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

१ पट्‍रुस 2:2

चाम-चाम डीन्‍छ बालखै डुढ सोन्‍न्‍हाङ लेखा न नाखुरीक र परमेश्‍वरौ सत्‍य बचन गाकी मीमन जाट्‍नी, अनी होसे लकीङ नाखुरीक ल्‍होङ्‍ले र जीवाले।

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।