मत्ती 17:2 - पुर्वीय मगर

² होला टाछ पछी चेलाकुङ म्‍याहासाङ येशूओ रुप फेरीसा। होसकुङ मीटाहा नाखान लेखा न चम्‍कडीसा र होसकुङ बढीन फोक्‍सा बोच छाना।

मत्ती 17:2 ပူးပေါင်းရင်းမြစ်များ

मत्ती 17:1

छ याक न्‍हुइङ येशूये पत्रुस, याकुब र होच्‍यो भाइ युहन्‍नाकी लाहा खाटा लार मेखुरीक मट्‍टै घाङ्‌च डाँडाङ नुङा।

मत्ती 17:3

अनी होडीक न बेला होला होखुरीकै येशूखाटा मोशा र एलीया ङाक्‍ङ ङुच डाङा।

मत्ती 28:3

होच्‍यो मीटाहा सर्‌घाङ पीझ्‍यानाङ लेखा न ट्‍याङ्‍छ र बढीन चहीँ हीउँ ल्‍याक्‍च न फोक्‍सा बोच लेया।

मर्कूस 9:3

होसकुङ बढीन इडीक चम्‍कीलो बोच छाना की सफा खाटा हुर्‌नाङ र संसाराङ कुचेर होङ्‍च बोच खास्‍की माय्‍होक्‍ले।

लुका 9:29

होटै होसकै प्रार्थना जाट्‍न ङुच बेलाङ होसकुङ मीटहौ रुप फेरीसा र होसकुङ बढीन सर्‌घाङ पीज्‍याछ लेखा न चम्‍कडीस्‍न बोच छाना।

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 17:24

“ए बोइ, ङा मीमन जाट्‍ले, नाकै ङाकी याछ भर्मीको जटी ङा कुला छान्‍ले होला ङाखाटा न छान्‍ख्‍यौ, र ङौ महीमा होखुरीकै डाङ्‍ख्‍यौ, कुसे महीमा संसारौ सृष्‍टि छान्‍की डेनाङ अगाडी लकीङ न नाकै ङाकी माया जाट्‍च बाटै याम्‍हन्‍या।