मत्ती 16:8 - पुर्वीय मगर

⁸ येशूये इसे कुरा थाहा डुपार डेया, “खोइ नाखुरीकुङ विश्‍वास? नाखुरीकै रोटो माराका डेयार हीजै नाखुरीक कुरा जाट्‍न ङुच?

मत्ती 16:8 ပူးပေါင်းရင်းမြစ်များ

मत्ती 14:31

टब तुरुन्‍तै येशूये पत्रुसौ मीहुट घोवार होसकी डेया, “ए अल्‍पविश्‍वासी, हीजै सङ्‍का जाट्‍च?”

मत्ती 16:7

अनी चेलाकै मेखुरीक-मेखुरीक डेकी ठाला, “कानै रोटो माराक्‍च बाटै होसकै काल्‍हाकी इट डेच औँला।”

मत्ती 6:30

ए अल्‍पविश्‍वासीको, छीनी लेच र पीउर्‍हाक म्‍हेयाङ लोछ घाँस र सार्‌की च परमेश्‍वरै इटजाट्‍न सीङ्‍गारीले डेनाङ, ही नाखुरीककी झन वास्‍टै जाट्‍न होसकै बढीन बील्‍हाक्‍ङ माय्‍हाले र?

मत्ती 8:26

अनी येशूये होखुरीककी डेया, “ए चेक्‍जा र विश्‍वास मालेचको, नाखुरीक हीजै बीर्‍हीछ?” टब सोवार होसकै नाम्‍सु र डीयो छालकी हक्‍कारीया र बाखी क्‍योटा।

मर्कूस 16:14

होटै चेक न्‍हुइङ एघार जना चेलाको ज्‍याकी ङुच बेलाङ, येशू होखुरीकुङ मीघ्‍याङ डाङा। अनी होखुरीकुङ अविश्‍वास र मीमनौ कठोरटौ लागी होसकै होखुरीककी हक्‍कारीया। हीजैडेनाङ होसको सीच लकीङ जीवाम सोच न्‍हुङइ होसकोकी डाङ्‍च कुरा होखुरीकै विश्‍वास माजाट्‍नन्‍या।

युहन्‍ना 16:30

अब कानै बुझडीसा, नाकै पट्‍ट न कुरा वार्‌ल्‍हे। अब नाकोकी सुयेर गीन्‍की मापर्‌ले। होटबाटै नाको परमेश्‍वरलकीङ न राछ हो डेयार कान नाकोकी विश्‍वास जाट्‍ले।”