मत्ती 11:5 - पुर्वीय मगर

⁵ मीमीक माडाङ्‍चकै डाङ्‍ङन ले, लङ्‍गडाको व्‍हामन ले, कुष्‍ठरोगीको गेप्‍मन ले, मेनेकेप मासेचकै सेमन ले, सीचको फेरी जीवाम सोमन ले र गरीबकै सेछ समाचार सेकी डुप्‍मन ले।

मत्ती 11:5 ပူးပေါင်းရင်းမြစ်များ

मत्ती 10:8

छाचकोलाक गेपाक्‍नी, सीच कोलाक जीवाक्‍नी, कुष्‍ठरोग लक्‍डीस्‍चकोलाक शुद्ध पार र भूतको छ्‍युक्‍नी। नाखुरीकै होट न डुपा अरुकी र होट न यान्‍ही।

मत्ती 11:4

येशूये होखुरीककी डेया, “नाखुरीकै ही सेमने र डाङ्‍ङने, नुङार होसे न कुरा युहन्‍नाकी डेम यान्‍ही:

मत्ती 12:13

टब येशूये होसे मीहुट छोक्‍च भर्मीकी डेया, “नुओ मीहुट टन्‍कडीयो!” होचे मीहुट टन्‍कडीया, र होसे मीहुट र अर्‌को मीहुट ल्‍याक्‍च न सेम्‍ह छान्‍की क्‍योटा।

मत्ती 21:14

मीमीक माडाङ्‍च र लङ्‌गडाको परमेश्‍वरौ मन्‍दिराङ येशू लेठाङ राहा र होसकै होखुरीककी गेपाका।

मत्ती 5:3

“लाहाकी आत्‍माङ गरीब मन्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

मत्ती 9:30

होटै होखुरीकुङ मीमीक डाङ्‍की य्‍होक्‍च छाना। येशूये इट डेयार होखुरीककी कडा आज्ञा याहा, “इसे कुरा सुकीर थाहा माछान्‍ख्‍यो!”

मर्कूस 7:37

इसे कुरा सेच भर्मीको अचम्‍म मन्‍डीचै छक्‍क पर्‌या र डेकी ठाला, “होसकै पट्‍ट न कुरा सेम्‍ह जाट्‍नने, मेन्‍केप मासेचकी र सेच र ङाक्‍की माय्‍होक्‍चकी र ङाक्‍च खास्‍नने।”

मर्कूस 9:25

होटै पट्‍ट न भर्मीको येशू लेठाङ खेर्‌न राछ डाङार होसकै होसे भूत आत्‍माकी हक्‍कारीचै डेया, “ए लाटा खास्‍च र मेन्‍केप मासेच खास्‍च आत्‍मा, इसे जजा लकीङ ख्‍योव्‍हार रान्‍हा र फेरी ल्‍हेसार भीत्री मापर्‌यो!”

लुका 4:18

“परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

युहन्‍ना 10:25

येशूये होखुरीककी डेया, “ङै नाखुरीककी अघी न डेम भ्‍यामने, टर नाखुरीकै ङाकी विश्‍वास माजाट्‍ले। ङै बोयो अधिकार डुपार जाट्‍च कामकै न ङा सु हो डेच कुरा टान्‍हाक्‍ले।

युहन्‍ना 10:38

टर इडीक ङै जाट्‍च कामको ङौ बोयो हो डेनाङ, नाखुरीकै ङा मीटाक विश्‍वास माजाट्‍नाङ र ङै जाट्‍च कामको मीटाक चहीँ विश्‍वास जाट्‍नी, र बोइ ङा खाटा ले, अनी ङा बोइ खाटा ले डेयार नाखुरीकै बुझडीस्‍की य्‍होक्‍ले।”

युहन्‍ना 2:23

छुटकारौ चाडौ बेला येशू यरूशलेमाङ लेनाङ होला होसकै अचम्‍मौ चीन्‍हको जाटा, याङ्‍च डाङार वास्‍टै भर्मीकै होसको मीटाक विश्‍वास जाटा।

युहन्‍ना 3:2

कायाक नाबीक होचे येशू लेठाङ राहार इट डेया, “ए गुरुज्‍यु, कान वार्‌ल्‍हे नाको परमेश्‍वरै बीर्‌न्‍हकाच शिक्षक हो। इडीक परमेश्‍वर नाकोखाटा माले डेनाङ च इसे नाकै जाट्‍च अचम्‍मौ चीन्‍हओ कामको सुयेर जाट्‍की माय्‍होक्‍ले।”

युहन्‍ना 5:36

“टर ङाखाटा लेच गबाही युहन्‍नै याछ गबाही डेनाङ बाड्‍को ले। हीजैडेनाङ कुसे कामको पुरा जाट्‍की परमेश्‍वर बोये ङाकी याम्‍हने, होसे काम ङा जाट्‍न न ले, अनी होसे कामै न ङौ बारेयाङ गबाही याम्‍हन ले, र परमेश्‍वर बोये ङाकी बीर्‌न्‍हकाच हो डेम टान्‍हाक्‍ले।

युहन्‍ना 9:7

अनी येशूये होसकी डेया, “नुङ्‍ना, सीलोआमौ पोखरीयाङ नुङार हुरो। (सीलोआमौ अर्थ चहीँ ‘बीर्‌न्‍हकाच’ हो।)” होसे भर्मीये पोखरीयाङ नुङार हुरा, र होसे मीमीक डाङ्‍च छानार ल्‍हेसा।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?