7 ‘स्वर्गुङ राज्य खेरेप राम्हने’ डेयार प्रचार जाट्नी।
छाचकोलाक गेपाक्नी, सीच कोलाक जीवाक्नी, कुष्ठरोग लक्डीस्चकोलाक शुद्ध पार र भूतको छ्युक्नी। नाखुरीकै होट न डुपा अरुकी र होट न यान्ही।
लहो बार्ह जना चेलाकोलाक इसे कुराको डेम भ्यामखीङ येशू होटै गालीलुङ सहर पट्टी शिक्षा याखी र सेछ समाचार प्रचार जाट्की डेम नुङा।
अब इसे नीसाङ कुसे चहीँये बोयो इच्छाकी मन्डीया?” होखुरीकै जवाफ याहा, “जेठै चहीँये।” होटै येशूये होखुरीककी डेया, “साँच्ची न ङा नाखुरीककी डेले, कर सोट्चको र बेस्याको नाखुरीक डेनाङ पहीला परमेश्वरौ राज्याङ नुङ्ले।
“होटबाटै ङा नाखुरीककी डेले, परमेश्वरौ राज्य अब नाखुरीकलकीङ स्याट्ले, अनी याङ्च काट जाटीकी याल्हे, होचे होच्यौ मीस्या स्याटाक्ले।
“नाखुरीककी धिक्कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्वर्ग राज्यौ गालाम ठुन्ने। नाखुरीक लाहा र भीत्री मापर्ले, पर्की मीमन जाट्चकोलाक र पर्की माय्हाले।
“लहो पापको डासार परमेश्वर पट्टी ल्हेस्नी, हीजैडेनाङ स्वर्गौ राज्य खेरेप राम्हने।”
होसबेला लकीङ न प्रचार जाट्चै येशूये डेकी ठाला, “लहो पापको डासार परमेश्वर पट्टी ल्हेस्नी, हीजैडेनाङ स्वर्गौ राज्य खेरेप टार्हामने।”
होटै न्हुइङ चेलाको ख्योव्हार नुङा र भर्मीकै पापको डासार परमेश्वर पट्टी ल्हेस्ख्यो डेम प्रचार जाटा।
“बप्तिस्मा याछ युहन्नौ बेलासम्म मोशौ व्यवस्था र अगमवक्ताकुङ शिक्षाङ भर्मीको व्हामन्या। होटै होसे बेला लकीङ इलाक चहीँ नाखुरीककी परमेश्वरौ राज्यौ सेछ समाचार सेटाक्ने। होटै पट्टको होला पर्की डेम जोड जाट्न न ले।
होसकै होखुरीककी परमेश्वरौ राज्यौ बारेयाङ सेटाक्की र छाच कोलाक गेपाक्की डेम बीर्न्हका।
होटै चेलाको बिदा छानार होखुरीक पट्ट न ठावाङ सेछ समाचार सेटाक्चै छाच कोलाक गेपाक्चै लाङ्घा-लाङ्घा नुङा।
होसकी येशूये डेया, “मुर्डा कोलाक मुर्डाकै न ठाक्ख्यो। टर नाको चहीँ नुङार परमेश्वरौ राज्यौ बारेयाङ सेछ समचार सेटाक्नी।”
कायाक नाबीक होचे येशू लेठाङ राहार इट डेया, “ए गुरुज्यु, कान वार्ल्हे नाको परमेश्वरै बीर्न्हकाच शिक्षक हो। इडीक परमेश्वर नाकोखाटा माले डेनाङ च इसे नाकै जाट्च अचम्मौ चीन्हओ कामको सुयेर जाट्की माय्होक्ले।”
जब पत्रुस इमाङ टार्हाछ बीट्टीकै कर्नेलियसै डुपा र होच्यौ मीहीलाङ झोरा।
होचे खुल्लम खुल्ला परमेश्वरौ राज्यौ प्रचार जाटा र प्रभु येशू ख्रीष्टौ बारेयाङ शिक्षा यान्हाङ सुयेर रोकडीकी मापा।
होखुरीक पत्रुस र युहन्ना खाटा मीरीस ख्योम्हन्या, हीजैडेनाङ येशू जीवाम सोमने र अरु भर्मीको र जीवाम सोले डेम होखुरीकै शिक्षा याहा।
