मत्ती 10:3 - पुर्वीय मगर

³ फीलीप र बारथोलोमाइ, थोमा र कर सोट्‍च मत्ती, अल्‍फायासौ लेन्‍जा मीजा याकुब, थेदियस,

मत्ती 10:3 ပူးပေါင်းရင်းမြစ်များ

मत्ती 18:17

इडीक होचे होखुरीकुङ कुरा र सेकी मामन्‍डीया डेनाङ, नुङार इसे कुरा मण्‍डलीकी डेम योहो। अनी होचे मण्‍डलीयो कुरा र सेकी मामन्‍डीया डेनाङ, अब होसे नुओ लागी मुर्ति पुजा जाट्‍च र कर सोट्‍चको सरह छान्‍ख्‍यौ।

मत्ती 27:56

होखुरीक मध्‍याङ मरीयम मग्‍डलीनी, याकुब र योसेफौ मोइ मरीयम, र जब्‍डीयौ नीस लेन्‍जा मीजाकुङ मोइ र लेया।

मत्ती 9:9

होटै येशू नुङ्‍चै जाट्‍नाङ मत्ती डेच काट जना भर्मीकी कर सोट्‍च अड्‍डाङ ङुमङुच डाङा र होसकी डेया, “ङाकी डुट्‍नी।” अनी होसे सोवार होसकोकी डुटा।

मर्कूस 15:40

कुडीक जना मास्‍टो भर्मीको चहीँ लोसीङ न टोङ्‌हार ङोस्‍न ङुमन्‍या। होखुरीक मध्‍याङ मरीयम मग्‍डलीनी, सलोमी, माजा याकुब र योसेफौ मोइ मरीयम लेया।

मर्कूस 2:14

होटै नुङ्‍चै जाट्‍नाङ होसकै अल्‍फायासौ मीजा लेवीकी कर सोट्‍च ठावाङ ङुमङुच डाङा र येशूये होसकी डेया, “ङाकी डुट्‍नी।” होटै होसे सोवा र येशूकी डुटा।

मर्कूस 3:18

र अन्‍द्रियास, फीलीप, बारथोलोमाइ, मत्ती, थोमा, अल्‍फयासौ मीजाको याकुब र थेदियस, सीमोन कनानी होसे चहीँ लहो देशकी माया जाट्‍च भर्मी डेयार चीन्‍डीमन्‍या,

लुका 18:10

“फरीसी र कर सोट्‍च नीस जना भर्मी परमेश्‍वरौ मन्‍दिराङ प्रार्थना जाट्‍की नुङा।

लुका 18:11

होटै फरीसीये टोङ्‌हार मीमन-मीमनाङ इटजाट्‍न प्रार्थना जाटा, ‘ए परमेश्‍वर, ङा नाकोकी धन्‍यवाद याल्‍हे। हीजैडेनाङ ङा अरु भर्मी ल्‍याक्‍च लोभी र ढुटाहा माले। ङै व्‍यभिचार र माजाट्‍नने। ङा इसे कर सोट्‍च भर्मी ल्‍याक्‍च र माले।

लुका 18:13

टर कर सोट्‍च भर्मी चहीँ लोस न टोङ्‌हार स्‍वर्गलाक ङोस्‍की आट माजाट्‍न लहो छाटीयाङ हीड्‍कडीचै डेया, ‘हे परमेश्‍वर, ङा ल्याक्च पापी मीटाक दया जाट्‍न यान्‍ही!’”

लुका 19:2

होला जखायस म्‍यार्‌मीन लेच काट जना धनी भर्मी लेया। होसे कर सोट्‍चको मढ्‌याङ बाड्‍को हाकीम लेया।

लुका 5:27

येशू होटै नुङ्‍चै जाट्‍नाङ कर सोट्‍च लेवी म्‍यार्‌मीन जाट्‍च भर्मीकुङ कर सोट्‍च अड्‍डाङ डुपा र येशूये होसकी डेया, “ङाकी डुटो।”

युहन्‍ना 1:48

नथानेलै गीना, “नाकै ङाकी कुटजाट्‍न चीन्‍डीया?” येशूये जवाफ याहा, “फीलीपै नाङ्‍की आर्‌घाकी डेनाङ अघी नाङ अन्‍जीरौ म्‍यार्‌टुङ म्‍होकी लेनाङ न ङै नाङ्‍की डाङ्‍न्‍या।”

युहन्‍ना 11:16

डीडुमस डेच ठोमै अरु चेलाकोलाक डेया, “लु काल्‍हाको र गुरुज्‍यु खाटा न नुइङ, र सीकी पर्‌नाङ र होसको खाटा न सीइङ।”

युहन्‍ना 14:22

यहूदास इस्‍करीयोट चहीँ होइन, टर अर्‌को न यहूदा डेच चेलै येशूकी डेया, “ए प्रभु, हीजै नाको लाहाकी कानलेठाङ मट्‍टै डाङ्‍ले, टर संसार लेठाङ चहीँ होइन डेले?”

युहन्‍ना 14:5

टब ठोमै डेया, “ए प्रभु, नाको कुला नुङ्‍ङन ले, होसे कानकी हीर थाहा माले, झन नाको नुङ्‍च लाम कानै कुटजाट्‍न चीन्‍डीले?”

युहन्‍ना 14:9

येशूये डेया, “फीलीप! इडीक लोट्‍च समयसम्‍म ङा नाखुरीक खाटा न ले, र पनी नाकै ङाकी माचीन्‍डीले? ङाकी डाङ्‍चये बोइकी डाङ्‍ङ भ्‍यामने। ङाकी डाङ्‍ङ र नाको हीजै ङाकी, ‘बोइ टान्‍हाक्‍ङ यान्‍ही’ डेले?

युहन्‍ना 21:2

सीमोन पत्रुस, डीडुमस डेच थोमा, गालीलुङ काना नगरुङ नथानेल, जब्‍दियौ नीस लेन्‍जा मीजाको र होसकुङ चेलाको मढ्‍याङ अरु नीस जना चेलाको काठोव्‍हाङ भेला छानन्‍या।

प्रेरित 1:13

अनी होखुरीक यरूशलेम टार्‍हखीङ लाहा ङुचै जाट्‍च इमौ ढेम्‍च टलौ कोठाङ पर्‌या। होखुरीक पत्रुस, युहन्‍ना, याकुब, अन्‍द्रियास, फीलीप र थोमा, बारथोलोमाइ र मत्ती, अल्‍फयसौ मीजा याकुब र देशभक्‍त दलुङ सीमोन र याकुबौ मीजा यहूदा लेया।

प्रेरित 12:17

पत्रुसै माच्‍याक्‍नी डेम मीहुटै इसारा जाटा र प्रभुये होसकी कुटजाट्‍न झ्‍यालखानालकीङ बाहीर छ्‍युका डेच पट्‍ट न घटनाको होखुरीककी सेटाका। होटै न्‍हुइङ होखुरीककी डेकी डेम “इसे खबर याकुब र अरु डाजे-भाइकोलाक सेटाक्‍की” डेयार होसे होटै अर्‌को न ठावाङ नुङा।

प्रेरित 15:13

होटै होखुरीक ङाक्‍ङ भ्‍यारखीङ याकुबै डेया, “ए डाजे-भाइको, ङौ कुरा सेनी,

प्रेरित 21:18

होटै पीउर्‍हाक लेखो पावल कान खाटा याकुबकी डुप्‍की नुङा। होला यरूशलेमुङ पट्‍ट न अगुवाको भेला छानन्‍या।

याकुब 1:1

परमेश्‍वर र प्रभु येशू ख्रीष्‍टौ सेवक ङा याकुब लकीङ संसारुङ ठाउँ-ठावाँङ छरपस्‍ट छानार ङुच परमेश्‍वरकी विश्‍वास जाट्‍च पट्‍ट न विश्‍वासीकोलाक ङा इसे चीठी रीक्‍ङन ले। नाखुरीक पट्‍टकी ङा झोर्‌ले!

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।