मत्ती 10:23 - पुर्वीय मगर

²³ जब होखुरीकै नाखुरीककी काट सहराङ सटडीले टब अर्‌को सहराङ भोक्‍डीस्‍नी। साँच्‍ची न ङा नाखुरीककी डेले, भर्मीयो मीजा राखी अगाडी नाखुरीकै पट्‍ट न इस्राएलुङ सहरकोवाङ काम जाट्‍न भ्‍याच माछान्‍ले।

मत्ती 10:23 ပူးပေါင်းရင်းမြစ်များ

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 16:28

साँच्‍ची न, ङा नाखुरीककी डेले, इला टोङ्‍छको मध्‍याङ कुडीक जनै भर्मीयो मीजाकी लहो राज्‍याङ राम्‍हन लेच माडाङ्‍ठर मासीले।”

मत्ती 2:13

होसे ज्‍योतिषीको नुङ्‍रखीङ योसेफै माङ्‍नामाङ परमप्रभुओ काट स्‍वर्गदूतकी डाङा र स्‍वर्गदूतै डेया, “सोना, तुरुन्‍तै बालख र होसकुङ मोइकी लार मिश्राङ भोग्‍डीस्‍की क्‍योटो। ङै ल्‍हेसार राखी माडेठर नाखुरीक होला न ङुकी हीजैडेनाङ हेरोदै बालखकी साट्‍च विचार जाट्‍न न ले।”

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

मत्ती 23:36

ङा साँच्‍ची न नाखुरीककी डेले, इसे पट्‍ट न कुराकुङ दन्‍ड इसे न पुस्‍ता मीटाक आइपर्‌ले।

मत्ती 24:27

हीजैडेनाङ कुटजाट्‍न भर्मीकै सर्‌घाङ बीजुली पीझ्‍यानाङ पूर्वलकीङ पस्‍चीमसम्‍म ट्‍याङ्‍छ डाङ्‍ले, होटजाट्‍न न भर्मीयो मीजा रान्‍हाङ भर्मीकै होसकोकी डाङ्‍ले।

मत्ती 24:30

“होडीक बेला ङा भर्मीयो मीजौ चीन्‍ह सर्‌घाङ डाङ्‍ले र पृथ्‍वीयुङ पट्‍ट न जाटीकै विलाप जाट्‍ले। अनी होखुरीकै भर्मीयो मीजाकी सर्‌घुङ डेबुवाङ शक्‍ति र बाड्‍को महीमाङ राम्‍हन लेच डाङ्‍ले।

मत्ती 24:34

साँच्‍ची न ङा नाखुरीककी डेले, इसे पट्‍ट न कुरा पुरा माछान्‍ठर इसे पुस्‍ता म्‍हाटार मानुङ्‍ले।

मत्ती 24:48

टर इडीक होसे नोकर दुष्‍ट ले डेनाङ ‘ङौ मीमुरुङ ढीलो राल्‍हे’ डेयार मेन मीमनाङ आर्‌मीट्‍ले,

मत्ती 25:13

होटै येशूये डेया, “होटबाटै होसीयार छान्‍नी, हीजैडेनाङ भर्मीयो मीजा कुसे डीन र कुसे समयाङ राल्‍हे डेयार नाखुरीककी थाहा माछान्‍ले।

मत्ती 26:64

येशूये होसकी जवाफ याहा, “होसे च नाकै न डेकीक्‍योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्‍तिमान परमेश्‍वरौ डोर मीहुट पट्‍टी ङुच, र स्‍वर्ग लकीङ डेबुवाङ राछै जाट्‍च डाङ्‍ले।”

मत्ती 4:12

बप्‍तिस्‍मा याछ युहन्‍नाकी झ्‍यालखानाङ ठुना डेच कुरा सेयार येशू गालील पट्‍टी नुङा।

मर्कूस 13:26

अनी होसबेला भर्मीकै भर्मीयो मीजाकी शक्‍ति र महीमा खाटा डेबुवाङ राम्‍हन लेच डाङ्‍ले।

लुका 18:8

ङा नाखुरीककी डेले, होसकै छीटो न होखुरीककी न्‍याय जाट्‍न याल्‍हे। टर भर्मीयो मीजा रान्‍हाङ ही होचे पृथ्‍वीयाङ विश्‍वास डुप्‍ले र?”

लुका 21:27

होटै भर्मीयो मीजाकी बाड्‍को शक्‍ति र महीमा खाटा डेबुवाङ राछै जाट्‍च होखुरीकै डाङ्‍ले।

युहन्‍ना 7:1

होटै न्‍हुइङ येशू गालील क्षेत्राङ छेर्‍हाम व्‍हा। होसको यहूदियाङ नुङ्‍की मीमन माजाटा, हीजैडेनाङ यहूदी अगुवाकै होसकोकी साट्‍की पामन्‍या।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:14

तुरुन्‍तै डाजे-भाइकै पावलकी समुद्र पट्‍टी बीर्‌न्‍हका। टर सीलास र तिमोथी चहीँ होला बेरीयाङ न ङुवा।

प्रेरित 20:1

जब होहल्‍ला सान्‍ट छाना, पावलै विश्‍वासीकोलाक आर्‌घाम भेला जाटा र होखुरीककी उत्‍साह याहा। अनी होखुरीक खाटा बिदा छानार पावल माकेडोनीयाङ नुङा।

प्रेरित 8:1

स्‍तिफनसकी साट्‍नाङ साउल र खाट्‍नन्‍या। होसे डीनलकीङ न यरूशलेमाङ लेच मण्‍डलीयो विरोधाङ बाड्‍को सटावट सुरु छाना। प्रेरितको बाहेक अरु चेलाको पट्‍ट न भोग्‍डीसार यहूदिया र सामरीया इलाका पट्‍टी छरपस्‍ट छाना।