लुका 9:41 - पुर्वीय मगर

⁴¹ होटै येशूये होखुरीककी डेया, “ए विश्‍वास मालेच अट्‍टेरीको, ङा नाखुरीक खाटा कुडीक याक आङुए? र नाखुरीककी ङै कुडीक सहडीकी?” होटै येशूये होसे भर्मीकी डेया, “नाकुङ मीजाकी इला राक्‍नी।”

लुका 9:41 ပူးပေါင်းရင်းမြစ်များ

मत्ती 11:28

“ए म्हुङ्चको र लीस्‍च भारीये फेट्‍चको, ङा लेठाङ रान्‍ही, ङा नाखुरीककी शान्‍तिये म्‍हुङ बाटाक्‍ले।

मत्ती 12:39

येशूये होखुरीककी जवाफ याहा, “दुष्‍ट र व्‍यभिचारी पुस्तै चीन्‍ह पाले। टर इसे पुस्‍ताकी योना अगमवक्‍तौ चीन्‍हबाहेक अरु कुसेर चीन्‍ह माय्‍हाले।

मत्ती 12:45

टब होसे नुङ्‍ले र लाहा डेनाङ झन दुष्‍ट अरु साट ओटा आत्‍माकोलाक लार राल्‍हे, र भीत्री पर्‌यार ङुले। अनी होसे भर्मीयो डसा पहीलुङ डेनाङ न्‍हुङ्‍लकुङ डसा झन मासेछ छान्‍ले। इसे दुष्‍ट पुस्‍ताकी र होङ्‍च न छान्‍ले।”

मत्ती 16:4

दुष्‍ट र व्‍यभिचारी पुस्‍टै अचम्‍मौ चीन्‍हको ङोस्‍की पाले टर नाखुरीककी योनाकी याछ चीन्‍हबाहेक अरु कुसेर चीन्‍ह माय्‍हाले।” होटै येशू होखुरीककी डासार व्‍हा।

मत्ती 17:17

येशूये डेया, “ए विश्‍वास मालेचको र बीगारीस्‍च पुस्‍ता, सेनसम्‍म ङा नाखुरीक खाटा ङुले? ङै नाखुरीककी सेनसम्‍म सहडीकी? होसकी इला ङा लेठाङ राक्‍नी।”

मत्ती 23:36

ङा साँच्‍ची न नाखुरीककी डेले, इसे पट्‍ट न कुराकुङ दन्‍ड इसे न पुस्‍ता मीटाक आइपर्‌ले।

मत्ती 3:7

टर फरीसी र सदुकीको मध्‍याङ वास्‍टै जना बप्‍तिस्‍मा लाकी राछै जाट्‍च डाङार युहन्‍नै होखुरीककी डेया, “ए बीसालु बुलौ मीजाको, परमेश्‍वर लकीङ राखी पाच क्रोध लकीङ भोग्‍डीस्‍की नाखुरीककी सुये चेतावनी याहा?

मर्कूस 10:14

याङ्‍च डाङार येशू मीरीस ख्‍योव्‍हा र होखुरीककी डेया, “माजा बालखकोलाक ङा लेठाङ राखी यान्‍ही, होखुरीककी मारोकडीनी हीजैडेनाङ परमेश्‍वरौ राज्‍य इखुरीक ल्‍याक्‍चकुङ न हो।

मर्कूस 10:49

टब येशू टोङ्‍हा र डेया, “होसकी इला आर्‌घानी।” होटै होखुरीकै होसे अन्‍धाकी इट डेयार आर्‌घा, “आट जाटो र सोना, नाङ्‍की होसकै आर्‌घामन ले।”

मर्कूस 9:19

होटै येशूये होखुरीककी डेया, “ए अविश्‍वासी पुस्‍टा, ङा सेन सम्‍म नाखुरीक खाटा ङुले र? नाखुरीककी कुडीक सहडीकी? होसकी ङा लेठाङ राक्‍नी।”

लुका 8:25

होटै येशूये चेलाकोलाक डेया, “नाखुरीकुङ विश्‍वास कुला नुङा?” चेलाको होसे कुरा डाङार छक्‍क पर्‌या, होटै बीर्‍हीचै मेखुरीक-मेखुरीक इट डेयार कुरा जाट्‌की ठाला, “इसको सु आले? होसकै हक्‍कारीनाङ च नाम्‍सु र समुन्‍द्रौ छाल र बाछ लेसा!”

लुका 9:40

ङै नाकुङ चेलाकोलाक दुष्‍ट आत्‍माकी छ्‍युक्‍ङ यान्‍ही डेम बिन्‍ती जाटा, टर होखुरीकै माय्‍होका।”

लुका 9:42

होटै होसे रान्‍हाङ-रान्‍हाङ न दुष्‍ट आत्‍मै होसकी पछारीकी क्‍योटा र अइठन जाटा र होसे पार्‌टाङ-पार्‌टाङ छान्‍की ठाला। टर येशूये होसे दुष्‍ट आत्‍माकी हक्‍कारीया, होटै होसे मीजाकी गेपाकार मेनो बोइकी जीम्‍मा याहा।

युहन्‍ना 14:9

येशूये डेया, “फीलीप! इडीक लोट्‍च समयसम्‍म ङा नाखुरीक खाटा न ले, र पनी नाकै ङाकी माचीन्‍डीले? ङाकी डाङ्‍चये बोइकी डाङ्‍ङ भ्‍यामने। ङाकी डाङ्‍ङ र नाको हीजै ङाकी, ‘बोइ टान्‍हाक्‍ङ यान्‍ही’ डेले?

युहन्‍ना 20:27

टब होसकै थोमाकी लहो मीहुट टान्‍हाकार डेया, “इला ङोसो, नुओ औँलै ङौ मीहुटकी छुओ र ङौ कोखाङ सुहो! सङ्‍का माजाटो, टर विश्‍वास जाटो।”

प्रेरित 13:18

उजाड-ठाँवाङ चालीस वर्ष सम्‍म होसकै न होखुरीककी ङोसा।

प्रेरित 2:40

अनी पत्रुसै होखुरीककी अरु धेरै कुराको लकीङ साक्षी याहा अनी इट डेयार अर्ती याहा, “इसे दुष्‍ट पुस्‍ता मीटाक राछ दण्‍डलकीङ नाखुरीकै लाहाकी जोगडीनी।”