लुका 9:22 - पुर्वीय मगर

²² होसकै इट र डेया, “भर्मीयो मीजै वास्‍टै डुख सोट्‍की पर्‌ले, होसकी अगुवाकै, मुख्‍य पुजाहारीकै, धर्मगुरुकै माजाक्‍ले। आसकोकी साट्‍ले टर सीच सोमयाकाङ जीवाम सोले।”

लुका 9:22 ပူးပေါင်းရင်းမြစ်များ

मत्ती 17:12

टर ङा नाखुरीककी डेले, एलीया अघी न राम्‍ह भ्‍यामने। टर होसकी भर्मीकै माचीन्‍डीया, र होखुरीककी होसकी ही जाट्‍की मीमन सेया होटन जाटा। होटजाट्‍न न भर्मीयो मीजै र होखुरीकुङ मीहुटीङ कष्‍ट भोग्‍डीकी पर्‌ले।”

मत्ती 17:22

चेलाकोखाटा गालीलाङ भेला छान्‍नाङ येशूये होखुरीककी डेया, “अब भर्मीयो मीजाकी भर्मीकुङ मीहुटाङ जीम्‍मा याल्‍हे।

मत्ती 27:63

र होखुरीकै डेया, “हजुर, होसे ठगाहै जीउडै लेनाङ, ‘ङा सोम याकाङ फेरी जीवार सोले’ डेच कुरा कानै आर्‌मीट्‍न ने।

मर्कूस 8:31

येशूये मेखोल्‍हौ बारेयाङ चेलाकोलाक इटजाट्‍न डेया, “भर्मीयो मीजै साप्फी डुख भोग्‍डीकी पर्‌ले। अगुवा, मुख्‍य पुजाहारीको र धर्मगुरुकै इन्‍कार जाट्‍ले र साट्‍ले टर सोम याकाङ जीवाम सोले।”

मर्कूस 9:31

हीजैडेनाङ होसकै लहो चेलाकोलाक शिक्षा याम्‍हन लेया। होसकै होखुरीककी डेया, “भर्मीयो मीजा भर्मीकुङ मीहुटाङ पर्‌ले र होखुरीकै होसकी साट्‍ले होटै होसे सीच सोम याकाङ फेरी जीवार सोले।”

लुका 17:25

टर पहीले होचे वास्‍टै डुख सहडीकी पर्‌ले होटै इसे पुस्‍टुङ भर्मीकै होसकी इन्‍कार जाट्‍ले।

लुका 24:26

ही मुक्‍ति याछ ख्रीष्‍टै इसे डुखको भोक्‍डीकी होटै लहो महीमाङ नुङ्‍की आबसेक मालेया र?”

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

लुका 24:7

भर्मीयो मीजाकी पापी भर्मीकुङ मीहुटाङ पर्‌की र क्रूसाङ टङ्‍गडीस्‍की र सोमयाकाङ जीवाम सोकी आवस्‍यक ले।”

लुका 9:44

“इसे ङै नाखुरीककी डेच पट्‍ट कुरा नाखुरीकै सेम्‍ह सेनी, हीजैडेनाङ भर्मीयो मीजाकी घोवार भर्मीकुङ मीहुटाङ याछ बेला छान्‍नने।”

१ पट्‍रुस 1:11

अगमवक्‍ताकुङ मीमन भीत्री लेच ख्रीष्‍टौ आत्‍मै ख्रीष्‍टै कुटजाट्‍न कष्‍टको भोग्‍डीकी पर्‌ले र होटै न्‍हुइङ कुटजाट्‍न बाड्‍को आदर डुप्‍ले डेयार अघीलकीङ न टान्‍हाक्‍ङ याम्‍हन्‍या।