लुका 9:2 - पुर्वीय मगर

² होसकै होखुरीककी परमेश्‍वरौ राज्‍यौ बारेयाङ सेटाक्‍की र छाच कोलाक गेपाक्‍की डेम बीर्‌न्‍हका।

लुका 9:2 ပူးပေါင်းရင်းမြစ်များ

मत्ती 10:5

येशूये होसे बार्‍ह जना प्रेरितकोलाक इट डेयार बीर्‌न्‍हका, “नाखुरीक अन्‍यजातिकुङ मीघ्‍याङ र सामरीकुङ सहरकोवाङ मानुङ्‍की।

मत्ती 13:19

जब सुयेर स्‍वर्गौ राज्‍यौ वचन सेले, र होसे माबुझडीसा डेनाङ शैतान राहार होच्‍यौ रीदयाङ ही भेरेट्‍नन्‍या होसे खुसार आल्‍हे। इसे चहीँ होसे लामाङ पर्च छोयौ उदाहरण लेखा न हो।

मत्ती 24:14

अनी इसे राज्‍यौ सेछ समाचार चहीँ पट्‍ट जाटीकुङ लागी गबाहीयो रुपाङ संसार भरी प्रचार जाट्‍ले, टब संसारौ अन्‍त्‍य राल्‍हे।

मत्ती 3:2

“लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मर्कूस 16:15

होटै येशूये होखुरीककी डेया, “पट्‍ट संसाराङ नुङार पट्‍ट भर्मीयो जाट-जाटीकोलाक सेछ समाचार सेटाक्‍नी।

मर्कूस 6:12

होटै न्‍हुइङ चेलाको ख्‍योव्‍हार नुङा र भर्मीकै पापको डासार परमेश्‍वर पट्‍टी ल्‍हेस्‍ख्‍यो डेम प्रचार जाटा।

लुका 10:1

होस न्‍हुइङ प्रभु येशूये अरु सट्‍टरी जना चेलाको भाका। होटै लाहा नुङ्‍की पाच काट-काट सहर र लाङ्‍घा-लाङ्‌घाङ लाहा डेनाङ अगाडी होखुरीककी नीस-नीस जना खासार बीर्‌न्‍हका।

लुका 10:11

‘कानुङ मीहीलाङ लाछ नाखुरीकुङ सहरुङ झाबुल र कान नाखुरीकुङ विरुद्धाङ खार्‍हाले। टर नाखुरीकै इसे कुरा वार्‌न्‍ही, परमेश्‍वरौ राज्‍य खेरेप टार्‍हामने।’

लुका 10:9

होला लेच छाच कोलाक गेपाक्‍नी, र होखुरीककी डेनी, ‘परमेश्‍वरौ राज्‍य नाखुरीकुङ खेरेप राम्‍ह भ्‍यामने।’

लुका 16:16

“बप्‍तिस्‍मा याछ युहन्‍नौ बेलासम्‍म मोशौ व्‍यवस्‍था र अगमवक्‍ताकुङ शिक्षाङ भर्मीको व्‍हामन्‍या। होटै होसे बेला लकीङ इलाक चहीँ नाखुरीककी परमेश्‍वरौ राज्‍यौ सेछ समाचार सेटाक्‍ने। होटै पट्‍टको होला पर्‌की डेम जोड जाट्‍न न ले।

लुका 9:11

टर याङ्‌च कुरा थाहा डीन्‍हार वास्‍टै भर्मीकै होसकोकी डुटा। होसकै होखुरीककी स्‍वागट जाटा र परमेश्‍वरौ राज्‍यौ बारेयाङ सेटाका, होटै छाच लकीङ गेप्‍की मीमन जाट्‍चकोलाक गेपाका।