लुका 9:16 - पुर्वीय मगर

¹⁶ होटै येशूये होसे बाङा रोटो र नीस डीस्‍या लार स्‍वर्ग पट्‌टी ङोस्‍चै धन्‍यवाद याहा, होटै होसकै रोटो र डीस्‍याकी ग्‍याकार भर्मीकोलाक पुङ्‍ङ याखी डेम चेलाकोलाक याहा।

लुका 9:16 ပူးပေါင်းရင်းမြစ်များ

मत्ती 14:19

येशूये भर्मीकोलाक फीछ चउराङ ङुकी लैडीया। होसे बाङा रोटो र नीस डीस्‍या लार स्‍वर्गलाक ङोसार परमेश्‍वरकी धन्‍यवाद याहा र रोटोको ग्‍याकार चेलाकोलाक याहा। चेलाकै आल्‍हार भर्मीकोलाक पुङ्‍ङ याहा।

मत्ती 15:36

होसकै होसे साट वटा रोटो र डीस्‍या लार परमेश्‍वरकी धन्‍यवाद याहा र ग्‍याकार चेलाकोलाक पुङ्‍ङ याखी लैडीया। होटै होखुरीकै भर्मीकोलाक पुङ्‍ङ याहा।

मर्कूस 7:34

अनी येशूये स्‍वर्गलाक ङोसार लोट्‍च सास लाचै होसेकी डेया, “इफ्‍फाटा” होच्‍यौ अर्थ हो “खोलीसो।”

लुका 22:19

होटै होसकै रोटो लाम धन्‍यवाद याम्‍ह भ्‍याच न्‍हुइङ ग्‍याकार होखुरीककी इट डेचै याहा, नाखुरीकुङ लागी याछ इसे ङौ जीउ हो। ङौ सम्‍झनाङ जाट्‍च जाट्‍नी।

लुका 24:30

येशू होखुरीक खाटा ज्‍याकी ङुनाङ रोटो लार धन्‍यावाद याम्‍ह रोटो ग्‍याका होटै होखुरीककी पुङ्‍ङ याहा।

लुका 9:15

होखुरीकै पट्‍ट भर्मीकोलाक होटजाट्‍न न ङुवाका।

लुका 9:17

पट्‍टकै र्‍हास्‍ठर ज्‍या। होटै ज्‍याम माबान्‍छ टुक्‍राको चेलाकै बार्‍ह डालो सोटा।

युहन्‍ना 6:11

टब येशूये बाङा रोटो लार परमेश्‍वरकी धन्‍यवाद याहा अनी येशूये भर्मीकै ज्‍याख्‍यौ डेयार चेलाकोलाक पुङ्‍ङ याखी लैडीया। होटजाट्‍न न येशूये नीस डीस्‍या लार परमेश्‍वरकी धन्‍यवाद याहा र ङुच भर्मीकै ज्‍याख्‍यौ डेयार चेलाकोलाक पुङ्‍ङ याखी लैडीया, र होखुरीक पट्‍टकै र्‍हास्‍ठर ज्‍या।

युहन्‍ना 6:23

टब अरु डुङ्‍गाको र तिबेरियासलकीङ टाराहा, होसे ठाउँ प्रभुये धन्‍यवाद याहार भर्मीकै रोटो ज्‍याच खेरेप लेया।

प्रेरित 27:35

इसे कुरा डेम भ्‍यारखीङ पावलै रोटो ला, र पट्‍टकुङ म्‍याहासाङ परमेश्‍वरकी धन्‍यवाद याहार होसे रोटो ग्‍याकार ज्‍या।