लुका 8:25 - पुर्वीय मगर

²⁵ होटै येशूये चेलाकोलाक डेया, “नाखुरीकुङ विश्‍वास कुला नुङा?” चेलाको होसे कुरा डाङार छक्‍क पर्‌या, होटै बीर्‍हीचै मेखुरीक-मेखुरीक इट डेयार कुरा जाट्‌की ठाला, “इसको सु आले? होसकै हक्‍कारीनाङ च नाम्‍सु र समुन्‍द्रौ छाल र बाछ लेसा!”

लुका 8:25 ပူးပေါင်းရင်းမြစ်များ

मत्ती 14:31

टब तुरुन्‍तै येशूये पत्रुसौ मीहुट घोवार होसकी डेया, “ए अल्‍पविश्‍वासी, हीजै सङ्‍का जाट्‍च?”

मत्ती 17:20

अनी होसकै डेया, “नाखुरीक खाटा चेक्‍जा र विश्‍वास मालेचबाटै हो। साँच्‍ची न ङा नाखुरीककी डेले, नाखुरीक खाटा काट राइगानौ डाना टडीक बाड्‍को मट्‍टै विश्‍वास छाना डेनाङ र इसे डाँडाकी ‘इटै हटडीसो’ डेया डेनाङ होसे हटडीसार नुङ्‍ले। र नाखुरीकुङ लागी छान्‍की माय्‍होक्‍च कुरा हीर माछान्‍ले।

मत्ती 6:30

ए अल्‍पविश्‍वासीको, छीनी लेच र पीउर्‍हाक म्‍हेयाङ लोछ घाँस र सार्‌की च परमेश्‍वरै इटजाट्‍न सीङ्‍गारीले डेनाङ, ही नाखुरीककी झन वास्‍टै जाट्‍न होसकै बढीन बील्‍हाक्‍ङ माय्‍हाले र?

मत्ती 8:10

होच्‍यो याङ्‍च कुरा सेयार येशू छक्‍क पर्‌या अनी लहो न्‍हुङ-न्‍हुङ राछ भर्मीकोलाक डेया, “साँच्‍ची न, ङा नाखुरीककी डेले, इस्राएलाङ इडीक बाड्‍को विश्‍वास लेच ङै सुकीर माडुप्‍मने।

मत्ती 8:26

अनी येशूये होखुरीककी डेया, “ए चेक्‍जा र विश्‍वास मालेचको, नाखुरीक हीजै बीर्‍हीछ?” टब सोवार होसकै नाम्‍सु र डीयो छालकी हक्‍कारीया र बाखी क्‍योटा।

मर्कूस 4:35

होसनीक नाबीलाङ येशूये लहो चेलाकोलाक डेया, “रान्‍ही काल्‍हा टाल पारी नुइङ।”

लुका 12:28

टर छीनीङ वाट्‍च सार पीउर्‍हाक छोकार म्‍हेयाङ सीकाक्‍च की च परमेश्‍वरै इटजाट्‍न सीङ्‍गारीले डेनाङ, होसकै नाखुरीककी झन कुडीक वास्‍टै सेछ ठोककै सीङ्‍गारीले डेनाङ नाखुरीकुङ विश्‍वास खोइ?

लुका 8:24

होटै चेलाको येशू छीनी राहार होसकोकी सोट्‍चै इट डेकी ठाला, “ए गुरुज्‍यु, काल्‍हाको ठाखी पाम भ्‍या।” होटै येशू सोवार नाम्‍सु र समुन्‍द्रौ छालकी हक्‍कारीया। होडीक न बेला नाम्‍सु र समुन्‍द्रौ छाल बाहा र सान्‍ट छाना।

लुका 8:26

होटै येशू मेखोल्‍हौ चेलाको खाटा गालील लकीङ पार्‌लाक गेरासेनसौ ठावाङ टाहा।

युहन्‍ना 11:40

येशूये डेया, “ही ङै नाङ्‍की डेच होइन, इडीक नीये विश्‍वास जाटा डेनाङ परमेश्‍वरौ महीमा डाङ्‍ले?”