लुका 8:24 - पुर्वीय मगर

²⁴ होटै चेलाको येशू छीनी राहार होसकोकी सोट्‍चै इट डेकी ठाला, “ए गुरुज्‍यु, काल्‍हाको ठाखी पाम भ्‍या।” होटै येशू सोवार नाम्‍सु र समुन्‍द्रौ छालकी हक्‍कारीया। होडीक न बेला नाम्‍सु र समुन्‍द्रौ छाल बाहा र सान्‍ट छाना।

लुका 8:24 ပူးပေါင်းရင်းမြစ်များ

मत्ती 14:30

टर बाड्‍को नाम्‍सु क्‍योस्‍च डाङार होसे बीर्‍हीया र डीयाङ ठाखी पा टब होचे च्‍याकार डेया, “ए प्रभु, ङाकी जीवाक्‍नी!”

मत्ती 8:25

चेलाको नुङार होसकोकी सोट्‍चै डेया, “ए प्रभु, कानकी जीवाक्‍नी! काल्‍हा थाहार सीकी पाम भ्‍यामने!”

मर्कूस 4:39

होटै होसको सोवार आँधी र टालौ छालकी हक्‍कारीचै डेया, “सान्‍ट छानो! बहो!” होटै आँधी बाहा र सान्‍ट छाना।

लुका 4:35

इसे कुरा सेयार येशूये होसे दुष्‍ट आत्‍माकी हकारीयार डेया, “माच्‍याको र इसे भर्मीलकीङ ख्‍योव्‍हार नुङ्‍ना।” होसे भर्मीकी पट्‍टौ म्‍याहासाङ कुरुकार दुष्‍ट आत्‍मा खेव्‍हार नुङा। टर भर्मीकी चहीँ हीआङ र चोट मापर्‌या।

लुका 4:39

होटै येशू सीमोनौ गुमा खेरेप टोङ्‌हार ज्वरोकी हक्‍कारीया र होस बेला न ज्वरै डास्‍की क्‍योटा र तुरुन्‍तै सोवार होचे होखुरीककी ज्‍यामा-गामा खासार याहा।

लुका 5:5

टर सीमोनै डेया, “गुरुज्‍यु, कानै नाबीलाङ लकीङ गोराक सम्‍म जाल ङापा, टर काट र डीस्‍या मापर्‌या। इडीक नाकै डेले डेनाङ ङा काखेप फेरी जाल ङाप्‍ले।”

लुका 8:25

होटै येशूये चेलाकोलाक डेया, “नाखुरीकुङ विश्‍वास कुला नुङा?” चेलाको होसे कुरा डाङार छक्‍क पर्‌या, होटै बीर्‍हीचै मेखुरीक-मेखुरीक इट डेयार कुरा जाट्‌की ठाला, “इसको सु आले? होसकै हक्‍कारीनाङ च नाम्‍सु र समुन्‍द्रौ छाल र बाछ लेसा!”