लुका 8:14 - पुर्वीय मगर

¹⁴ जु घारीयाङ पर्च छोयो होखुरीक हो, बचन च सेले, होटै न्‍हुइङ जीवनौ चीन्‍टा, संसारुङ धन सम्‍पत्ति र मोज मज्‍जाङ पर्‌यार ल्‍होङ्‍की माडीन्‍ल्‍हे होटै होच्‍यो मीस्‍या म्‍हीन्‍की माडुप्‍ले।

लुका 8:14 ပူးပေါင်းရင်းမြစ်များ

मत्ती 13:22

जुघारीयाङ पर्च छोयो चहीँ होसे हो, वचन च सेले टर संसारुङ चीन्‍टा फीक्‍री र धन-सम्‍पत्तियो छलै परमेश्‍वरौ वचनकी बाढा याल्‍हे, अनी होचे सेन्‍र मीस्‍या मास्‍याटाक्‍ले।

मर्कूस 4:19

अनी इसे संसाराङ कुटजाट्‍न जीवाकी डेम चीन्‍टा, धन सम्‍पत्तियो लोभ होटै अरु ठोकुङ लालचा जाटार परमेश्‍वरौ बचनकी म्‍य्‍हाक्‍ले र काट हीर मीस्‍या मास्‍याटाक्‍ले।

लुका 16:13

“सुयेर नीस मालीकौ सेवा जाट्‍की माय्‍होक्‍ले। नभा च होचे काट्‍की जाक्‍ले र अर्‌कोकी माजाक्‍ले। की ट होचे काटौ चहीँ इमानदार छानार सेवा जाट्‍ले र अर्‌कोकी चहीँ हेला जाट्‍ले। होटबाटै नाखुरीकै र परमेश्‍वर र धन नीसौ न सेवा जाट्‍की माय्‍होक्‍ले।”

लुका 21:34

“नाखुरीक लहो बारेयाङ होसीयार छान्‍नी। वास्‍टै भोज-भट्‍याराङ नुङार म्‍होर्‌न माव्‍हानी। लहो जीवनौ चीन्‍टा माजाट्‍नी। नभा च नाखुरीकुङ मीमन बोढो छान्‍ले। र होसे डीन नाखुरीकै माचीटडीच बेलाङ पासो लेखा न आरहे।

लुका 8:13

ल्‍हुङ घारीयाङ पर्च चहीँ होखुरीक हो, बचन सेयार खुसी खाटा ग्रहण जाट्‍ले। टर होच्‍यो जरा माछान्‍ले, होखुरीकुङ विश्‍वास चहीँ कालापौ लागी मट्‍टै छान्‍ले। टर परीक्षौ बेलाङ होखुरकुङ पटन छान्‍ले।

लुका 8:15

टर असल झाङ पर्च छोयो चहीँ होकुरीक हो, बचन सेयार सेछ र भलो रीदयाङ जोगडीम डाले, होटै लेन्‍न र मीस्‍या स्‍याटाक्‍ले।

लुका 8:7

कुडीक छोयो चहीँ जु घारीयाङ पर्‌या र बीरुवाको खाटा न जुको ल्‍होङार राहा। होटै होसे बीरुवाकी ल्‍होङ्‍की माय्‍हा।

युहन्‍ना 15:6

अनी होखुरीक ङाखाटा माङुवा डेनाङ होसे चेयार ल्‍होछ हाँगाको लेखा न छान्‍ने। होसे हाँगाको छोक्‍ले र बटुलीयार म्‍हेयाङ काम याल्‍हे।

१ टीमोठी 6:17

चाहाँ इसे संसाराङ धनि छान्‍च भर्मीकोलाक घमन्‍ड माजाट्‍की डेनी। हीजैडेनाङ होसे धन सम्‍पत्ति सधैँभरी माङुले, टर कानुङ सुखौ लागी प्रशस्‍त खाटा पट्‍ट ठोक याछ परमेश्‍वर मीटाक न भरोसा डाकी डेनी।

२ टीमोठी 4:10

डेमासै संसारकी प्रेम जाट्‍न ङाकी डासार होसे थेसोलोनीके पट्‍टी नुङा। परमेश्‍वरौ कामौ लागी केरेसेन्‍स गलातीयाङ नुङा र तीतस चहीँ दलमातियाङ नुङा।