लुका 7:7 - पुर्वीय मगर

⁷ ङाल्हा र नाकुङ म्याहासाङ राखी योग्‍यौ माले। टर नाकै बचन मट्‍टै ङाक्‍ङ यान्ही, ङौ नोकर गेप्‍ले।

लुका 7:7 ပူးပေါင်းရင်းမြစ်များ

मर्कूस 1:27

इसे डाङ्‍च पट्‍ट न भर्मीको अचम्‍म मन्‍डीया र होखुरीक मेखुरीक-मेखुरीक गीन्‍की ठाला, “इसे ही हो? इसे च अधिकार लेच नयाँ शिक्षा टी लेसा। इचे च भूत आत्‍माकोलाक र आज्ञा जाट्‍ले र होखुरीकै इच्‍यो आज्ञा र मन्‍डीच लेसा।”

लुका 4:36

पट्‍ट भर्मी छक्‍क पर्‌यार कुरा जाट्‍की ठाला, “इसे भर्मीये ङाक्‍च बोलीयाङ कोङ्‍च अधिकार र शक्‍ति लेसा? होसकै च्‍याक्‍नाङ दुष्‍ट आत्‍माको र खेव्‍हार व्‍हाले!”

लुका 5:13

येशूये होसे मीटाक मीहुट डार डेया, “ङा मीमन जाट्‍ले, नाङ गेप्‍की क्‍योटो।” होडीक न बेला होसे कुष्‍ठरोग लक्‍डीस्‍च भर्मी गेप्‍की क्‍योटा।

लुका 7:6

होटै न्‍हुइङ येशू होखुरीक खाटा नुङा। होखुरीक कप्‍तानौ इम खेरेप टान्‍हाङ कप्टानै लहो लाफाकोलाक येशूकी याङ्‍च खबर याम्‍हका, “हजुर, लौ डुख माजाट्‍नी। नाकोकी ङौ इम भीत्री आल्‍खी ज्‍योस्‍च ङा माले,

लुका 7:8

हीजैडेनाङ ङा र बाड्‍को हाकीमकुङ अधिनाङ ङुमने। ङौ अधिनाङ र सीपाहीको ले। काटकी ‘नुङ्‍ना’ डेले, होसे नुङ्‍ले, अर्‌कोकी ‘रान्हा’ डेले, होसे राखी क्‍योट्‍ले। ङौ नोकरकी ‘इसे जाटो’ डेले, अनी होचे जाट्‍ले।”