लुका 7:16 - पुर्वीय मगर

¹⁶ होला पट्‍ट भर्मीको बीर्‍हीया र परमेश्‍वरौ महीमा जाटा र डेया, “काट जना कर्‍हाङ्‍छ अगमवक्‍ता कानुङ मीघ्‍याङ डाङ्‌नने र परमेश्‍वरै लहो भर्मीकोलाक जीवाक्‍की डेम राछ हो।”

लुका 7:16 ပူးပေါင်းရင်းမြစ်များ

मत्ती 15:31

याङ्‍च सम्‍म छाना की, ङाक्‍की माय्‍होक्‍चको ङाका, लुलाको गेपा, लङ्‍गडाको व्‍हा, मीमीक माडाङ्‍चको डाङ्‍च छाना। याङ्‍च अचम्‍मौ काम डाङार होसे भर्मीकै इस्राएलुङ परमेश्‍वरौ महीमा जाटा।

मत्ती 21:11

भीडुङ भर्मीकै डेया, “होसको च गालीलुङ नासरतुङ अगमवक्‍ता येशू हो।”

मत्ती 28:8

होसे मास्‍टो भर्मीकोलाक बीर्‍हीम र सेया र मार्‍हाङ्‍ङ र सेया। होखुरीक चीहान लकीङ झोसार खेव्‍हा र होसकुङ चेलाकोलाक ङ्‍होस्‍की खेर्‌न नुङा।

मत्ती 9:8

जब भर्मीकुङ भीडै इसे डाङा, टब होखुरीक बीर्‍हीया र परमेश्‍वरै भर्मीकोलाक याङ्‍च अधिकार याछ बाटै होसकुङ प्रशंसा जाटा।

लुका 1:65

इसे पट्‍ट कुरा डाङार छीमेकीको बीर्‍हीया। होटै इसे कुरा यहूदियो पट्‍ट पहाडी मुलुक भरी इसे घटनौ चर्‌चा फैलडीसा।

लुका 1:68

“इस्राएलीकुङ परमप्रभु, परमेश्‍वरौ प्रशंसा छान्‍ख्‍यो, हीजैडेनाङ होसको राम्‍हने, र लहो भर्मीकोलाक जीवाटाक्‍ने!

लुका 19:44

होटै नाङ र नाङ भीत्री लेच मीजाकोलाक साट्‍न याल्‍हे। होखुरीकै काट ल्‍हुङ टकी अर्‌को ल्‍हुङ्‍की र बाँकी माडास्‍ले। हीजैडेनाङ परमेश्‍वरै नाङ्‍की जीवाक्‍की डेम राछ समयकी नीये माचीन्‍डीया।”

लुका 2:20

होटै स्‍वर्गदूतकै डेच लेखा न भेडा गोठ्‌लाकै सेच र डाङ्‌च बाटै परमेश्‍वरकी महीमा र स्‍तुति जाट्‍चै ल्‍हेसा।

लुका 24:19

होसकै होखुरीककी गीना, “कुङ्‍च घटना?” होखुरीकै डेया, “येशू नासरीयो बारेयाङ छान्‍च कुरा। होसको काट जना अगमवक्‍ता लेया। परमेश्‍वर र पट्‍ट भर्मीकुङ म्‍याहासाङ बचन र कामाङ शक्‍तिशाली लेया।

लुका 5:26

पट्‍ट भर्मीको छक्‍क पर्‌या र होखुरीकै परमेश्‍वरौ महीमा जाटा होटै बीर्‍हीचै डेया, “छीनी कानै अचम्‍मौ कुरा डाङा!”

लुका 5:8

होटै येशूये याङ्‌च काम जाट्‌च डाङार सीमोन पत्रुसै येशूओ मीहीलाङ खुखुप छानार डेया, “ए प्रभु, ङा लकीङ लोस नुङ्‍की क्‍योट्‍नी, हीजैडेनाङ ङा काट पापी भर्मी हो!”

लुका 7:15

सीच भर्मी सोवार ङुवा होटै ङाक्‍की ठाला र येशूये होसकी मेनो मोइकी जीम्‍मा याहा।

लुका 7:39

होसे फरीसी भर्मीये याङ्‍च कुरा डाङार मेनो मीमनाङ इट डेया, “इडीक इसको अगमवक्‍ता हो डेनाङ च मेखोल्‍हाकी छुच मास्‍टो सु हो कुङ्‍च मास्‍टो हो डेयार इसकै वार्‌छ लेया, हीजैडेनाङ इसे च पापीनी हो।”

लुका 8:37

होटै गेरासेनसौ खेरेपुङ पट्‍ट लाङ्‍घुङ भर्मीकै येशूकी होखुरीकुङ लाङ्‍घा लकीङ नुङ्‍की क्‍योट्‍नी डेयार बिन्‍ती जाटा। हीजैडेनाङ होखुरीक सार्‍है बीर्‍हीम्‍या। होटबाटै येशू डुङ्‍गाङ काल्‍हार नुङ्‍की पानाङ,

लुका 9:19

होखुरीकै डेया, “कुडीकै बप्‍तिस्‍मा याछ युहन्‍ना डेले, कुडीकै एलीया र डेले, र कुडीकै चहीँ खायाकुङ अगमवक्‍ताको मढ्‍याङ काट फेरी सोमने डेले।”

युहन्‍ना 1:21

होखुरीकै गीना, “होटडेनाङ नाको सु हो ट? ही नाको एलीया हो?” युहन्‍नै डेया, “अहँ, ङा होइन।” होखुरीकै गीना, “ही कानै लेन्‍न ङुच अगमवक्‍ता नाको न हो ट?” युहन्‍नै जवाफ याहा, “होइन!”

युहन्‍ना 1:25

होखुरीकै युहन्‍नाकी गीना, “इडीक नाको मुक्‍ति याछ ख्रीष्‍ट र होइन, एलीया र होइन, अनी अगमवक्‍ता र होइन डेनाङ हीजै बप्‍तिस्‍मा याल्‍हे ट?”

युहन्‍ना 4:19

होसे मास्‍टो भर्मीये डेया, “गुरु ज्‍यु, अब ङाकी थाहा छाना नाको च अगमवक्‍ता टी लेसा।

युहन्‍ना 6:14

येशूये जाट्‍च अचम्‍मौ याङ्‍च काम डाङार होसे भर्मीकै डेया, “साँच्‍ची न, कानै आसा जाट्‍च संसाराङ राछ अगमवक्‍ता होसको न हो।”

युहन्‍ना 9:17

फरीसीकै फेरी होसे पहीला अन्‍धा लेच भर्मीकी गीना, “होसे भर्मीये नुओ मीमीक डाङ्‍च खासार गेपाका, अनी नुओ बीचाराङ होसे भर्मी सु हो ट?” होचे डेया, “होसको अगमवक्‍ता हो।”

प्रेरित 5:5

इसे कुरा सेच बीट्‍टीकै हननीया झाङ कुरुव्‍हार सीया। अनी इसे कुरा सेचको पट्‍ट न सार्‍है बीर्‍हीया।

प्रेरित 7:37

होसे न मोशै इस्राएलीकोलाक डेमन्‍या, ‘परमेश्‍वरै ङाकी बीर्‌न्‍हकानाङ लेखा न नाखुरीकुङ डाजे-भाइको लकीङ काट जना अगमवक्‍ता नाखुरीक लेठाङ बीर्‌न्‍हकाले।’