लुका 6:47 - पुर्वीय मगर

⁴⁷ सु ङा लेठाङ राल्‍हे, ङौ बचन सेले र होसे अनुसार जाट्‍ले, होसे कुङ्‍च भर्मी हो, डेम ङा नाखुरीककी डेले।

लुका 6:47 ပူးပေါင်းရင်းမြစ်များ

मत्ती 12:50

हीजैडेनाङ सुये स्‍वर्गाङ लेच ङौ बोयो इच्‍छा पुरा जाट्‍ले, होखुरीक न ङौ भाइ, बहीनी र मोइ हो।”

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

लुका 11:28

टर येशूये डेया, “परमेश्‍वरौ बचन सेयार सुये मन्‍डीले होखुरीक टी आसीस डुप्‍चको हो!”

लुका 14:26

“ङाकी डुट्‍चकै लहो मोइ-बोइ, जहान, मीजाको, डाजे भाइ, डै-बहीनी पट्‍ट कोलाक होटै लहे लहो प्राणकी टुच्‍छ मामन्‍डीले डेनाङ ङौ चेला छान्‍की माय्‍होक्‍ले।

लुका 6:48

होसे काट इम खास्‍च भर्मी ल्‍याक्‍च हो। काट भर्मी होच्‍ये लुप्‍म कोहार इमौ जग चट्‍टान मीटाक खासा। होटै नामास राहार भल राहा, होसे इमाङ ठोका टर होसे इमकी होयोक्‍की माय्‍होका। हीजैडेनाङ इमौ जग बलीयो खास्‍नन्‍या।

लुका 8:13

ल्‍हुङ घारीयाङ पर्च चहीँ होखुरीक हो, बचन सेयार खुसी खाटा ग्रहण जाट्‍ले। टर होच्‍यो जरा माछान्‍ले, होखुरीकुङ विश्‍वास चहीँ कालापौ लागी मट्‍टै छान्‍ले। टर परीक्षौ बेलाङ होखुरकुङ पटन छान्‍ले।

लुका 8:8

टर कुडीक छोयो चहीँ सेछ झाङ पर्‌या। होटै सेम्‍हजा गीटार ल्‍होङा होचे सय गुना मीस्‍याको स्‍याटाका।” इडीक डेम भ्‍यारखीङ होसकै बाड्‍को सोरै इट डेया, “सुओ सेच मेन्‍केप ले होचे सेख्‍यौ!”

युहन्‍ना 10:27

ङौ भेडाकै चहीँ ङौ सोर सेले, र होखुरीककी ङा चीन्‍डीले, अनी होखुरीकै ङाकी डुट्‍ले।

युहन्‍ना 13:17

इडीक नाखुरीकै इसे कुरा बुझडीसा र होसे अनुसार न काम जाटा डेनाङ, नाखुरीकै आसीस डुप्‍ले।

युहन्‍ना 14:15

“इडीक नाखुरीकै ङाकी माया जाट्‍ले डेनाङ ङै याछ आज्ञाको मन्‍डीले।

युहन्‍ना 5:40

टर सेन्‍र मासीच जीवन डुप्‍की नाखुरीक ङा लेठाङ राखी मामन्‍डीले।

युहन्‍ना 6:35

येशूये भर्मीकोलाक डेया, “सेन्‍र मासीच जीवनौ रोटो ङा न हो। ङा लेठाङ राछ सेन्‍र मीटुक मारन्‍छीले र ङामीटाक विश्‍वास जाट्‍च सेन्‍र डी मासोन्‍ल्‍हे।

युहन्‍ना 6:37

बोये ङाकी याछको पट्‍ट न ङा लेठाङ राल्‍हे, र ङा लेठाङ राछको चहीँ सुकीर ङा ल्‍हेट्‍न माकाले।

युहन्‍ना 8:52

यहूदी अगुवाकै डेया, “अब कानकी पक्‍का थाहा छाना, नाङ्‍की भूत लक्‍डीस्‍च न हो। अब्राहाम सीया, अगमवक्‍ताको र सीया, टर नाङ डेले, ‘ङौ शिक्षा मन्‍डीचको सेन्‍र सीकी मापर्‌ले।’

याकुब 4:17

होटबाटै इडीक सुयेर भलाइ जाट्‍की वार्‌न्‍ह र माजाट्‍ले डेनाङ होच्‍यौ लागी होसे न पाप हो।

१ पट्‍रुस 2:4

नाखुरीक प्रभु येशू लेठाङ रान्‍ही, होसको च जीउँडो पत्‍थर हो। भर्मीकै काम मालक्‍डीस्‍च डेयार इन्‍कार जाट्‍च, टर परमेश्‍वरै चुन्‍डीच बहुमुल्‍य ले।

२ पट्‍रुस 1:10

होटबाटै विश्‍वासी डाजेभाइको र डै बहीनीको, परमेश्‍वरै नाखुरीककी आर्‌घाच र चुन्‍डीच कुराकी नीस्‍चीट जाट्‍कीयो लागी झन जोसीलो छान्‍नी। हीजैडेनाङ इसे कुराको जाटा डेनाङ, नाखुरीक सेन्‍र परमेश्‍वर लकीङ लोस माछान्‍ले।

१ युहन्‍ना 2:29

इडीक ख्रीष्‍ट धर्मी ले डेच कुरा नाखुरीकै वार्‍हा डेनाङ, नाखुरीकै इसे कुरा र वार्‌ल्‍हे की ठीक काम जाट्‍च काट-काट जना भर्मी परमेश्‍वरौ मीजाको हो।

१ युहन्‍ना 3:7

मार्‌जा बालखको, सुयेर नाखुरीककी ढाट्‌डीकी माडीन्‍ख्‍यौ! ठीक काम जाट्‍च भर्मी न ख्रीष्‍ट ल्‍याक्‍च धर्मी ठहरीस्‍ले।