लुका 6:27 - पुर्वीय मगर

²⁷ “टर नाखुरीक सेच कोलाक ङा डेले, लहो शत्रुकी र प्रेम जाट्‌नी र लाहाकी माजाक्‍च कोलाक सेछ व्‍यवहार जाट्‍नी।”

लुका 6:27 ပူးပေါင်းရင်းမြစ်များ

मर्कूस 4:24

येशूये होखुरीककी फेरी डेया, “नाखुरीकै ही सेमन ले होसे कुराङ ढ्‍यान यान्‍ही। हीजैडेनाङ नाखुरीकै अरुकी कुसे मानै जापार याल्‍हे होसे न मानै नाखुरीककी र याल्‍हे अनी नाखुरीककी झन वास्‍टै याल्‍हे।

लुका 23:34

होस बेला येशूये डेया, “ए बोइ, इखुरीककी क्षमा यान्‍ही हीजैडेनाङ इखुरीकै ही जाट्‍न न ले, होसे इखुरीककी हीर थाहा माले।” होटै होखुरीकै होसकुङ बढीन चीठ्‍ठा कार पुङा।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

लुका 8:15

टर असल झाङ पर्च छोयो चहीँ होकुरीक हो, बचन सेयार सेछ र भलो रीदयाङ जोगडीम डाले, होटै लेन्‍न र मीस्‍या स्‍याटाक्‍ले।

लुका 8:18

होटबाटै नाखुरीकै सेच कुरा मीमनाङ सेम्‍हजा डानी, हीजैडेनाङ सु खाटा ले होसकी झन फाट्‍न याल्‍हे, टर सु खाटा हीर माले, होचे लाहा खाटा हीले डेम आर्‌मीट्‍ले होसे र होस लकीङ स्‍याट्‍न याल्‍हे।”

लुका 8:8

टर कुडीक छोयो चहीँ सेछ झाङ पर्‌या। होटै सेम्‍हजा गीटार ल्‍होङा होचे सय गुना मीस्‍याको स्‍याटाका।” इडीक डेम भ्‍यारखीङ होसकै बाड्‍को सोरै इट डेया, “सुओ सेच मेन्‍केप ले होचे सेख्‍यौ!”

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 16:28

टर पावलै बाड्‍को सोरै डेया, “नाकै लाहाकी हीर हानी माजाट्‍नी, हीजैडेनाङ कान पट्‍ट न इला न ले!”

प्रेरित 7:60

अनी होचे घुँडा टुसार बाड्‍को सोरै च्‍याकार डेया, “ए प्रभु, इसे पापौ दोष इखुरीककी मालक्‍डीसख्‍यौ।” इट डेयार होचे प्राण डासा।

१ ठेसलोनीकी 5:15

नाखुरीकुङ मीघ्‍याङ सुयेर खराबी जाटा डेनाङ होच्‍यो बडला खराबी माजाट्‍नी, टर काटै काट्‍की र पट्‍ट भर्मीकोलाक भलाइ जाट्‍च मीमन जाट्‍नी।

३ युहन्‍ना 1:11

ङौ जाक्‍च लाफा, मास्‍च कुरा सुलकीङ र मालाकी, टर सेछ कुराको मट्‍टै लाकी। सुये सेछ काम जाट्‍ले, होसे परमेश्‍वरौ भर्मी हो, सुये मासेछ काम जाट्‍ले, होचे परमेश्‍वरकी माचीन्‍डीमने।