लुका 6:23 - पुर्वीय मगर

²³ होसनीक नाखुरीक मार्‍हाङ्‍नी, फोर्‌झोनी। हीजैडेनाङ ङोस्‍नी, नाखुरीककी डेयार स्‍वर्गाङ बाड्‍को इनाम डाम याम्‍हने। खायाकुङ अगमवक्‍ताकोलाक र नाखुरीककी डुख याछकुङ बोइ-बाज्‍युकै होटजाट्‍न न डुख याम्‍हन्‍या।

लुका 6:23 ပူးပေါင်းရင်းမြစ်များ

मत्ती 5:12

होडीक बेला नाखुरीक साप्फी मार्‍हाङ्‍नी, हीजैडेनाङ स्‍वर्गाङ नाखुरीकुङ इनाम बाड्‍को ले। होटजाट्‍न न खायाकुङ अगमवक्‍ताकोलाक र होखुरीकै सटडीमन्‍या।

लुका 1:41

मरीयमै झोरा डेच सोर सेच बीट्‍टीकै एलीशिबौ मीटुकाङ लेच मीजा फोर्‌झोहा। होडीक बेला न एलीशिबा पवित्र आत्‍मै न्‍हेपा।

लुका 1:44

ङोस्‍नी, नाकै झोर्‌ले डेच सोर ङौ मेन्‍केपाङ पर्च बीट्‍टीकै ङौ मीटुकाङ मीजा मार्‍हाङ्‍छै फोर्‌झोहा।

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

प्रेरित 14:10

होटै पावलै होसकी बाड्‍को सोरै च्‍याकार डेया, “नुओ मीखुट्‍यौ भराङ टोङ्‍हो!” अनी होसे जुरुक्‍क सोवार व्‍हाकी ठाला।

प्रेरित 3:8

अनी होसे जुरुक्‍कै सोवार टोङ्‍हा र व्‍हाकी ठाला। होटै होसे व्‍हाचै फोर्‌जोछै परमेश्‍वरौ प्रशंसा जाट्‍चै होखुरीक खाटा परमेश्‍वरौ मन्‍दिर भीत्री पर्‌या।

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

२ टीमोठी 2:12

इडीक काल्‍है होसकुङ लागी डुख सहडीले डेनाङ होसकोखाटा न राज्‍य र जाट्‍ले। होसकोकी काल्‍है इन्‍कार जाटा डेनाङ होसकै र काल्‍हाकी इन्‍कार जाट्‍ले।

याकुब 1:2

ङौ विश्‍वासी डाजेभाइको र डै बहीनीको, नाखुरीक मीटाक खाल-खालुङ कष्‍टको रान्‍हाङ होसकी पुरा आनन्‍दौ कुरा आर्मीट्‍नी।

१ पट्‍रुस 4:13

टर ख्रीष्‍टौ डुखाङ सहभागी छान्‍की डीन्‍हने डेयार आनन्‍द मन्‍डीनी हीजैडेनाङ होसकुङ बाड्‍को महीमा डाङ्‍नाङ नाखुरीक आनन्‍द खाटा मार्‍हाङ्‍की य्‍होक्‍नी।