लुका 5:30 - पुर्वीय मगर

³⁰ याङ्‌च डाङार फरीसी र होखुरीकुङ धर्मगुरुकुङ हुड्‍डाकै गन-गन जाट्‍चै येशूओ चेलाकोलाक डेया, “नाखुरीक हीजै कर सोट्‍चको र पापी भर्मीको खाटा ङुवार ज्‍याले-गाले?”

लुका 5:30 ပူးပေါင်းရင်းမြစ်များ

मत्ती 5:46

इडीक नाखुरीककी माया जाट्‍चकोलाक मट्‍टै माया जाटा डेनाङ नाखुरीकै ही इनाम डुप्‍की य्‍होक्‍ले र? ही होट च कर सोट्‍चकै र होटन माजाट्‍ले र?

मत्ती 9:11

जब फरीसीकै होसे डाङा, अनी होखुरीकै येशूओ चेलाकोलाक गीना, “नाखुरीकुङ गुरु हीजै कर सोट्‍चको र पापीकोखाटा ङुवार ज्‍याले?”

मर्कूस 2:16

येशू पापीको र कर सोट्‍चकोखाटा ज्‍याम ङुच डाङार फरीसी डलुङ धर्मगुरुकै होसकुङ चेलाकोलाक डेया, “होसको हीजै कर सोट्‍चको र पापीको खाटा ङुवार ज्‍याच?”

मर्कूस 7:3

फरीसी र अरु पट्‍ट न यहूदीकै होखुरीकुङ बोइ बाज्‍युकै जाट्‍न राछ चलन अनुसार मीहुट माहुर्‌न माज्‍याम्‍या।

मर्कूस 9:16

येशूये होखुरीककी डेया, “नाखुरीक इखुरीकखाटा हीयो बारेयाङ बहस जाट्‍नन ले?”

लुका 18:11

होटै फरीसीये टोङ्‌हार मीमन-मीमनाङ इटजाट्‍न प्रार्थना जाटा, ‘ए परमेश्‍वर, ङा नाकोकी धन्‍यवाद याल्‍हे। हीजैडेनाङ ङा अरु भर्मी ल्‍याक्‍च लोभी र ढुटाहा माले। ङै व्‍यभिचार र माजाट्‍नने। ङा इसे कर सोट्‍च भर्मी ल्‍याक्‍च र माले।

लुका 19:7

इसे डाङार पट्‍ट न भर्मीको गन-गन जाट्‍चै डेकी ठाला, “इसे भर्मी च पापी भर्मीयो इमाङ टी बास ङुकी नुङ्‍नने ट!”

लुका 5:17

कायाक येशूये शिक्षा याम्‍हन लेनाङ गालील र यहूदियुङ पट्‍ट न लाङ्‌घीङ र यरूशलेम लकीङ राछ फरीसीको र धर्मगुरुको होसकुङ खेरेप न ङुम ङुमन्‍या। परमप्रभुओ गेपाक्च शक्‍ति होसको खाटा लेया।

लुका 5:21

येशूओ इसे कुरा सेयार धर्मगुरु र फरीसीकै मेखुरीक-मेखुरीक इट डेया, “इसोर निन्‍दा जाट्‍च इसे सु आले? परमेश्‍वरै मट्‍टै पाप क्षमा जाट्‍की य्‍होक्‍ले।”

लुका 7:34

भर्मीयो मीजा राहा, होसकै ज्‍या, गा होटै नाखुरीकै डेया, ‘ङोस्‍नी, घीचुवा र गाम व्‍हाच भर्मी, कर सोट्‍चको र पापीकुङ लाफा’ डेले।

लुका 7:39

होसे फरीसी भर्मीये याङ्‍च कुरा डाङार मेनो मीमनाङ इट डेया, “इडीक इसको अगमवक्‍ता हो डेनाङ च मेखोल्‍हाकी छुच मास्‍टो सु हो कुङ्‍च मास्‍टो हो डेयार इसकै वार्‌छ लेया, हीजैडेनाङ इसे च पापीनी हो।”

प्रेरित 23:9

होचे जाट्‍न महासभाङ बाड्‍को हल्‍ला छाना। फरीसी समुहुङ कोइ-कोइ धर्मगुरु खडा छानार इट डेचै विरोध जाटा, “इसे भर्मीयाङ कानै हीर खराबी माडुप्‍ने। इडीक आत्‍मा वा स्‍वर्गदूतै इसकोकी इट डेच हो डेनाङ ही ट?”