लुका 5:26 - पुर्वीय मगर

²⁶ पट्‍ट भर्मीको छक्‍क पर्‌या र होखुरीकै परमेश्‍वरौ महीमा जाटा होटै बीर्‍हीचै डेया, “छीनी कानै अचम्‍मौ कुरा डाङा!”

लुका 5:26 ပူးပေါင်းရင်းမြစ်များ

मत्ती 12:23

र इसे घटना डाङार पट्‍ट न भर्मीको छक्‍क पर्‌चै डेया, “ही इसे दाउदौ मीजा होइन?”

मत्ती 28:8

होसे मास्‍टो भर्मीकोलाक बीर्‍हीम र सेया र मार्‍हाङ्‍ङ र सेया। होखुरीक चीहान लकीङ झोसार खेव्‍हा र होसकुङ चेलाकोलाक ङ्‍होस्‍की खेर्‌न नुङा।

मत्ती 9:8

जब भर्मीकुङ भीडै इसे डाङा, टब होखुरीक बीर्‍हीया र परमेश्‍वरै भर्मीकोलाक याङ्‍च अधिकार याछ बाटै होसकुङ प्रशंसा जाटा।

मर्कूस 2:12

होटै होसे सोवा र तुरुन्‍तै खाट सोटार पट्‍टकुङ म्‍याहासीङ व्‍हाकी क्‍योटा अनी भर्मीको अचम्‍म मन्‍डीचै छक्‍क पर्‌या “कानै याङच च सेन्‍र न माडाङन्‍या” डेचै होखुरीकै परमेश्‍वरौ महीमा जाटा।

लुका 1:65

इसे पट्‍ट कुरा डाङार छीमेकीको बीर्‍हीया। होटै इसे कुरा यहूदियो पट्‍ट पहाडी मुलुक भरी इसे घटनौ चर्‌चा फैलडीसा।

लुका 5:8

होटै येशूये याङ्‌च काम जाट्‌च डाङार सीमोन पत्रुसै येशूओ मीहीलाङ खुखुप छानार डेया, “ए प्रभु, ङा लकीङ लोस नुङ्‍की क्‍योट्‍नी, हीजैडेनाङ ङा काट पापी भर्मी हो!”

लुका 7:16

होला पट्‍ट भर्मीको बीर्‍हीया र परमेश्‍वरौ महीमा जाटा र डेया, “काट जना कर्‍हाङ्‍छ अगमवक्‍ता कानुङ मीघ्‍याङ डाङ्‌नने र परमेश्‍वरै लहो भर्मीकोलाक जीवाक्‍की डेम राछ हो।”

लुका 8:37

होटै गेरासेनसौ खेरेपुङ पट्‍ट लाङ्‍घुङ भर्मीकै येशूकी होखुरीकुङ लाङ्‍घा लकीङ नुङ्‍की क्‍योट्‍नी डेयार बिन्‍ती जाटा। हीजैडेनाङ होखुरीक सार्‍है बीर्‍हीम्‍या। होटबाटै येशू डुङ्‍गाङ काल्‍हार नुङ्‍की पानाङ,

प्रेरित 4:21

महासभुङ भर्मीकै पत्रुस र युहन्‍नाकी सजाय याखी हीर उपाय माडुप्‍चबाटै होखुरीककी झन साप्फी ढम्की याहार डास्‍न याहा। हीजैडेनाङ ही घटना छानन्‍या होच्‍यौ लागी पट्‍ट न भर्मीकै परमेश्‍वरौ प्रशंसा जाट्‍न न लेया।