लुका 4:39 - पुर्वीय मगर

³⁹ होटै येशू सीमोनौ गुमा खेरेप टोङ्‌हार ज्वरोकी हक्‍कारीया र होस बेला न ज्वरै डास्‍की क्‍योटा र तुरुन्‍तै सोवार होचे होखुरीककी ज्‍यामा-गामा खासार याहा।

लुका 4:39 ပူးပေါင်းရင်းမြစ်များ

मर्कूस 1:29

होटै येशू यहूदीकुङ सभाङुच इमीङ ख्‍योव्‍हार याकुब र युहन्‍ना खाटा सीमोन र अन्‍द्रियासौ इमाङ नुङा।

लुका 4:35

इसे कुरा सेयार येशूये होसे दुष्‍ट आत्‍माकी हकारीयार डेया, “माच्‍याको र इसे भर्मीलकीङ ख्‍योव्‍हार नुङ्‍ना।” होसे भर्मीकी पट्‍टौ म्‍याहासाङ कुरुकार दुष्‍ट आत्‍मा खेव्‍हार नुङा। टर भर्मीकी चहीँ हीआङ र चोट मापर्‌या।

लुका 4:41

होला लेच वास्‍टै भर्मीको लकीङ दुष्‍ट आत्‍माको च्‍याक्‍चै, इट डेचै खेव्‍हा, “नाको परमेश्‍वरौ मीजा हो।” टर येशूये होसे दुष्‍ट आत्‍मा कोलाक हक्‍कारीयार ङाक्‍की माय्‍हा। हीजैडेनाङ होखुरीकै होसको मुक्‍ति याछ ख्रीष्‍ट हो डेम चीन्‍डीमन्‍या।

लुका 8:24

होटै चेलाको येशू छीनी राहार होसकोकी सोट्‍चै इट डेकी ठाला, “ए गुरुज्‍यु, काल्‍हाको ठाखी पाम भ्‍या।” होटै येशू सोवार नाम्‍सु र समुन्‍द्रौ छालकी हक्‍कारीया। होडीक न बेला नाम्‍सु र समुन्‍द्रौ छाल बाहा र सान्‍ट छाना।