लुका 4:29 - पुर्वीय मगर

²⁹ होटै होखुरीक जाराक-जुरुक सोवार येशूकी आर्‌ढुस्‍चै सहर लकीङ बाहीर छ्‍युका। होसे भर्मीकै खास्‍च सहर घाङ्‌च डाँडाङ लेया होटै येशूकी आल्‍हार होसे डाडौं मीचुटीङ झालाक्‍की पा।

लुका 4:29 ပူးပေါင်းရင်းမြစ်များ

लुका 4:28

येशूये डेच इसे कुरा सेयार, यहूदिकुङ सभाङुच इमाङ लेच पट्‍ट न भर्मीको मीरीसै चुर छाना।

युहन्‍ना 8:37

ङाकी थाहा ले, नाखुरीक अब्राहामौ सन्‍टानको हो। टर नाखुरीक ङाकी साट्‍की पाले, हीजैडेनाङ ङौ बचनौ लागी नाखुरीकुङ रीडयाङ ठाउँ माले।

युहन्‍ना 8:40

ङै परमेश्‍वरलकीङ सेच सत्‍य कुरा नाखुरीककी सेटाक्‍नाङ च नाखुरीक ङाकी साट्‍की पाले। टर अब्राहामै च याङ्‍च काम माजाटा!

युहन्‍ना 8:59

होटै न्‍हुइङ येशूकी ङाप्‍की डेम होखुरीकै ल्‍हुङको ढुमा, टर होसको आर्‌च्‍युहार मन्‍दिरलकीङ बाहीर ख्‍योहार नुङा।