लुका 4:18 - पुर्वीय मगर

¹⁸ “परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

लुका 4:18 ပူးပေါင်းရင်းမြစ်များ

मत्ती 11:5

मीमीक माडाङ्‍चकै डाङ्‍ङन ले, लङ्‍गडाको व्‍हामन ले, कुष्‍ठरोगीको गेप्‍मन ले, मेनेकेप मासेचकै सेमन ले, सीचको फेरी जीवाम सोमन ले र गरीबकै सेछ समाचार सेकी डुप्‍मन ले।

मत्ती 12:18

“इसे ङौ सेवक हो, इसकी ङै भाक्‍ङ ने, इसकी ङा माया जाट्‍ले, इसे खाटा ङा मार्‍हाङ्‍ने, ङा ङौ आत्‍मा इसे मीटाक व्‍हाक्‍ङ याल्‍हे, अनी होचे न पट्‍ट न जाटीकोलाक न्‍यायौ घोसना जाट्‍ले।

मत्ती 12:20

भाट्‍च आर्‌क्‍याम र होचे माग्‍याक्‍ले, अनी ढीप-ढीप छान्‍न ङुच बट्‍टीयो सलेडो होचे मासाट्‍ले, की जबसम्‍म होचे न्‍यायकी बीजयाङ माटाहाक्‍ले।

मत्ती 4:16

छुम्‍ठाङ ङुच भर्मीकै काट बाड्‍को ज्‍योति डाङ्‍नने। मृत्‍युओ छाया म्‍होकी ङुचको मीटाक होसे बाड्‍को ज्‍योति चम्‍कडीस्‍नने।”

मत्ती 5:3

“लाहाकी आत्‍माङ गरीब मन्‍डीचको कुडीक आसीस डुप्‍चको ले! हीजैडेनाङ स्‍वर्गुङ राज्‍य होखुरीकुङ न हो।

लुका 4:17

येशूकी यशैया अगमवक्‍तै रीक्‍च कीताब परेस्‍की डेम याहा। होसकै कीताब खोल्‍हा र इट डेयार रीक्‍च खन्‍डकी परेसा,

लुका 6:20

होटै येशूये मेखोल्‍हौ चेलाकोलाक ङोसार डेया, “ए गरीबको, नाखुरीक आसीस डुप्‍चको हो हीजैडेनाङ परमेश्‍वरौ राज्‍य नाखुरीकुङ न हो।

लुका 7:22

युहन्‍नौ चेलाकोलाक येशूये इट डेया, “नाखुरीकै ही-ही डाङ्‍ने र सेमने, नुङार युहन्‍नाकी पट्‍ट न कुरा सेटाक्‍नी। मीमीक माडाङ्‍चकै डाङ्‍ङने, मीकु माक्‍योस्‍चको व्‍हामने, कुष्‍ठरोगीको गेप्‍नने, मेन्‍केप मासेचकै सेमने, सीचको जीवाम सोमने र डुकलाचकै सेछ समाचार सेकी डुप्‍ने।

युहन्‍ना 1:41

सुरुवाङ लहो डाजे सीमोन पत्रुसकी डुपार होचे डेया, “कानै मसीहकी डुपा।” (हिब्रु भासाङ मसीह डेच चहीँ मुक्‍ति याछ ख्रीष्‍ट हो।)

युहन्‍ना 12:46

ङा मीटाक विश्‍वास जाट्‍चको सुर छुम्‍ठाङ ङुकी मापर्‌ख्‍यौ डेयार ङा इसे संसाराङ ज्‍योति छानार राछ हो।

युहन्‍ना 3:34

सुकी परमेश्‍वरै बीर्‌न्‍हकामने होचे न परमेश्‍वरौ बचन ङाक्‍ले, हीजैडेनाङ परमेश्‍वरै होसकोकी लहो आत्‍मै न्‍हेपाक्‍ङने।

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

प्रेरित 4:26

परमप्रभु र होसकुङ मुक्‍ति याछ ख्रीष्‍टौ विरोधाङ पृथ्‍वीयुङ राजाको सोवा, अनी शासकको र काठोव्हाङ भेला छाना।’

प्रेरित 4:27

“साँच्‍ची न इसे कुरा पुरा छाना हीजैडेनाङ हेरोद र पन्‍तियस पिलातस नीस जना, अन्‍यजाति र इस्राएलीको यरूशलेम सहराङ, नाकै अभिषेक जाट्‍च, नाकुङ पवित्र सेवक येशूओ विरोधाङ भेला छानन्‍या।

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?

१ पट्‍रुस 2:9

टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।