लुका 3:11 - पुर्वीय मगर

¹¹ युहन्‍नै होखुरीककी डेया, “लाहा खाटा नीस डौरा लेचये हीर मालेच कोलाक काट यान्‍ही। सु-सु खाटा ज्‍याच ठोक ले होखुरीकै र होट न जाट्‍नी डेम पाहाका।”

लुका 3:11 ပူးပေါင်းရင်းမြစ်များ

मत्ती 25:40

टब राजै होखुरीककी जवाफ याहार डेले, ‘साँच्‍ची न, ङा नाखुरीककी डेले, इसे ङौ भाइकोमध्‍याङ पट्‍ट डेनाङ काट मार्‌जाकी नाखुरीकै ही सेछ जाटा, होसे ङौ लागी न जाट्‍च हो।’

लुका 11:41

नाखुरीक खाटा भीत्री हीले होसे यान्‍ही, होटै नाखुरीकुङ लागी पट्‍ट ठोक चोखो छान्‍ले।

लुका 18:22

याङ्‍च कुरा सेरखीङ येशूये होसकी डेया, “नाकै अझै काट काम जाट्‍की बाँकी ले। नाको खाटा लेच पट्‍ट न ठोक आर्‌लाम गरीबकोलाक पुङ्‍ङ यान्‍ही। नाकुङ स्‍वर्गाङ धन छान्‍ले। होटै रान्‍ही र ङाकी डुट्‍नी।”

लुका 19:8

टर जखायस प्रभुओ अगाडी टोङ्‌हार डेया, “सेनी न हजुर, अब ङा लहो सम्‍पत्तियो आढा भाग गरीबकोलाक पुङ्‍ङ याल्‍हे। होटै सुकीर कर लैडीयार हीर लामे डेनाङ ङा होच्‍यौ बुली गुना ल्‍हेट्‍न याल्‍हे।”

युहन्‍ना 13:29

हीजैडेनाङ यहूदासै होखुरीकुङ पैसौ ठैली डामन्‍या होटबाटै होखुरीक कुडीक जनै चहीँ येशूये होसकी चाडौ लागी चहडीस्‍च सामानको लोकी बीर्‌न्‍हकाच औँला डेम आर्‌मीटा, र कुडीक जनै चहीँ गरीबकोलाक पैसा याखी बीर्‌न्‍हकाच औँला डेम आर्‌मीटा।

प्रेरित 10:2

होसे परमेश्‍वराङ भक्‍टी जाट्‍च भर्मी लेया अनी होसे र होच्‍यौ पट्‍ट न जाहानको परमेश्‍वर खाटा बीर्‍हीमन्‍या। होचे गरीबकोलाक भीत्री मीमनीङ सहायटा जाट्‍चै र सधैँ परमेश्‍वर खाटा प्रार्थना जाट्‍नन्‍या।

प्रेरित 10:31

र डेया, ‘ए कर्नेलियस, परमेश्‍वरै नुओ प्रार्थना सेमने र नीये गरीबकोलाक याछ दानौ बारेयाङ होसकै आर्‌मीट्‍न ने।

प्रेरित 10:4

अनी कर्नेलियस बीर्‍हीयार स्‍वर्गदूतकी सेम्‍हजा ङोसार डेया, “हजुर, प्रभु?” स्‍वर्गदूतै होसकी डेया, “नुओ प्रार्थना र नीये गरीबकोलाक जाट्‍च सहायटाकुङ पट्‍ट न कुरा परमेश्‍वर लेठाङ टाम्‍हने र होसे पट्‍ट न होसकै आर्‌मीट्‍न डामने।

१ टीमोठी 6:17

चाहाँ इसे संसाराङ धनि छान्‍च भर्मीकोलाक घमन्‍ड माजाट्‍की डेनी। हीजैडेनाङ होसे धन सम्‍पत्ति सधैँभरी माङुले, टर कानुङ सुखौ लागी प्रशस्‍त खाटा पट्‍ट ठोक याछ परमेश्‍वर मीटाक न भरोसा डाकी डेनी।

१ टीमोठी 6:18

भलाइ जाट्‍च काम जाट्‍की, भलाइ छान्‍च कामाङ धनि छान्‍की, मीमन फोस्‍च र अरुकोलाक पुङ्‍ङ याछ छान्‍की डेनी।

याकुब 1:27

परमेश्‍वर बोइकी जाक्‍ङ सेच शुद्ध र पवित्र धर्म चहीँ डुखाङ पर्च टुहुरा-टुहुरीकोलाक र बीढुवाकोलाक सहायता जाट्‍की, र लाहाकी संसारुङ मासेछ कुराकोलकीङ जोगडीयार शुद्ध डाकी हो।

याकुब 2:14

ङौ विश्‍वासी डाजेभाइको र डै बहीनीको, इडीक कुसेर भर्मीये “ङा विश्‍वास जाट्‍ले” च डेले, टर कुसे कामै र लहौ विश्‍वास टान्‍हाक्‍की माय्‍होक्‍ले डेनाङ ही फाइडा छानार? ही याङ्‍च विश्‍वासै होसकी जीवाक्‍की य्‍होक्‍ले र?

१ युहन्‍ना 3:17

इडीक सुर खाटा संसारुङ धन-सम्‍पत्ति लेनाङ र होचे लहो विश्‍वासी डाजेभाइको र डै बहीनीकुङ खाँचो डाङ्‍नाङ र मीमन कठोर जाट्‍ले डेनाङ, परमेश्‍वरौ प्रेम होसेखाटा कुटजाट्‍न ङुले?

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?