52 होखुरीकै होसकोकी झोरा र मार्हाङ्चै यरूशलेमाङ ल्हेस्न राहा।
होखुरीकै येशूकी डाङा र दन्डवट जाटा, टर कुडीकै चहीँ होसकोकी सङ्खा जाटा।
होटै मोसोमायाङ येशूये होखुरीककी डुपार डेया, “झोर्ले!” होखुरीक खेरेप नुङार होसकुङ मीकु घोवार झोरा र जय-जयकार जाटा।
आसीस यान्हाङ-यान्हाङ न होसको होखुरीक लकीङ भा होटै स्वर्गाङ गाराङ्ङ आल्हा।
होटै होखुरीक सढैँ परमेश्वरौ प्रशंसा जाट्चै परमेश्वरौ मन्दिराङ ङुकी ठाला।
ङै ‘ङा नुङ्ङन ले, अनी फेरी ङा नाखुरीक लेठाङ ल्हेसार राल्हे’ डेच कुरा नाखुरीकै सेया। इडीक नाखुरीकै ङाकी साँच्ची न माया जाट्च लेनाङ ङा बोइ लेठाङ नुङ्ङन ले डेच कुरा सेयार नाखुरीक मार्हाङ्छ लेया, हीजैडेनाङ बोइ ङा डेनाङ महान ले।
होटजाट्न न चाहाँ नाखुरीकै सोक जाट्ले, टर ङा फेरी नाखुरीककी डुप्की रान्हाङ ङाकी डाङार नाखुरीकुङ मीमन आनन्द ये न्हेप्ले। अनी इसे आनन्द चहीँ नाखुरीक लकीङ सुयेर स्याटार आल्खी माय्होक्ले।
टर ङा नाखुरीककी सत्य कुरा डेले, ङा नुङ्की न नाखुरीकुङ लागी सेम्ह छान्ले, हीजैडेनाङ ङा मानुङा डेनाङ सल्लाहकार पवित्र आत्मा नाखुरीक लेठाङ मार्हाले। टर ङा नुङा डेनाङ होसकोकी नाखुरीक लेठाङ बीर्न्हकाले।
ठोमै येशूकी डेया, “ए ङौ प्रभु, र ङौ परमेश्वर!”
होटै प्रेरितको जैटुन डाँडा डासार यरूशलेमाङ ल्हेसा। यरूशलेम लकीङ इसे डाँडा ओल माओल काट कीलो मीटर टडीक लोस पर्ले।
नाखुरीकै येशू ख्रीष्टकी माडाङ्नाङ र प्रेम जाट्नने। होसकोकी नाखुरीकै माडाङ्ने र पनी होसको मीटाक विश्वास जाट्नने। अनी बयान न जाट्की माय्होक्च बाड्को महीमीत आनन्दये नाखुरीकुङ मीमन न्हेप्मने।