लुका 24:47 - पुर्वीय मगर

⁴⁷ होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

लुका 24:47 ပူးပေါင်းရင်းမြစ်များ

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

मत्ती 3:2

“लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मत्ती 9:13

नुङार इसे धर्मशात्रओ अर्थ ही लेसा पान्‍ही, ‘ङाकी नाखुरीकै बलीदान याछ होइन टर ङा नाखुरीकै अरुकी दया जाट्‍च मीमन जाट्‍ले।’ हीजैडेनाङ ङा धर्मीकोलाक होइन, टर पापीकोलाक आर्‌घाकी राछ हो।”

लुका 13:34

“ए यरूशलेम! नीये अगमवक्‍ताकोलाक साट्‍ले। होटै नाङ लेठाङ बीर्‌न्‍हकाच अगमवक्‍ताकोलाक ल्‍हुङ ङापार हीड्‍कीले। कुटजाट्‍न गोमानै लहो मीजा कोलाक मीखार भीत्री हुपार भेला पार्‌ले, होटजाट्‍न न ङै कुडीक खेप नुओ बालखकोलाक भेला पार्‌च मीमन जाटा, टर नाङ मामन्‍डीया।

प्रेरित 10:43

पट्‍ट अगमवक्‍ताकै र होसकुङ बारेयाङ इट डेयार गबाही याम्‍हने होसको मीटाक विश्‍वास जाट्‍चको पट्‍टये होसकुङ म्‍यार्‌मीनाङ पाप-क्षमा डुप्‍ले।”

प्रेरित 11:18

पत्रुसौ इसे कुरा सेरखीङ यहूदी विश्‍वासीको होसकी दोष याखी डासार “अहो! परमेश्‍वरै अन्‍यजातिकोलाक र सेन्‍र मासीच जीवन डुप्‍कीयो लागी पश्‍चात्ताप जाट्‍च मौका याल्‍हेसा” डेयार परमेश्‍वरौ प्रशंसा जाटा।

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 20:21

यहूदीकोलाक र ग्रीककोलाक पाप डासार परमेश्‍वर पट्‍टी ल्‍हेस्‍की र काल्‍हौ प्रभु येशू ख्रीष्‍ट मीटाक विश्‍वास जाट्‍की डेच कुरौ गबाही ङै याम्‍हने।

प्रेरित 26:18

होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

प्रेरित 26:20

टर पहीले दमस्‍कसाङ, टब यरूशलेमाङ र सारा यहूदिया देशभरी लेचकोलाक र अन्‍यजातिकोलाक र पापको डासार परमेश्‍वर पट्‍टी ल्‍हेसो र लाहा पापको डासार परमेश्‍वर पट्‍टी ल्‍हेस्‍च योग्‍यौ काम जाटो डेयार ङै प्रचार जाटा।

प्रेरित 28:28

अनी पावलै डेया, “होटबाटै नाखुरीककी थाहा छान्‍ख्‍यो की परमेश्‍वरौ मुक्‍तियो सेछ समाचार अन्‍यजातिकुङ लागी र बीर्‌न्‍हकाच हो र होखुरीकै सेले।”

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

प्रेरित 4:12

“अरु सु लेठाङ र मुक्‍ति माले हीजैडेनाङ संसाराङ कुसेर म्‍यार्‌मीन माय्‍हामने होसे म्‍यार्‌मीनै चहीँ काल्‍हाकी जीवाक्‍की य्‍होक्‍ले।”

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

१ युहन्‍ना 2:12

ङौ मार्‌जा बालखको, ख्रीष्‍टौ म्‍यार्‌मीनौ लागी नाखुरीकुङ पाप क्षमा छान्‍च बाटै नाखुरीककी ङा इसे कुराको रीक्‍ङन ले।