लुका 24:44 - पुर्वीय मगर

⁴⁴ होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

लुका 24:44 ပူးပေါင်းရင်းမြစ်များ

मत्ती 1:22

परमप्रभुये अगमवक्‍तालकीङ ङाक्‍च वचन पुरा छान्‍की डेम इसे छान्‍च हो:

मत्ती 16:21

होसको कुटजाट्‍न यरूशलेमाङ नुङ्‍की पर्‌ले अगुवाको, मुख्‍य पुजाहारीको र धर्मगुरुकुङ मीहुटीङ वास्‍टै कष्‍ट भोग्‍डीकी पर्‌ले, होसकोकी साट्‍ले टर सोमयाकाङ जीवाम सोले डेच कुरा होसनीक लकीङ येशूये लहो चेलाकोलाक डेकी ठाला।

मत्ती 26:54

टर इडीक ङै ङ्‍याहा डेनाङ च इसे छान्‍की न पर्‌ले डेयार धर्मशास्‍त्राङ रीक्‍च कुरा कुटजाट्‍न पुरा छान्‍की य्‍होक्‍ले?”

मत्ती 26:56

टर अगमवक्‍ताकै धर्मशास्‍त्राङ रीक्‍च कुराको पुरा छान्‍ख्‍यो डेम इसे पट्‍ट न छान्‍न राछ हो।” टब होडीक न बेला पट्‍ट न चेलाको येशूकी डासार भोग्‍डीसा।

मर्कूस 9:31

हीजैडेनाङ होसकै लहो चेलाकोलाक शिक्षा याम्‍हन लेया। होसकै होखुरीककी डेया, “भर्मीयो मीजा भर्मीकुङ मीहुटाङ पर्‌ले र होखुरीकै होसकी साट्‍ले होटै होसे सीच सोम याकाङ फेरी जीवार सोले।”

लुका 21:22

हीजैडेनाङ रीक्‍च कुरा पट्‍ट न ओल्‍खी डेम इसे सजायो डीन छान्‍ले।

लुका 22:37

ङा नाखुरीककी डेले, ‘होसकोकी अपराधीको खाटा न हीला’ डेयार रीक्‍च कुरा ङौ जीवनाङ ओल्‍खी न पर्‌ले। हो ङौ बारेयाङ रीक्‍च कुरा ओल्‍न्‍ह न ले।”

लुका 24:46

इजाट्‍न रीक्‍ङने, मुक्‍ति याछ ख्रीष्‍टै डुख भोग्‍डीयार सोम डीनाङ सीच लकीङ जीवाम सोकी पर्‌ले।

लुका 9:22

होसकै इट र डेया, “भर्मीयो मीजै वास्‍टै डुख सोट्‍की पर्‌ले, होसकी अगुवाकै, मुख्‍य पुजाहारीकै, धर्मगुरुकै माजाक्‍ले। आसकोकी साट्‍ले टर सीच सोमयाकाङ जीवाम सोले।”

लुका 9:44

“इसे ङै नाखुरीककी डेच पट्‍ट कुरा नाखुरीकै सेम्‍ह सेनी, हीजैडेनाङ भर्मीयो मीजाकी घोवार भर्मीकुङ मीहुटाङ याछ बेला छान्‍नने।”

युहन्‍ना 3:14

कुटजाट्‍न इस्राएलीको उजाड ठावाङ लेनाङ मोशै पीटलौ बुल खासार सीङाङ गाराङा, होटजाट्‍न न भर्मीयो मीजा र ढेनाम गाराङ्‍की न पर्‌ले,

युहन्‍ना 5:39

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो।

युहन्‍ना 5:46

इडीक नाखुरीकै मोशाकी विश्‍वास जाट्‍च लेनाङ च ङाकी र विश्‍वास जाट्‍च लेया, हीजैडेनाङ मोशै न ङौ बारेयाङ रीक्‍ङन्‍या।

प्रेरित 13:33

कुटजाट्‍न परमेश्‍वरै येशूकी सीच लकीङ जीवाकार सोटा। होसे कुरा काल्‍हा, होखुरीकुङ सन्‍टानौ लागी पुरा जाट्‍न याहा, भजनसंग्रह नीसाङ रीक्‍ङने, ‘नाङ ङौ लेन्‍जा मीजा हो, छीनी ङै नाङ्‍की डीनन्‍हने।’

प्रेरित 13:40

होटबाटै होसीयार ङुनी, नभा च अगमवक्‍ताकुङ कीताबाङ रीक्‍च इसे कुरा नाखुरीक मीटाक आइआपरे:

प्रेरित 2:27

हीजैडेनाङ नाकै ङौ प्राणकी पाटलाङ माडास्‍ले न ट नाकै लहो पवित्र जनौ शरीरकी घेरेल्‍की न याल्‍हे।

प्रेरित 3:18

टर मुक्‍ति याछ ख्रीष्‍टै डुख भोग्‍डीकी पर्‌ले डेम परमेश्‍वरै अघीलकीङ न पट्‍ट अगमवक्‍ताकुङ मेङेरीङ डेच अगमवाणी होसकै इटजाट्‍न पुरा जाटा।

प्रेरित 7:37

होसे न मोशै इस्राएलीकोलाक डेमन्‍या, ‘परमेश्‍वरै ङाकी बीर्‌न्‍हकानाङ लेखा न नाखुरीकुङ डाजे-भाइको लकीङ काट जना अगमवक्‍ता नाखुरीक लेठाङ बीर्‌न्‍हकाले।’

१ पट्‍रुस 1:11

अगमवक्‍ताकुङ मीमन भीत्री लेच ख्रीष्‍टौ आत्‍मै ख्रीष्‍टै कुटजाट्‍न कष्‍टको भोग्‍डीकी पर्‌ले र होटै न्‍हुइङ कुटजाट्‍न बाड्‍को आदर डुप्‍ले डेयार अघीलकीङ न टान्‍हाक्‍ङ याम्‍हन्‍या।