लुका 23:2 - पुर्वीय मगर

² र होखुरीकै होसकोकी दोष लैडीचै डेया, “इचे ‘कैसरकी कर याखी मापर्‌ले’ र लाहाकी ‘ङा न मुक्‍ति याछ ख्रीष्‍ट राजा हो’ डेयार कानुङ देशुङ भर्मीकोलाक भड्कडीमन लेच कानै डुपा।”

लुका 23:2 ပူးပေါင်းရင်းမြစ်များ

मत्ती 17:27

टर काल्‍हालकीङ होखुरीकुङ चीट्‍ट माबीक्‍ख्‍यो डेम, नाको टालाङ नुङार बल्‍छी ङाप्‍नी। र पहीला पर्च डीस्‍यौ मेङेर खोल्‍न्‍हाङ नाकै काट चाँडीयो सीक्‍का डुप्‍ले, होसे आल्‍हार नाकुङ र ङौ लागी कर टेरीनी।”

मत्ती 22:21

होखुरीकै जवाफ याहा, “कैसरौ हो।” टब येशूये होखुरीककी डेया, “होटबाटै कैसरौ जटी कैसरकी यान्‍ही, अनी परमेश्‍वरौ जटी परमेश्‍वरकी यान्‍ही।”

मत्ती 27:11

येशू रोमी बडा-हाकीमौ म्‍याहासाङ टोङ्‌हा, अनी होचे येशूकी गीना, “ही नाङ यहूदीकुङ राजा हो?” येशूये डेया, “होसे च नाकै न डेमन ले।”

मर्कूस 12:17

टब येशूये होखुरीककी डेया, “कैसरौ जटी कैसरकी यान्‍ही र परमेश्‍वरौ जटी परमेश्‍वरकी यान्‍ही।” होसकुङ याङ्‍च कुरा सेयार होखुरीक छक्‍क पर्‌या।

मर्कूस 15:2

पिलातसै होसकोकी गीना, “ही नाको यहूदीकुङ राजा हो?” होसकै पिलातसकी डेया, “नाकै न होट डेमन ले।”

लुका 23:14

होटै होचे होखुरीककी डेया, “नाखुरीकै भर्मीकोलाक भड्‍कडीच डेम इसकी ङौ म्‍याहासाङ राका। टर नाखुरीकुङ म्‍याहासाङ केरकार जाट्‍नाङ नाखुरीकै इसे मीटाक लैडीच अभीयोकौ दोष ङै हीर माडुपा।

लुका 23:5

टर होखुरीकै साफ्‍फी च्‍याकार डेया, “इचे पट्‍ट यहूदिया र गालील लकीङ इसे ठाँउसम्‍म शिक्षा याहार भर्मीकोलाक भड्‍कडीम न ले।”

युहन्‍ना 18:29

होटबाटै बडा-हाकीम पिलातस होखुरीककी डुप्‍की लाहा न बाहीर ख्‍योव्‍हार गीना, “नाखुरीकै इसे भर्मीयो विरोधाङ हीयो दोष लैडीले?”

युहन्‍ना 18:30

होखुरीकै डेया, “इडीक इसे भर्मी दोषी मालेनाङ च कानै नाकोलेठाङ माराक्‍च लेया।”

युहन्‍ना 19:12

इसे कुरा सेयार पिलातसै फेरी येशूकी डास्‍न याखी पा। टर यहूदीकै इट डेचै च्‍याका, “इडीक नाकै इसे भर्मीकी डास्‍न याहा डेनाङ नाको रोमी माहाराजौ लाफा होइन। लाहा राजा हो डेच भर्मीये च माहाराजौ न विरोध जाट्‍ले।”

प्रेरित 24:13

न ट इखुरीकै ङाकी चाँहा दोष लैडीच कुराकुङ प्रमाण न याखी य्‍होक्‍ले।

प्रेरित 24:5

कानै इसे भर्मीकी पट्‍ट पट्‍टी डुख याम्‍ह व्‍हाच र संसार भरीयुङ यहूदीकुङ मीघ्‍याङ हुलडुङ्‍गा मच्‍चडीच, र नासरीकुङ डलौ मुख्‍य अगुवा छानार व्‍हाच डुप्‍मन ने।