लुका 22:70 - पुर्वीय मगर

⁷⁰ होटै होखुरीक पट्‍टै गीना, “होट डेनाङ ही नाङ परमेश्‍वरौ मीजा होट?” होसकै जबाफ याहा, “नाखुरीक न डेमन ले, ङा होसे न हो।”

लुका 22:70 ပူးပေါင်းရင်းမြစ်များ

मत्ती 26:25

टब येशूकी घोवाक्‍की पाच यहूदासै गीना, “गुरुज्‍यु, ही होसे ङा हो?” होसकै डेया, “नाको लहे न डेमन ले।”

मत्ती 26:64

येशूये होसकी जवाफ याहा, “होसे च नाकै न डेकीक्‍योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्‍तिमान परमेश्‍वरौ डोर मीहुट पट्‍टी ङुच, र स्‍वर्ग लकीङ डेबुवाङ राछै जाट्‍च डाङ्‍ले।”

मत्ती 27:11

येशू रोमी बडा-हाकीमौ म्‍याहासाङ टोङ्‌हा, अनी होचे येशूकी गीना, “ही नाङ यहूदीकुङ राजा हो?” येशूये डेया, “होसे च नाकै न डेमन ले।”

मत्ती 27:43

इचे परमेश्‍वरकी विश्‍वास जाट्‍ले। परमेश्‍वरै मीमन जाटा डेनाङ होसकै इसकी चाहाँ न जीवाक्‍ख्‍यो, हीजैडेनाङ इचे ‘ङा परमेश्‍वरौ मीजा हो’ डेमन्‍या।”

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

मत्ती 3:17

अनी होडीक न बेला स्‍वर्ग लकीङ याङ्‍च आवाज सेया, “इसे ङौ जाक्‍ङ सेच मीजा हो, ङा इसे खाटा साफ्‍फी मार्‍हाङ्‍ने।”

मत्ती 4:3

टब होडीक बेला येशू लेठाङ शैतान राहार डेया, “इडीक नाको परमेश्‍वरौ मीजा हो डेनाङ इसे ल्‍हुङकोलाक रोटो छान्‍ख्‍यो डेम आज्ञा जाट्‍नी।”

मर्कूस 14:62

येशूये डेया, “ङा न हो, अनी नाखुरीकै भर्मीयो मीजाकी सर्वशक्‍तिमानौ डोर मीहुट पट्‍टी ङुमङुच र सर्‌घाङ डेबुखाटा राछै जाट्‍च डाङ्‍ले।”

मर्कूस 15:2

पिलातसै होसकोकी गीना, “ही नाको यहूदीकुङ राजा हो?” होसकै पिलातसकी डेया, “नाकै न होट डेमन ले।”

लुका 22:71

होटै होखुरीकै डेया, “अब कानकी अरु साक्षी चहडीस्‍ले र? हीजैडेनाङ कानै इच्यो मेङेरीङ न सेकी क्‍योटा।”

लुका 23:3

पिलातसै होखुरीकुङ कुरा सेयार येशूकी गीना, “ही नाको यहूदिकुङ राजा हो?” येशूये जबाफ याहा, “होसे च नाखोलै न डेमन ले।”

लुका 4:41

होला लेच वास्‍टै भर्मीको लकीङ दुष्‍ट आत्‍माको च्‍याक्‍चै, इट डेचै खेव्‍हा, “नाको परमेश्‍वरौ मीजा हो।” टर येशूये होसे दुष्‍ट आत्‍मा कोलाक हक्‍कारीयार ङाक्‍की माय्‍हा। हीजैडेनाङ होखुरीकै होसको मुक्‍ति याछ ख्रीष्‍ट हो डेम चीन्‍डीमन्‍या।

युहन्‍ना 1:34

ङै डाङा, र गबाही र याल्‍हे, होसको न परमेश्‍वरौ मीजा हो।”

युहन्‍ना 1:49

नथानेलै डेया, “गुरु, नाको च परमेश्‍वरौ मीजा हो, नाको इस्राएलुङ राजा हो!”

युहन्‍ना 10:30

बोइ र ङा काट न हो।”

युहन्‍ना 10:36

ङाकी परमेश्‍वर बोये लहो काम पुरा जाट्‍की डेम ङाकी चुन्‍डीयार संसाराङ बीर्‌न्‍हकाच हो। होटडेनाङ ङा परमेश्‍वरौ मीजा हो डेनाङ नाखुरीकै कुटजाट्‍न ङै परमेश्‍वरौ निन्‍दा जाटा डेकी य्‍होक्‍ले?

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

युहन्‍ना 19:7

यहूदी अगुवाकै डेया, “कानुङ व्‍यवस्‍था अनुसार होचे मृत्‍युदण्‍ड डुप्‍की न पर्‌ले हीजैडेनाङ होचे लाहाकी परमेश्‍वरौ मीजा हो डेम डाबी जाट्‍नने।”