लुका 22:36 - पुर्वीय मगर

³⁶ होटै होसकै डेया, “अब चहीँ नाम्‍जा लेचकै नाम्‍जा बुख्‍यौ। पैसा लेचकै पैसा बुख्‍यौ र सु खाटा टरवार माले, होचे लहो बढीन आर्‌लाम र काट टरवार अट लोए।

लुका 22:36 ပူးပေါင်းရင်းမြစ်များ

मत्ती 10:10

नुङ्‍नाङ लामुङ लागी झोला, फेर्‌म्‍या डौरा, जुत्ता, डाङ्‍गा हीर मालानी। हीजैडेनाङ य्‍हामीये होसे काम लकीङ न ज्‍याकी डुप्‍की पर्‌ले।

लुका 22:35

येशूये होखुरीककी डेया, “ङै नाखुरीककी पैसा, जुत्ता र नाम्‍जा बीना न बीर्‌न्‍हकामन्‍या, ही नाखुरीककी हीर कुरौ खाँचो छानार?” होखुरीकै डेया, “माछाना।”

लुका 22:37

ङा नाखुरीककी डेले, ‘होसकोकी अपराधीको खाटा न हीला’ डेयार रीक्‍च कुरा ङौ जीवनाङ ओल्‍खी न पर्‌ले। हो ङौ बारेयाङ रीक्‍च कुरा ओल्‍न्‍ह न ले।”

लुका 22:38

होटै चेलाकै डेया, “ङोस्‍नी ट प्रभु, इला नीस टरवार ले।” येशूये डेया, “इडीक लेनाङ ओल्‍ल्‍हे।”

युहन्‍ना 15:20

‘नोकर मालीक डेनाङ बाड्‍को माछान्‍ले’ डेयार ङै नाखुरीककी डेच कुरा आर्मीट्‍नी। होखुरीकै ङाकी खेडो जाटा डेनाङ नाखुरीककी र खेडो जाट्‍ले। होटजाट्‍न न होखुरीकै ङौ शिक्षा मन्‍डीया डेनाङ नाखुरीकै डेच कुरा र मन्‍डीले।

युहन्‍ना 16:33

“नाखुरीक ङाखाटा लेचबाटै शान्‍ति डुप्‍की य्‍होक्‍नी डेम न ङै नाखुरीककी इसे पट्‍ट न कुरा डेच हो। संसाराङ नाखुरीककी सङ्कष्‍ट छान्‍ले, टर साहस जाट्‍नी हीजैडेनाङ ङै संसारकी जुमने।”

१ ठेसलोनीकी 3:4

हीजैडेनाङ कानै नाखुरीकखाटा लेच बेलाङ अघीलकीङ न याङ्‍च कष्‍टको राल्‍हे। साँच्‍ची न होङ्‍च न छानार इसे कुरा नाखुरीककी ठाहा ले।

१ पट्‍रुस 4:1

कुटजाट्‍न ख्रीष्‍टै शरीराङ डुख भोग्‍डीया, होटजाट्‍न न नाखुरीक र होङ्‍च न कीसीमुङ बीचार लार बलीयो छान्‍नी, हीजैडेनाङ सुये शरीराङ डुख भोग्‍डीमे, होचे पाप जाट्‍की डास्‍ले।