लुका 22:32 - पुर्वीय मगर

³² टर नाकुङ विश्‍वास माम्‍हाट्‍ख्‍यौ डेयार ङै नाकुङ लागी प्रार्थना जाट्‍न याम्‍हे। फेरी विश्‍वासाङ बलीयो छानार नाकै लहो डाजे भाइकोलाक र बलीयो खास्‍नी।”

लुका 22:32 ပူးပေါင်းရင်းမြစ်များ

मत्ती 18:3

र डेया, “साँच्‍ची न ङा नाखुरीककी डेले, लहो मीमन परिवर्तन जाटार नाखुरीक मार्‌जा जजाको लेखा न माछाना डेनाङ सेन्‍र स्‍वर्गौ राज्‍याङ पर्‌की माय्‍होक्‍ले।

मत्ती 26:75

टब येशूये “भालेइ राक्‍की डेनाङ अघी नाकै ङाकी सोम खेप माचीन्‍डीले डेले” डेच कुरा पत्रुसै आर्‌मीटा, होटै होसे बाहीर नुङार ढुरु-ढुरु रापा।

मर्कूस 14:72

होटै न्‍हुइङ तुरुन्‍तै नीस पहर भाल्‍यै राका, अनी पत्रुसकी येशूये इट डेच कुरा आर्‌मीटा, “भाल्‍यै नीस खेप राक्‍की डेनाङ अगाडी नाकै ङाकी सोम खेप माचीन्‍डीले डेयार इन्‍कार जाट्‍ले।” अनी होसे कुराकी आर्‌मीटार होसे ढुरुढुरु रापा।

मर्कूस 16:7

नुङ्‍नी, होसकुङ चेलाको र पत्रुसकी डेम यान्‍ही, होसको नाखुरीकुङ अगाडी-अगाडी गालीलाङ नुङ्‍ङन ले। होसकै नाखुरीककी डेच अनुसार नाखुरीकै होसकोकी होला डाङ्‍ले।”

लुका 8:13

ल्‍हुङ घारीयाङ पर्च चहीँ होखुरीक हो, बचन सेयार खुसी खाटा ग्रहण जाट्‍ले। टर होच्‍यो जरा माछान्‍ले, होखुरीकुङ विश्‍वास चहीँ कालापौ लागी मट्‍टै छान्‍ले। टर परीक्षौ बेलाङ होखुरकुङ पटन छान्‍ले।

युहन्‍ना 14:19

अब कालाप न्‍हुइङ संसारै ङाकी सेन्‍र माडाङ्‍ले, टर नाखुरीकै चहीँ ङाकी डाङ्‍ले। ङा फेरी जीवाच बाटै नाखुरीक र जीवाम ङुले।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

२ टीमोठी 2:18

सीच लकीङ जीवाम सोच कुरा अघी न छान्‍न भ्‍यामने, अब माछान्‍ने डेच शिक्षा पाहार होखुरीकै कुडीक जनौ सत्‍य विश्‍वासकी न बीगारीम याम्‍हने।

टीटस 1:1

ङा पावल परमेश्‍वरौ डास र येशू ख्रीष्‍टौ प्रेरितै इसे चीठी रीक्‍ङन ले। परमेश्‍वरकी मन पर्च जीवन जीवाख्‍यौ डेयार परमेश्‍वर लहे न भाक्‍चकोलाक विश्‍वास र सत्‍यौ ज्ञान बड्‌डीसाक्‍ङ याखी ङाकी बीर्‌न्‍हकाच हो।

१ पट्‍रुस 1:1

येशू ख्रीष्‍टौ प्रेरित छान्‍च ङा पत्रुसै पोन्‍टस, गलातीया, कापाडोकीया, एसीया र बिथनिया क्षेत्रकोवाङ परदेशी छानार टीटरबीटर छान्‍न ङुच परमेश्‍वरै चुन्‍डीच भर्मीकोलाक इसे चीठी रीक्‍ङन ले।

१ पट्‍रुस 1:13

होटबाटै परमेश्‍वरौ काम जाट्‍कीयो लागी नाखुरीकुङ मीमन टयार खास्‍नी। होसीयार छान्‍नी र येशू ख्रीष्‍ट रान्‍हाङ नाखुरीकै डुप्‍च अनुग्रहाङ पुरा आशा डानी।

१ पट्‍रुस 1:5

विश्‍वास जाट्‍च बाटै नाखुरीककी परमेश्‍वरौ शक्‍तिये जब सम्‍म मुक्‍ति माडुप्‍ले होडीक बेला सम्‍म जोगडीम डाले। होसे मुक्‍ति नाखुरीकुङ लागी टयार जाट्‍नने र समयौ अन्‍टीमाङ होसे डाङ्‍ले।

२ पट्‍रुस 3:14

होटबाटै ङौ विश्‍वासी डाजेभाइको र डै बहीनीको, नाखुरीक होसे डीनकी लेन्‍चको लेच बाटै परमेश्‍वरौ म्‍याहासाङ शुद्ध र निर्दोष छानार परमेश्‍वरखाटा शान्‍तियाङ ङुकी य्‍होक्‍ठर कोसीस जाट्‍नी।

१ युहन्‍ना 2:19

होखुरीक कानुङ मालेया, होटबाटै कानकी डासार नुङा। इडीक कानुङ लेनाङ च कानखाटा न ङुच लेया। होखुरीकै कानकी डासार नुङा अनी होसेलकीङ न होखुरीक कानुङ होइन डेच कुरा टान्‍हाक्‍ले।