लुका 21:34 - पुर्वीय मगर

³⁴ “नाखुरीक लहो बारेयाङ होसीयार छान्‍नी। वास्‍टै भोज-भट्‍याराङ नुङार म्‍होर्‌न माव्‍हानी। लहो जीवनौ चीन्‍टा माजाट्‍नी। नभा च नाखुरीकुङ मीमन बोढो छान्‍ले। र होसे डीन नाखुरीकै माचीटडीच बेलाङ पासो लेखा न आरहे।

लुका 21:34 ပူးပေါင်းရင်းမြစ်များ

मत्ती 13:22

जुघारीयाङ पर्च छोयो चहीँ होसे हो, वचन च सेले टर संसारुङ चीन्‍टा फीक्‍री र धन-सम्‍पत्तियो छलै परमेश्‍वरौ वचनकी बाढा याल्‍हे, अनी होचे सेन्‍र मीस्‍या मास्‍याटाक्‍ले।

मर्कूस 13:9

“नाखुरीक लहो बारेयाङ होसीयार छानार ङुनी। भर्मीकै घोवार नाखुरीककी अडालटाङ आल्‍हे। नाखुरीककी सभाङुच इमकोवाङ आल्‍हार डुङ्‍ले। हीजैडेनाङ नाखुरीकै ङाकी डुट्‍चबाटै हाकीमको र राजाकुङ म्‍याहासाङ ङौ बारेयाङ गबाही याखी डेम नाखुरीक खडा छान्‍ले।

मर्कूस 4:19

अनी इसे संसाराङ कुटजाट्‍न जीवाकी डेम चीन्‍टा, धन सम्‍पत्तियो लोभ होटै अरु ठोकुङ लालचा जाटार परमेश्‍वरौ बचनकी म्‍य्‍हाक्‍ले र काट हीर मीस्‍या मास्‍याटाक्‍ले।

लुका 10:41

येशूये जबाफ याहार डेया, “ए मार्‌ठा, नाको वास्‍टै कुराकुङ चीन्‍टा जाट्‍ले र ब्‍याकुल छान्‍ले।

लुका 12:40

होटबाटै नाखुरीक सढैँ टयार ङुनी। भर्मीयो मीजा नाखुरीकै थाहा माडीन्‍ह मोसोमायाङ राल्‍हे।”

लुका 17:3

होटबाटै लहो बारेयाङ होसीयार छान्‍नी! इडीक नाकुङ भाये पाप जाटा डेनाङ होसकी च्‍याक्‍नी, इडीक होच्‍ये लहो पापको डासार परमेश्‍वर पट्‌टी ल्‍हेसा डेनाङ होसकी माफ यान्‍ही।

लुका 21:35

हीजैडेनाङ इटजाट्‍न न पट्‍ट पृथ्‍वीयाङ ङुच भर्मीको मीटाक इसे आइपर्‌ले।

लुका 21:8

होटै येशूये डेया, “होसीयार छान्‍नी, नाखुरीककी सुयेर माढाँट्‍डीख्‍यौ। ङौ म्‍यार्‌मीनाङ वास्‍टै जना ‘मुक्‍ति याछ ख्रीष्‍ट ङा न हो’ डेम राल्‍हे। होटै ‘होसे समय खेरेप राम्‍हने’ डेले, टर नाखुरीक होखुरीकुङ न्‍हुङ-न्‍हुङ मानुङ्‍नी।

लुका 8:14

जु घारीयाङ पर्च छोयो होखुरीक हो, बचन च सेले, होटै न्‍हुइङ जीवनौ चीन्‍टा, संसारुङ धन सम्‍पत्ति र मोज मज्‍जाङ पर्‌यार ल्‍होङ्‍की माडीन्‍ल्‍हे होटै होच्‍यो मीस्‍या म्‍हीन्‍की माडुप्‍ले।

२ पट्‍रुस 3:10

टर प्रभुये न्‍याय जाट्च डीन च होसको खुस लेखा न मोसोमायाङ राल्‍हे। होसनीक सर्‌घा बाड्‍को आवाजाङ गर्‌जडीसार म्‍हाट्‍ले र सर्‌घाङ लेच नाखान, ग्‍याहोट, टुगाको पट्‍ट न सीकार भस्‍म छान्‍ले। पृथ्‍वी र पृथ्‍वीयाङ लेच पट्‍ट न कुराको नास छान्‍ले।

२ पट्‍रुस 3:14

होटबाटै ङौ विश्‍वासी डाजेभाइको र डै बहीनीको, नाखुरीक होसे डीनकी लेन्‍चको लेच बाटै परमेश्‍वरौ म्‍याहासाङ शुद्ध र निर्दोष छानार परमेश्‍वरखाटा शान्‍तियाङ ङुकी य्‍होक्‍ठर कोसीस जाट्‍नी।