लुका 20:14 - पुर्वीय मगर

¹⁴ टर अढीया जाट्‍च भर्मीकै मीमुरुङौ मीजा राछ लोसीङ न डाङार लाहा-लाहाङ कुरा जाटा, ‘होसे च बारी मालीकौ मीजा हो। कान इसकी साटीङ होटै होच्‍यौ पट्‍ट सम्‍पत्ति कानुङ छान्‍ले।’

लुका 20:14 ပူးပေါင်းရင်းမြစ်များ

मत्ती 16:7

अनी चेलाकै मेखुरीक-मेखुरीक डेकी ठाला, “कानै रोटो माराक्‍च बाटै होसकै काल्‍हाकी इट डेच औँला।”

मत्ती 21:25

युहन्‍नै बप्‍तिस्‍मा याछ अधिकार कुटै डुपा? परमेश्‍वर लकीङ हो की भर्मीलकीङ?” अनी होखुरीक मेखुरीक-मेखुरीक इट डेचै कुरा जाट्‍की ठाला, “परमेश्‍वर लकीङ हो डेइङ डेनाङ, होसकै ‘होट डेनाङ नाखुरीकै होसकी हीजै विश्‍वास माजाटा?’ डेले।

मत्ती 21:34

जब अङ्‍गुर म्‍हीन्‍च बेला छाना, अनी होचे लहो भाग अङ्‍गुर लाकी मोहीको लेठाङ नोकरको बीर्‌न्‍हका।

लुका 19:47

होसकै डीनै पीच्‍छी परमेश्‍वरौ मन्‍दिराङ शिक्षा याम्‍ह न लेया। मुख्‍य पुजाहारीको, धर्मगुरुको र अरु शासकको खाटार होसकोकी साट्‍की पाम्‍या।

लुका 20:13

“होटै अङ्‍गुर बारीयो मीमुरुङै डेया, ‘अब ङा ही जाटीङ? ङाल्‍हौ जाक्‍च मीजाकी न बीर्‌न्‍हकाले। ङौ मीजाकी च होखुरीकै आदर आजाटै।’

लुका 20:15

होटै होखुरीकै होसकी र अङ्‍गुर बारीयो बाहीर आल्‍हार साटा। अब अङ्‍गुर बारीयो मीमुरुङै होखुरीककी ही जाट्‍ले औँला?”

लुका 20:19

होटै धर्मगुरुको र मुख्‍य पुजाहारीकै इसे उदाहरण मेखुरीकुङ विरोधाङ डेच हो डेम वार्‌हा होडीक न बेला येशूकी घोकी पा। टर होखुरीक भर्मीको खाटा बीर्‍हीम्‍या।

लुका 20:5

होटै होखुरीक लाहा-लाहा कुरा जाट्‍की ठाला, “स्‍वर्ग, लकीङ डेया डेनाङ, ‘नाखुरीकै युहन्‍नाकी हीजै विश्‍वास माजाटा ट?’ डेयार होसकै गीन्‍ले।

लुका 22:2

येशूकी कुटजाट्‍न साटीङ डेम मुख्‍य पुजाहारीको र धर्मगुरुकै डाउ पामन लेया। टर भर्मीको खाटा होखुरीक बीर्‍हीम्‍या।

प्रेरित 2:23

परमेश्‍वरै ठहरीच निश्‍चित योजना चहीँ होसकोकी अगाडी लकीङ न थाहा लेया होसे अनुसार न येशूकी नाखुरीकुङ मीहुटाङ जीम्‍मा याहा। अनी नाखुरीकै होसकोकी अधर्मी भर्मीकुङ मीहुटाङ याहा र क्रूसाङ टङ्‍गडीयार साटा।

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।