लुका 20:1 - पुर्वीय मगर

¹ कायाक परमेश्‍वरौ मन्‍दिराङ येशूले भर्मीकोलाक शिक्षा याम्‍हन लेया। होखुरीककी सेछ समाचार सेटाक्‍न न लेया। होडीक न बेला मुख्‍य पुजाहारीको, धर्मगुरुको र अगुवाको होसको लेठाङ राहा।

लुका 20:1 ပူးပေါင်းရင်းမြစ်များ

मत्ती 26:55

होसबेला येशूये लाहाकी घोकी राछ भर्मीकोलाक डेया, “हीजै नाखुरीक खुसकी घोकी रान्‍हाङ लेखा ङाकी घोकी टरवार र घोचाको लार राछ? ङा डीनै पीच्‍छी परमेश्‍वरौ मन्‍दिराङ शिक्षा याम्‍ह ङुनाङ नाखुरीकै ङाकी माघोवा।

लुका 20:2

होटै होसकोकी इट डेम गीना, “कानकी डेनी, कुसे अधिकारै नाकै इसे काम जाट्‍नने, नाकोकी इसे अधिकार सुये याहा?”

लुका 8:1

होस न्‍हुइङ येशू परमेश्‍वरौ राज्‍यौ बारेयाङ सेछ समाचार सेटाक्‍चै सहर-सहर र लाङ्‍घा-लाङ्‍घाङ व्‍हाकी ठाला। होसको खाटा बार्‍ह जना चेलाको र लेया।

युहन्‍ना 18:20

येशूये होसकी डेया, “ङै पट्‍टकुङ म्‍याहासाङ पट्‍टये सेच जाट्‍न खुल्‍ला ठावाङ ङाक्‍ङने। ङै ङौ शिक्षा पट्‍ट न यहूदीको भेला छान्‍च सभाङुच इमकोवाङ र परमेश्‍वरौ मन्‍दिराङ याम्‍हने। ङै सुयेर थाहा माडीन्‍ह हीर माङाक्‍ने।

प्रेरित 4:1

पत्रुस र युहन्‍ना भर्मीको खाटा ङाक्‍चै जाट्‍नाङ पुजाहारीको, परमेश्‍वरौ मन्‍दिरुङ सीपाहीकुङ कप्‍तान र सदुकीको होखुरीक लेठाङ राहा।

प्रेरित 6:12

होटजाट्‍न होखुरीकै जनताकोलाक, अगुवा र धर्मगुरु कोलाक भड्‍कडीया र होखुरीकै स्‍तिफनसकी घोवार महासभाङ राका।