लुका 2:34 - पुर्वीय मगर

³⁴ शिमियोनै होखुरीककी आसीस याहा, र होसकुङ मोइ मरीयमकी डेया, “ङोस्‍नी, इसे बालख इस्राएलाङ वास्‍टै भर्मीकुङ पटन र उठानौ नीम्‍टी र वास्‍टै लकीङ विरोधाङ ङाक्‍च काट चीन्‍हौ नीम्‍टी नीयुक्‍टी जाट्‍नने।

लुका 2:34 ပူးပေါင်းရင်းမြစ်များ

मत्ती 11:19

भर्मीयो मीजा ज्‍याचै र गाचै राहा, अनी होखुरीक डेले, ‘ङोस्‍नी, घीचुवा, हान रक्‍सी गार म्‍होर्‌चको, कर सोट्‍चको र पापीकुङ लाफा!’ टर बुद्धि ठीक हो डेच कुरा होच्‍यो काम लकीङ न प्रमाणित छान्‍ले।”

मत्ती 12:46

येशू भर्मीकुङ भीड खाटा ङाक्‍ङ न लेनाङ, होसकुङ मोइ र भाइको होला टार्‌हा र होसकोखाटा कुरा जाट्‍की डेम बाहीर लेन्‍न ङुमन्‍या।

मत्ती 21:44

इसे ल्‍हुङ मीटाक झाल्‍च चहीँ भाटार टुक्‍रा-टुक्‍रा छान्‍ले, टर सु मीटाक इसे ल्‍हुङ झाल्‍ले, होसे चहीँ ढुलोपीठो छान्‍ले।”

मत्ती 27:63

र होखुरीकै डेया, “हजुर, होसे ठगाहै जीउडै लेनाङ, ‘ङा सोम याकाङ फेरी जीवार सोले’ डेच कुरा कानै आर्‌मीट्‍न ने।

लुका 2:35

वास्‍टै भर्मीकै मेखुरीकुङ मीमनुङ कुरा पाखा छ्‍युक्‍ख्‍यो। अनी नाकुङ मीगीन र्‍हेट्‌च तरवारै झ्योवाक याछ लेखा न बीक्ले।”

युहन्‍ना 3:20

दुष्‍ट काम जाट्‍च पट्‍टये ज्‍योतिकी माजाक्‍ले, र ज्‍योतियाङ होखुरीकै जाट्‍च दुष्‍ट कामको डाङ्‍ले डेम बीर्‍हीयार होखुरीक ज्‍योतियाङ मार्‍हाले।

युहन्‍ना 5:18

इसे कुरा सेयार यहूदी अगुवाकै येशूकी झन साट्‍की सुरडीसार डेया, “होचे म्‍हुङ बाट्‍च डीन भङ्‍ङ जाट्‍च काम मट्‍टै होइन, टर परमेश्‍वरकी लहो बोइ डेयार होचे लाहाकी न परमेश्‍वर बराबर खास्‍नने। होसकी च साट्‍की न पर्‌ले।”

प्रेरित 13:45

होटै यहूदीकै भीडकोलाक डाङार होखुरीकुङ मीमन डाहै न्‍हेपा र पावलै ङाक्‍च कुरौ विरोधाङ होसकी च्‍याका।

प्रेरित 17:6

टर पावल र सीलासकी होला माडुपा, होटै होखुरीकै यासोन र कुडीक जना विश्‍वास जाट्‍च डाजे-भाइकोलाक सहरुङ शासकको लेठाङ आर्‌ढुस्‍चै राका र च्‍याक्‍चै डेया, “संसार भरी उलट-पुलट जाट्‍च इसे भर्मीको इला र टार्‍हामने!

प्रेरित 24:5

कानै इसे भर्मीकी पट्‍ट पट्‍टी डुख याम्‍ह व्‍हाच र संसार भरीयुङ यहूदीकुङ मीघ्‍याङ हुलडुङ्‍गा मच्‍चडीच, र नासरीकुङ डलौ मुख्‍य अगुवा छानार व्‍हाच डुप्‍मन ने।

प्रेरित 28:22

टर नाकुङ बीचार ही हो, होसे नाकोलकीङ सेकी मीमन ले। हीजैडेनाङ इसे डलौ बारेयाङ कानकी इडीक मट्‍टै थाहा ले की जटा-टटै भर्मीको नाकुङ समुहौ विरोधाङ ङाक्‍ङने।”

प्रेरित 4:26

परमप्रभु र होसकुङ मुक्‍ति याछ ख्रीष्‍टौ विरोधाङ पृथ्‍वीयुङ राजाको सोवा, अनी शासकको र काठोव्हाङ भेला छाना।’

प्रेरित 6:7

होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।

१ पट्‍रुस 4:14

इडीक ख्रीष्‍ट मीटाक विश्‍वास जाट्‍नाङ नाखुरीकुङ बेइज्‍जट छान्‍ले डेनाङ लाहाकी आसीस डुप्‍च आर्मीट्‍नी, हीजैडेनाङ परमेश्‍वरौ महीमीत आत्‍मा नाखुरीकखाटा बास ङुमने।