लुका 2:25 - पुर्वीय मगर

²⁵ होडीक बेला शिमियोन डेच भर्मी यरूशलेमाङ ङुमन्या। आसको धार्मिक भर्मी लेया। आसको इस्राएलीकोलाक मुक्‍ति याछ मसीहौ लाम ङोस्‍न ङुमन्या। पवित्र आत्‍मा आसको खाटा लेया।

लुका 2:25 ပူးပေါင်းရင်းမြစ်များ

लुका 1:41

मरीयमै झोरा डेच सोर सेच बीट्‍टीकै एलीशिबौ मीटुकाङ लेच मीजा फोर्‌झोहा। होडीक बेला न एलीशिबा पवित्र आत्‍मै न्‍हेपा।

लुका 1:6

होखुरीक नीस न परमेश्‍वरौ म्‍याहासाङ सेम्‍ह जीवाम्‍या। होखुरीकै परमप्रभुओ पट्‍ट आज्ञा र धार्मिक नीयमको मन्डीम्‍या।

लुका 1:67

बालखौ बोइ जकरीया पवित्र आत्‍मै न्‍हेपार अगमवाणी ङाक्‍की ठाला,

लुका 2:38

होसे न बेला हन्‍ना मरीयम र योसेफ छीनी राहार परमेश्‍वरकी धन्‍यवाद याहा। होटै यरूशलेमुङ छुटकारौ लाम ङोस्‍च कोलाक बालखौ बारेयाङ सेटाका।

लुका 23:51

टर होचे होखुरीकुङ सल्‍लाह र कामकी मामन्‍डीम्‍या। होसे यहूदियुङ अरीमाठीया डेच सहरीङ राम्‍हन्‍या। होसे परमेश्‍वरौ राज्‍यकी लेन्‍न ङुम्‍या।

प्रेरित 10:2

होसे परमेश्‍वराङ भक्‍टी जाट्‍च भर्मी लेया अनी होसे र होच्‍यौ पट्‍ट न जाहानको परमेश्‍वर खाटा बीर्‍हीमन्‍या। होचे गरीबकोलाक भीत्री मीमनीङ सहायटा जाट्‍चै र सधैँ परमेश्‍वर खाटा प्रार्थना जाट्‍नन्‍या।

प्रेरित 10:22

होखुरीकै डेया, “काट जना कप्‍तान कर्नेलियसै कानकी बीर्‌न्‍हकाच हो। आसको इमान्‍डारी र परमेश्‍वर खाटा बीर्‍हीछ भर्मी ले। आसकोकी पट्‍ट यहूदी जातिकै र आदर जाट्‍ले। नाकोकी आसकुङ इमाङ आर्‌घार नाकोलकीङ सन्‍देश सेकी डेम काट पवित्र स्‍वर्गदूतै आसकोकी आज्ञा याम्‍हने।”

प्रेरित 2:5

संसार भरी लेच देशलकीङ परमेश्‍वरकी मन्‍डीच यहूदीको होसबेला यरूशलेमाङ राम्‍हन्‍या।

प्रेरित 24:16

होटबाटै परमेश्‍वर र भर्मी पट्‍टी ङा सधैँ शुद्ध बीबेक डाच कोसीस जाट्‍ले।

२ पट्‍रुस 1:21

हीजैडेनाङ भर्मीयो इच्‍छालकीङ कुसेर अगमवाणी माराहा, टर पवित्र आत्‍मालकीङ अगुवाइ डुपार भर्मीकै परमेश्‍वरौ टर्‌फ लकीङ ङाक्‍च हो।