लुका 2:21 - पुर्वीय मगर

²¹ आठ याक ओल्‍छ न्‍हुइङ इस्राएली चलन अनुसार बालखकी खतना जाटार होसकुङ म्‍यार्‌मीन “येशू” डा। होसे म्‍यार्‌मीन चहीँ होसको मरीयमौ मीटुकाङ राखी डेनाङ अगाडी न स्‍वर्गदूतै होडीमन्‍या।

लुका 2:21 ပူးပေါင်းရင်းမြစ်များ

मत्ती 1:21

होचे काट लेन्‍जा मीजा जन्‍मडीले, र नीये होसे बालखौ म्‍यार्‌मीन येशू डाकी। हीजैडेनाङ होसकै लहो भर्मीकोलाक होखुरीकुङ पापलकीङ छुटकारा याल्‍हे।”

मत्ती 1:25

टर मरीयमै मीजा माजन्‍मडीठर योसेफै होसखाटा सहवास माजाटा। अनी मरीयमै मीजा डीन्‍र्‍हखीङ योसेफै होसे बालखौ म्‍यार्‌मीन येशू डा।

मत्ती 3:15

येशूये होसकी डेया, “चँहुङ लागी याङ्‍च न छान्‍की यान्‍ही। हीजैडेनाङ इटजाट्‍न न कानै परमेश्‍वरौ पट्‍ट न इच्‍छाकी पुरा जाट्‍की पर्‌ले।” टब इसे कुरा सेयार युहन्‍ना मन्‍डीया।

लुका 1:31

अब ङोस्‍नी, नाकुङ मीटुकाङ गर्भ ङुले, र काट लेन्‍जा मीजा डीन्‍ल्‍हे। होटै नाकै होसकुङ म्‍यार्‌मीन येशू डाकी।

लुका 1:59

आठ याक ओल्‍रखीङ होखुरीक बालखकी खतना जाट्‍की जम्‍मा छाना। होखुरीकै बोयो लेखा न मीजौ म्‍यार्‌मीन र जकरीया डाकी पामन्‍या।