लुका 2:11 - पुर्वीय मगर

¹¹ छीनी दाउदौ सहराङ नाखुरीकुङ नीम्‍टी काट मुक्‍तिदातौ जन्‍म छान्‍नने होसको न मुक्‍ति याछ ख्रीष्‍ट प्रभु हो।

लुका 2:11 ပူးပေါင်းရင်းမြစ်များ

मत्ती 1:16

र याकुबौ मीजा योसेफ हो। योसेफौ मास्‍टो चहीँ मरीयम लेया र इसे न मरीयमौ कोखीङ मुक्‍ति याछ ख्रीष्‍ट डेच येशूओ जन्‍म छाना।

मत्ती 1:21

होचे काट लेन्‍जा मीजा जन्‍मडीले, र नीये होसे बालखौ म्‍यार्‌मीन येशू डाकी। हीजैडेनाङ होसकै लहो भर्मीकोलाक होखुरीकुङ पापलकीङ छुटकारा याल्‍हे।”

मत्ती 16:16

सीमोन पत्रुसै डेया, “नाको जीवाच परमेश्‍वरौ मीजा मुक्‍ति याछ ख्रीष्‍ट हो।”

मत्ती 16:20

टब लाहा मुक्‍ति याछ ख्रीष्‍ट हो, डेच कुरा सुकी र माडेकी डेम चेलाकोलाक कडा आज्ञा याहा।

लुका 1:43

ङौ प्रभुओ मोइ न ङाकी आर्‌मीटार डुप्‍की राहा इसे कुङ्‍च खालुङ मान औँला?

लुका 1:69

होसकै कानुङ लागी लहो सेवक दाउदौ बङ्‌साङ काट शक्‍तिशाली मुक्‍तिदाता खडा जाट्‍नने।

लुका 2:26

“परमप्रभुओ मुक्‍ति याछ ख्रीष्‍टकी माडाङ्‌ठर नाको मासीले” डेम पवित्र आत्‍मै अगाडी न आसकोकी थाहा याम्हन्‍या।

लुका 2:4

होस बेला योसेफ म्‍यार्‌मीनौ भर्मी गालील डेच ठाँऔ नासरताङ ङुमन्‍या। होच्‍यौ बोइ बाज्‍युकुङ इम बेथलेहेमाङ लेचबाटै होसे र म्‍यार्‌मीन रीकाक्‍की डेम बेथलेहेमाङ नुङा।

युहन्‍ना 1:41

सुरुवाङ लहो डाजे सीमोन पत्रुसकी डुपार होचे डेया, “कानै मसीहकी डुपा।” (हिब्रु भासाङ मसीह डेच चहीँ मुक्‍ति याछ ख्रीष्‍ट हो।)

युहन्‍ना 1:45

फीलीपै नथानेलकी डुपार डेया, “सुओ बारेयाङ मोशै व्‍यवस्‍थाङ र अगमवक्‍ताकै र रीक्‍ङन्‍या, होसकोकी कानै डुपा। होसको च नासरतुङ योसेफौ मीजा येशू टी लेसा ट।”

युहन्‍ना 11:27

मार्‌ठै येशूकी डेया, “ज्‍यु प्रभु, ङा विश्‍वास जाट्‍ले की नाको न संसाराङ राछ परमेश्‍वरौ मीजा मुक्‍ति याछ ख्रीष्‍ट हो।”

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

युहन्‍ना 4:25

होसे मास्‍टो भर्मीये येशूकी डेया, “ङाकी थाहा ले, मसीह राल्‍हे (होसकोकी मुक्‍ति याछ ख्रीष्‍ट डेले), जब होसको राल्‍हे, टब होसकै न कानकी पट्‍ट न कुरा डेम याल्‍हे।”

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

युहन्‍ना 6:69

नाको न परमेश्‍वरै बीर्‌न्‍हकाच पवित्र जन हो डेम वार्‍हार कानै विश्‍वास जाट्‍नने।”

युहन्‍ना 7:41

अनी अरुये डेया, “होसको च मुक्‍ति याछ ख्रीष्‍ट न हो।” टर कुडीकै डेया, “ही मुक्‍ति याछ ख्रीष्‍ट गालीललकीङ राल्‍हे र?

प्रेरित 10:36

परमेश्‍वरै येशू ख्रीष्‍ट लकीङ इस्राएलीकोलाक बीर्‌न्‍हकाच शान्‍तियो सेछ समाचार नाखुरीककी थाहा न ले। होसको न पट्‍टकुङ प्रभु हो।

प्रेरित 13:23

इसे भर्मीयो सन्‍टान लकीङ न लहे जाट्‍च प्रतिज्ञा अनुसार परमेश्‍वरै इस्राएलीकुङ लागी काट मुक्‍तिदाता येशूकी बीर्‌न्‍हका।

प्रेरित 17:3

होचे अर्थ खोलीम प्रमाण याहार होखुरीककी इटजाट्‍न बुझडीम याहा, “मुक्‍ति याछ ख्रीष्‍टै डुख भोग्‍डीकी र सीच लकीङ जीवाम सोकी पर्च लेया र इसे न येशूओ सेछ समाचार ङा नाखुरीककी सेटाक्‍ङ न ले, होसको न मुक्‍ति याछ ख्रीष्‍ट हो।”

प्रेरित 2:36

“होटबाटै इस्राएलुङ पट्‍ट न भर्मीकै इसे कुरा पक्‍का जाट्‍न वार्‌खी पर्‌ले। नाखुरीकै क्रूसाङ टङ्‍गडीच येशूकी न परमेश्‍वरै प्रभु र मुक्‍ति याछ ख्रीष्‍ट खासा।”

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

१ युहन्‍ना 4:14

परमेश्‍वर बोये लहो मीजाकी संसाराङ मुक्‍ति याखी बीर्‌न्‍हकाच कानै डाङा, र होच्‍यो न कान साक्षी याल्‍हे।

१ युहन्‍ना 5:1

येशू न मुक्‍ति याछ ख्रीष्‍ट हो डेयार विश्‍वास जाट्‍चको पट्‍ट न परमेश्‍वरौ मीजाको हो। अनी बोइकी प्रेम जाट्‍चकै होसकुङ मीजाकी र प्रेम जाट्‍ले।