लुका 2:10 - पुर्वीय मगर

¹⁰ होटै स्‍वर्गदूतै होखुरीककी डेया, “माबीर्‍हीनी, हीजैडेनाङ ङा नाखुरीककी बडो आनन्‍दौ सेछ समाचार सेटाक्ले। होसे चहीँ पट्‌ट न भर्मीकुङ लागी छान्‍ले।

लुका 2:10 ပူးပေါင်းရင်းမြစ်များ

मत्ती 14:27

टर तुरुन्‍तै येशूये होखुरीककी डेया, “माबीर्‍हीनी, ङा न हो, साहास जाट्‍नी।”

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

मत्ती 28:5

टर स्‍वर्गदूतै होसे मास्‍टो भर्मीकोलाक डेया, “नाखुरीक माबीर्‍हीनी, ङाकी थाहा ले, नाखुरीक क्रूसाङ टङ्‍गडीयार साट्‍च येशूकी पामन ले।

मर्कूस 1:15

अनी होसकै डेया, “अब समय पुरा छान्‍न ने र परमेश्‍वरौ राज्‍य खेरेप टार्‍हामने। पापको डासार परमेश्‍वर पट्‌टी ल्‍हेस्‍नी र सेछ समचाराङ विश्‍वास जाट्‍नी।”

मर्कूस 16:15

होटै येशूये होखुरीककी डेया, “पट्‍ट संसाराङ नुङार पट्‍ट भर्मीयो जाट-जाटीकोलाक सेछ समाचार सेटाक्‍नी।

लुका 1:13

टर स्‍वर्गदूतै आसकी डेया, “माबीर्‍हीनी जकरीया, हीजैडेनाङ नाकुङ प्रार्थना परमेश्‍वरै सेमने। अब नाकुङ मास्‍टो एलीशिबै काट लेन्‍जा मीजा डीन्‍ल्‍हे, र नाकोये होच्‍यौ म्‍यार्‌मीन युहन्‍ना डाकी।

लुका 1:19

होटै स्‍वर्गदूतै होसकी डेया, “ङा परमेश्‍वर खाटा ङुच गब्रिएल हो। होसकै न ङाकी नाकोखाटा कुरा जाट्‍की र इसे सेछ समाचार सेटाक्‍की डेम बीर्‌न्‍हकाच हो।

लुका 1:30

स्‍वर्गदूतै डेया, “माबीर्‍हीनी मरीयम हीजैडेनाङ नाकै परमेश्‍वर लकीङ आसीस डुप्‍नने।

लुका 2:11

छीनी दाउदौ सहराङ नाखुरीकुङ नीम्‍टी काट मुक्‍तिदातौ जन्‍म छान्‍नने होसको न मुक्‍ति याछ ख्रीष्‍ट प्रभु हो।

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

लुका 8:1

होस न्‍हुइङ येशू परमेश्‍वरौ राज्‍यौ बारेयाङ सेछ समाचार सेटाक्‍चै सहर-सहर र लाङ्‍घा-लाङ्‍घाङ व्‍हाकी ठाला। होसको खाटा बार्‍ह जना चेलाको र लेया।

प्रेरित 13:32

परमेश्‍वरै कानुङ बोइ-बाज्‍युकोखाटा प्रतिज्ञा जाटा। होटबाटै सेछ-समाचार कान नाखुरीककी सेटाक्‍ले,