लुका 19:12 - पुर्वीय मगर

¹² होसकै डेया, “सुर काट जना धनी भर्मी लोस देशाङ नुङार राजा छानार ल्‍हेस्‍न राछ बीचार जाटा।

लुका 19:12 ပူးပေါင်းရင်းမြစ်များ

मत्ती 21:38

टर मोहीकै जब मीजाकी राम्‍हन लेच डाङा, अनी मेखुरीक-मेखुरीक डेया, ‘इसे च हकवाला हो। रान्‍ही होसकी साटीङ र होच्‍यौ हकुङ सम्‍पत्ति काल्‍हौ खासीङ।’

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

मर्कूस 12:1

येशूये यहूदी अगुवाकोलाक काट उदाहरण याछै डेया, “काट जना भर्मीये अङ्‍गुर बारी लैडीया। होच्‍यौ वरीपरी बार काम याहा र काट खाडल कोहार अङ्‌गुरौ रस चीप्‍की कोल खास्‍न याहा। अनी अङ्‍गुर बारी रुङ्‍की काट मचान र खास्‍न याहा। होटै होसे अङ्‍गुर बारी मोहीकोलाक जीम्‍मा याहार लाहा चहीँ परडेसाङ व्‍हा।

मर्कूस 16:19

टब प्रभु येशू चेलाकोखाटा ङाक्‍ङ भ्‍यारखीङ होसको स्‍वर्गाङ गाराङ्‍ङ आल्‍हा, अनी परमेश्‍वरौ डोर मीहुट पट्‍टी ङुवा।

लुका 20:9

होटै येशूये भर्मीकोलाक उदाहरण याछै डेया, “काट भर्मीये य्‍हाङ अङ्‍गुर रोप्‍डीया। होचे भर्मीकोलाक अढीया जाट्‍की याहार मेल्‍हा चहीँ वास्‍टै याकौ लागी लोस देशाङ नुङा।

लुका 24:51

आसीस यान्‍हाङ-यान्‍हाङ न होसको होखुरीक लकीङ भा होटै स्‍वर्गाङ गाराङ्‍ङ आल्‍हा।

युहन्‍ना 18:37

पिलातसै येशूकी डेया, “होट हो डेनाङ नाको राजा न हो ट?” येशूये डेया, “ङा राजा हो डेयार नाको लाहा न डेम न ले। ङा सत्‍यौ गबाही याखी जन्‍मडीस्‍च हो, र इच्यो लागी न संसाराङ राछ हो। सुये सत्‍य जाक्‍ले होखुरीकै ङौ कुरा सेले।”

प्रेरित 17:31

हीजैडेनाङ होसकै कायाक टोक्‍डीम याम्‍हने, होसनीक होसकै लहे भाक्‍च काट जना भर्मीलकीङ धार्मिकताङ संसारौ न्‍याय जाट्‍ले। होसे न भाक्‍च भर्मीकी सीच लकीङ जीवाटाकार होसकै पट्‍ट न भर्मीकोलाक इच्यौ प्रमाण याम्‍हने।”

१ पट्‍रुस 3:22

होसको सीच लकीङ जीवाचपछी स्‍वर्गाङ नुङा र चाहाँ परमेश्‍वरौ डोरपट्‍टी ङुमने अनी पट्‍ट न स्‍वर्गदूत र स्‍वर्गाङ लेच अधिकार र शक्‍तिको होसकुङ अधिनाङ ले।