लुका 18:7 - पुर्वीय मगर

⁷ होटजाट्‍न न परमेश्‍वरै मेखोल्‍हाकी नाबीक नामसीन पुकारीच, लहे भाक्‍च भर्मीकोलाक अन्‍याय लकीङ माजोगडीले र? ही होसकै होखुरीककी साहायटा जाट्‍की ढीलो जाट्‍ले र?

लुका 18:7 ပူးပေါင်းရင်းမြစ်များ

मत्ती 24:22

इडीक होसे डीनको घटडीम माय्‍हाछ लेनाङ च सुर माजीवाच लेया। टर होसकै चुन्‍डीच भर्मीकुङ कारनै होसे डीनको घटडीम याल्‍हे।

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

मत्ती 7:11

होटबाटै नाखुरीक दुष्‍ट छानार च लहो मीजा कोलाक सेछ ठोकको याखी वार्‌ल्‍हे डेनाङ, झन स्‍वर्गाङ लेच नाखुरीकुङ बोये कुडीक वास्‍टै जाट्‍न होसकोखाटा ङेछकोलाक मजुङ ठोकको याल्‍हे।

लुका 11:13

नाखुरीक दुष्‍ट छानार च लहो मीजा कोलाक मजुङ ठोकको याखी वार्‌ल्‍हे डेनाङ झन स्‍वर्गाङ लेच नाखुरीकुङ बोये कुडीक वास्‍टै पवित्र आत्‍मा याल्‍हे।”

लुका 2:37

आसको चौरासी वर्ष टाम्‍हन्‍या। होसकै सेन्‍र परमेश्‍वरौ मन्‍दिर माडास्‍नन्या र नाबीक नाम्‍सीन उपवास र प्रार्थना जाट्‍चै आराधना जाट्‍नन्‍या।

लुका 21:28

जब इसे कुरा छान्‍की ठाल्‍ले, होटै नाखुरीक साहसीलो छानार लहो मीटालु सोटार ढेम्‍लाक ङोस्‍नी। हीजैडेनाङ नाखुरीकुङ उद्धार खेरेप छान्‍ले।”

१ ठेसलोनीकी 3:10

नाखुरीककी फेरी डुप्‍की डेयार कान नाबीक नाम्‍सीन परमेश्‍वरखाटा प्रार्थना जाट्‍न ङुमने। डुपार नाखुरीकुङ विश्‍वासाङ ही-ही कुरा कमी ले, होसे पुरा जाट्‍न याखी य्‍होक्‍च लेया।

२ ठेसलोनीकी 1:6

परमेश्‍वर चहीँ ही ठीक ले होसे न जाट्‍च बाटै, होसकै नाखुरीककी डुख याछकोलाक बडला लाले।

१ टीमोठी 5:5

लहो सुर मालेच बीढुवाकै चहीँ लहो भरोसा परमेश्‍वराङ मट्‍टै डाले। अनी नाबीक-नाम्‍सीन होखुरीकै परमेश्‍वर खाटा सहायता ङेछै प्रार्थना जाट्‍न ङुले।

२ टीमोठी 1:3

ङौ शुद्ध बीबेकखाटा ङा ङौ बोइ बाज्‍युकै जाट्‍नाङ लेखा न परमेश्‍वरौ सेवा जाट्‍ले। नाबीक नाम्‍सीन ङौ प्रार्थनाङ ङा नाकोकी आर्‌मीट्‍ले। ङौ प्रार्थनाङ ङा नाकुङ लागी परमेश्‍वरकी धन्‍यवाद याल्‍हे।

२ टीमोठी 2:10

होटबाटै न परमेश्‍वरै चुन्‍डीचकुङ लागी ङा पट्‍ट कुरा सहडीले, टा की होखुरीकै र सधैँभरी ङुमङुच महीमा खाटा ख्रीष्‍ट येशूवाङ लेच मुक्‍ति डुप्‍की अट य्‍होकै।

टीटस 1:1

ङा पावल परमेश्‍वरौ डास र येशू ख्रीष्‍टौ प्रेरितै इसे चीठी रीक्‍ङन ले। परमेश्‍वरकी मन पर्च जीवन जीवाख्‍यौ डेयार परमेश्‍वर लहे न भाक्‍चकोलाक विश्‍वास र सत्‍यौ ज्ञान बड्‌डीसाक्‍ङ याखी ङाकी बीर्‌न्‍हकाच हो।

१ पट्‍रुस 1:1

येशू ख्रीष्‍टौ प्रेरित छान्‍च ङा पत्रुसै पोन्‍टस, गलातीया, कापाडोकीया, एसीया र बिथनिया क्षेत्रकोवाङ परदेशी छानार टीटरबीटर छान्‍न ङुच परमेश्‍वरै चुन्‍डीच भर्मीकोलाक इसे चीठी रीक्‍ङन ले।

२ पट्‍रुस 3:9

कुडीक जना भर्मीकै बीचार जाट्‍च लेखा प्रभु लहो प्रतिज्ञा पुरा जाट्‍की ढीलो माजाट्‍ले। टर होसकै नाखुरीककी लेन्‍न ङुमने। हीजैडेनाङ परमेश्‍वरौ इच्‍छा इसे हो की नाखुरीक मढ्‍याङ सुर नास माछान्‍ख्‍यो, टर पट्‍ट न भर्मीकै लहो पापको डासार परमेश्‍वर पट्‍टी ल्‍हेस्‍ख्‍यो।