लुका 18:32 - पुर्वीय मगर

³² होसे रोमी भर्मीकुङ मीहुटाङ पर्‌ले। होटै होसकी गील्‍ला जाट्‍ले, बेइजट जाट्‍ले र मेठोक ठोक्‍ले।

लुका 18:32 ပူးပေါင်းရင်းမြစ်များ

मत्ती 16:21

होसको कुटजाट्‍न यरूशलेमाङ नुङ्‍की पर्‌ले अगुवाको, मुख्‍य पुजाहारीको र धर्मगुरुकुङ मीहुटीङ वास्‍टै कष्‍ट भोग्‍डीकी पर्‌ले, होसकोकी साट्‍ले टर सोमयाकाङ जीवाम सोले डेच कुरा होसनीक लकीङ येशूये लहो चेलाकोलाक डेकी ठाला।

मत्ती 20:19

अनी होसकोकी गील्‍ला जाट्‍की, कोर्‌रा ङाप्‍की, र क्रूसाङ टङ्‍गडीकी डेम होखुरीकै अन्‍यजातिकुङ मीहुटाङ सुम्‍पडीम याल्‍हे। र सोम याकाङ होसको सीच लकीङ फेरी जीवाम सोले।”

मत्ती 22:6

अरु बाँकी लेचकै चहीँ राजौ नोकरकोलाक घोवार मास्‍च व्‍यवहार जाटा, अनी साट्‍न याहा।

मत्ती 26:67

टब होखुरीकै येशूओ मीटाहाङ मेठोक ठोक्‍ङ याहा, र डुङा अनी कुडीक जनै चहीँ ठप्‍पड ङापा

मत्ती 27:2

होटै होखुरीकै होसकोकी छ्‍याकार रोमी बडा हाकीम पिलातसलेठाङ आल्‍हार जीम्‍मा याहा।

मर्कूस 14:65

अनी कुडीकै चहीँ येशूकी मेठोक ठोका र होसकुङ मीमीक हुपार ठप्‍पड ङाप्‍चै डेया, “लु अगमवाणी ङाको ट, नाङ्‍की सुये डुङा?” होटै न्‍हुइङ सीपाहीकै होसकोकी जीम्‍मा ला अनी होखुरीकै र येशूकी डुङा।

मर्कूस 15:1

गोराक छान्‍च बीट्‍टीकै मुख्‍य पुजाहारीको खाट-खाट न अगुवाको, धर्मगुरुको र पट्‍ट न महासभाङ ङुच भर्मीकै योजना खासा। होटै येशूकी छ्‍याकार आल्‍हा र रोमीकुङ बडाहाकीम पिलातसौ मीहुटाङ जीम्‍मा याहा।

लुका 18:33

होटै होखुरीकै होसकी कोर्‌रै ङाप्‍ले र साट्‍ले। टर सोमयाकाङ होसे सीच लकीङ फेरी जीवाम सोले।”

लुका 23:1

सभाङ ङुच पट्‍ट न भर्मीको सोवार येशूकी पिलातस लेठाङ राका।

लुका 23:11

हेरोदै लहो सीपाहीको खाटा खाटार होसकोकी गील्‍ला जाट्‍चै बेइजट जाटा। होटै राजै बील्‍छ ल्‍याक्‍च न बढीन बील्‍हाकार पिलातस लेठाङ न ल्‍हेट्‍न का।

लुका 23:35

भर्मीको टोङ्‌हार ङोस्‍न ङुमन्या। होटै अगुवाकै चहीँ होसकोकी खीस्‍डीचै डेया, “इचे अरुकी च जीवाका। इडीक इसे परमेश्‍वरै चुन्‍डीच मुक्‍ति याछ ख्रीष्‍ट हो डेनाङ इचे लाहाकी र जीवाक्‍ख्‍यौ।”

युहन्‍ना 18:22

येशूये इटजाट्‍न जवाफ याछ न्‍हुइङ होसको छीनी टोङ्‍छ काट जना परमेश्‍वरौ मन्‍दिराङ पहरा याछ पालेइ येशूकी ठप्‍पड ङाप्‍चै इट डेया, “ही नाङ प्रधान पुजाहारीकी इटजाट्‍न जवाफ याल्‍हे?”

युहन्‍ना 18:28

तब गोराक न यहूदी अगुवाकै येशूकी कैयाफौ इमलकीङ रोमी बडा-हाकीमौ दरबाराङ राका। टर होखुरीक रीटी अनुसार अशुद्ध छान्‍ले डेयार दरबार भीत्री मापर्‌या। हीजैडेनाङ छुटकारौ चाडाङ भोज ज्‍याकी माडीन्ल्‍हे डेम होखुरीकै लाहाकी चोखो डाच मीमन जाट्‍नन्‍या।

युहन्‍ना 18:30

होखुरीकै डेया, “इडीक इसे भर्मी दोषी मालेनाङ च कानै नाकोलेठाङ माराक्‍च लेया।”

युहन्‍ना 18:32

लाहा कुटजाट्‍न सीकी पर्‌ले डेयार येशू लहे न डेच कुरा पुरा छान्‍की याङ्‍च छान्‍नन्‍या।

युहन्‍ना 18:35

पिलातसै डेया, “ही ङा यहूदी हो र? नाकुङ लहो न जाटी र मुख्‍य पुजाहारीकै नाकोकी ङा लेठाङ राक्‍च हो। नाकै ही अपराध जाट्‍नने?”

प्रेरित 2:23

परमेश्‍वरै ठहरीच निश्‍चित योजना चहीँ होसकोकी अगाडी लकीङ न थाहा लेया होसे अनुसार न येशूकी नाखुरीकुङ मीहुटाङ जीम्‍मा याहा। अनी नाखुरीकै होसकोकी अधर्मी भर्मीकुङ मीहुटाङ याहा र क्रूसाङ टङ्‍गडीयार साटा।

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।