लुका 18:13 - पुर्वीय मगर

¹³ टर कर सोट्‍च भर्मी चहीँ लोस न टोङ्‌हार स्‍वर्गलाक ङोस्‍की आट माजाट्‍न लहो छाटीयाङ हीड्‍कडीचै डेया, ‘हे परमेश्‍वर, ङा ल्याक्च पापी मीटाक दया जाट्‍न यान्‍ही!’”

लुका 18:13 ပူးပေါင်းရင်းမြစ်များ

मत्ती 10:3

फीलीप र बारथोलोमाइ, थोमा र कर सोट्‍च मत्ती, अल्‍फायासौ लेन्‍जा मीजा याकुब, थेदियस,

मत्ती 6:5

“नाखुरीकै प्रार्थना जाट्‍नाङ ढोङ्‍गीकै लेखा माजाट्‍नी, हीजैडेनाङ होखुरीक यहूदीकुङ सभाङुच इमकोवाङ र लामौ छेउ-छावाङ टोङ्‍हार भर्मीकै डाङ्‍ख्‍यौ डेम प्रार्थना जाट्‍की जाक्‍ले। साँच्‍ची न, ङा नाखुरीककी डेले, होखुरीकै डुप्‍की पर्च लहो इनाम डुप्‍म भ्‍यामने।

मत्ती 9:13

नुङार इसे धर्मशात्रओ अर्थ ही लेसा पान्‍ही, ‘ङाकी नाखुरीकै बलीदान याछ होइन टर ङा नाखुरीकै अरुकी दया जाट्‍च मीमन जाट्‍ले।’ हीजैडेनाङ ङा धर्मीकोलाक होइन, टर पापीकोलाक आर्‌घाकी राछ हो।”

मर्कूस 11:25

जब नाखुरीक प्रार्थना जाट्‍की तयार छान्‍ले, इडीक नाखुरीकुङ सुओर विरुद्धाङ हीर ले डेनाङ क्षमा यान्‍ही। होटै स्‍वर्गाङ लेच नाखुरीकुङ बोये र नाखुरीकुङ पाप क्षमा जाट्‍न याल्‍हे।

लुका 17:12

होसको काट लाङ्‍घाङ पर्‌या। होटै होला डस जना कुष्‍ठरोगी कोलाक डुपा। होटै चेक पारी टोङ्‌हार होखुरीकै

लुका 22:41

होटै येशू होखुरीक लेठीङ चेक पारी नुङार घुँडा टुसार प्रार्थना जाटा।

लुका 23:48

होटै इसे घटना ङोस्‍की भेला छान्‍च पट्‍ट न भर्मीकै याङ्‍च डाङार, बीलाप जाट्‍चै लाहा-लहो छाटी हीड्‌कडीचै इमाङ ल्‍हेसा।

लुका 5:8

होटै येशूये याङ्‌च काम जाट्‌च डाङार सीमोन पत्रुसै येशूओ मीहीलाङ खुखुप छानार डेया, “ए प्रभु, ङा लकीङ लोस नुङ्‍की क्‍योट्‍नी, हीजैडेनाङ ङा काट पापी भर्मी हो!”

प्रेरित 2:37

पत्रुसौ इसे कुरा सेयार भर्मीकुङ मीमन छीया-छीया छाना। होटै पत्रुस र अरु प्रेरितकोलाक होखुरीकै गीना, “ए भाइको, अब कानै ही जाट्‍की?”

१ टीमोठी 1:15

ख्रीष्‍ट येशू पापीकोलाक जीवाक्‍की संसाराङ राछ हो, इसे कुरा पट्‍टये मन्‍डीकी पर्च सत्‍य कुरा हो। अनी पापीको मढ्‍याङ ङा चहीँ पट्‍ट डेनाङ पापी हो।