लुका 18:12 - पुर्वीय मगर

¹² ङा हप्‍टाङ नीस खेप उपवास ङुले र ङै कमडीच पट्‍ट न ठोकौ दशांश र याल्‍हे।’

लुका 18:12 ပူးပေါင်းရင်းမြစ်များ

मत्ती 5:20

होटबाटै ङा नाखुरीककी डेले, व्‍यवस्‍थौ आज्ञाकोलाक धर्मगुरु र फरीसीकै डेनाङ सेम्‍ह मामन्‍डीया डेनाङ नाखुरीक स्‍वर्गौ राज्‍याङ पर्‌की माडीन्‍ल्‍हे।

मत्ती 6:1

“होसीयार छान्‍नी, नाखुरीक भर्मीकोलाक टान्‍हाक्‍कीयो लागी धर्म-कर्म माजाट्‍नी। नभा च नाखुरीकै स्‍वर्गाङ लेच नाखुरीकुङ बोइलकीङ हीर इनाम माडुप्‍ले।

मत्ती 6:16

“जब नाखुरीक हीर माज्‍याम उपवास ङुले, टब ढोङ्‌गीको लेखा मीटाहा उदास खासार माङुनी। हीजैडेनाङ होखुरीक च भर्मीकोलाक उपवास ङुच टान्‍हाक्‍कीयो लागी लहो मीटाहा उदास खास्‍ले। साँच्‍ची न, ङा नाखुरीककी डेले, होखुरीकै लहे डुप्‍की पर्च इनाम डुप्‍म भ्‍यामने।

मत्ती 6:5

“नाखुरीकै प्रार्थना जाट्‍नाङ ढोङ्‍गीकै लेखा माजाट्‍नी, हीजैडेनाङ होखुरीक यहूदीकुङ सभाङुच इमकोवाङ र लामौ छेउ-छावाङ टोङ्‍हार भर्मीकै डाङ्‍ख्‍यौ डेम प्रार्थना जाट्‍की जाक्‍ले। साँच्‍ची न, ङा नाखुरीककी डेले, होखुरीकै डुप्‍की पर्च लहो इनाम डुप्‍म भ्‍यामने।

मत्ती 9:14

होटै न्‍हुइङ बप्‍तिस्‍मा याछ युहन्‍नौ चेलाको येशू लेठाङ राहा र होसकोकी गीना, “कान र फरीसीको चहीँ उपवास ङुले, टर नाकुङ चेलाको चहीँ हीजै उपवास माङुले?”

लुका 11:42

“नाखुरीक फरीसी कोलाक ढीक्‍कार! पुदीना, आरुड र अरु जडीबुटीकुङ उब्‍जनी लकीङ दशांश याल्‍हे, टर न्‍याय र परमेश्‍वरकी प्रेम जाट्‍च कुराकी चहीँ वास्‍टा न माजाट्‍ले। होसे अरु कुराको खाट-खाट न नाखुरीकै न्‍याय प्रेम र जाट्‍की पर्‌नन्‍या।

लुका 17:10

होटजाट्‍न न नाखुरीककी अर्‍हडीच पट्‍ट काम जाट्‍न भ्‍यारखीङ नाखुरीकै र डेनी, ‘कान काम मालग्‍डीस्‍च नोकर मट्‍टै हो, कानै च लहे जाट्‍की पर्च काम मट्‍टै पुरा जाट्‍नने’।”

१ टीमोठी 4:8

हीजैडेनाङ शरीरौ टालीमाङ लक्‍डीसा डेनाङ च ठोरै कुराङ मट्‍टै फाइडा छान्‍ले। टर आत्‍मौ टालीम जाटा डेनाङ चहीँ वास्‍टै कुराङ फाइडा छान्‍ले, होला चहुँङ र न्‍हुइङ राछ जीवन नीसौ न फाइडौ लागी प्रतिज्ञा ले।