लुका 17:25 - पुर्वीय मगर

²⁵ टर पहीले होचे वास्‍टै डुख सहडीकी पर्‌ले होटै इसे पुस्‍टुङ भर्मीकै होसकी इन्‍कार जाट्‍ले।

लुका 17:25 ပူးပေါင်းရင်းမြစ်များ

मत्ती 16:21

होसको कुटजाट्‍न यरूशलेमाङ नुङ्‍की पर्‌ले अगुवाको, मुख्‍य पुजाहारीको र धर्मगुरुकुङ मीहुटीङ वास्‍टै कष्‍ट भोग्‍डीकी पर्‌ले, होसकोकी साट्‍ले टर सोमयाकाङ जीवाम सोले डेच कुरा होसनीक लकीङ येशूये लहो चेलाकोलाक डेकी ठाला।

मत्ती 21:42

येशूये होखुरीककी डेया, “ही नाखुरीकै धर्मशास्‍त्राङ रीक्‍च कुरा सेन्‍र मापरेस्‍न ने? ‘कुसे ल्‍हुङ्‍की इम खास्‍च कर्मीकै रद्द जाटा, होसे ल्‍हुङ चहीँ इमौ गारो सोट्‍च सुर ल्‍हुङ छाना। इसे परमप्रभु लकीङ न छान्‍च हो, अनी इसे कानुङ लागी अचम्‍मौ ले।’

मर्कूस 10:33

अनी होसकै डेया, “ङोस्‍नी, कान यरूशलेम पट्‍टी नुङ्‌ङ न ले। होला भर्मीयो मीजाकी मुख्‍य पुजाहारीको र धर्मगुरुकुङ मीहुटाङ जीम्‍मा याल्‍हे र होखुरीकै होसकोकी मृत्‍युदण्‍ड याखी डेम रोमी कोलाक जीम्‍मा याल्‍हे।

मर्कूस 12:10

ही नाखुरीकै धर्मशास्‍त्राङ इसे बचन मापरेस्‍नने? ‘कुसे ल्‍हुङ्‍की इम खास्‍च कर्‌मीकै काम मालक्‍डीस्‍ले डेम लोहा होसे न ल्‍हुङ इमौ गारो सोट्‍च कोनुङ सुर ल्‍हुङ छाना।

मर्कूस 8:31

येशूये मेखोल्‍हौ बारेयाङ चेलाकोलाक इटजाट्‍न डेया, “भर्मीयो मीजै साप्फी डुख भोग्‍डीकी पर्‌ले। अगुवा, मुख्‍य पुजाहारीको र धर्मगुरुकै इन्‍कार जाट्‍ले र साट्‍ले टर सोम याकाङ जीवाम सोले।”

मर्कूस 9:31

हीजैडेनाङ होसकै लहो चेलाकोलाक शिक्षा याम्‍हन लेया। होसकै होखुरीककी डेया, “भर्मीयो मीजा भर्मीकुङ मीहुटाङ पर्‌ले र होखुरीकै होसकी साट्‍ले होटै होसे सीच सोम याकाङ फेरी जीवार सोले।”

लुका 18:31

येशूये बार्‍ह जना चेलाकोलाक काट पट्‍टी आल्‍हार डेया, “सेनी, काल्‍हा यरूशलेम पट्‍टी नुङ्‍ङ न ले। अगमवक्‍ताकै भर्मीयो मीजौ बारेयाङ रीक्‍च पट्‍ट न कुराको अब ओल्‍ल्‍हे।

लुका 18:33

होटै होखुरीकै होसकी कोर्‌रै ङाप्‍ले र साट्‍ले। टर सोमयाकाङ होसे सीच लकीङ फेरी जीवाम सोले।”

लुका 24:46

इजाट्‍न रीक्‍ङने, मुक्‍ति याछ ख्रीष्‍टै डुख भोग्‍डीयार सोम डीनाङ सीच लकीङ जीवाम सोकी पर्‌ले।

लुका 9:22

होसकै इट र डेया, “भर्मीयो मीजै वास्‍टै डुख सोट्‍की पर्‌ले, होसकी अगुवाकै, मुख्‍य पुजाहारीकै, धर्मगुरुकै माजाक्‍ले। आसकोकी साट्‍ले टर सीच सोमयाकाङ जीवाम सोले।”

युहन्‍ना 1:11

होसको लहो न भर्मीको लेठाङ राहा, टर होसे भर्मीकै होसकोकी ग्रहण माजाटा।

युहन्‍ना 12:38

इटजाट्‍न यशैया अगमवक्‍तै डेच कुरा पुरा छान्‍न राहा, “ए प्रभु, कानै डेच कुरा सुये विश्‍वास जाटा? अनी प्रभुये जाट्‍च शक्‍तिशाली काम सुकी टान्‍हाका?”