लुका 17:24 - पुर्वीय मगर

²⁴ हीजैडेनाङ कुटजाट्‍न पीझ्‍यानाङ सर्‌घा काट छेउलकीङ अर्‌को छेउ सम्‍म ट्‍याङ्‍छ छान्‍ले। होटजाट्‍न न भर्मीयो मीजा र लहो डीनाङ होङ्‍च न छान्‍ले।

लुका 17:24 ပူးပေါင်းရင်းမြစ်များ

मत्ती 24:27

हीजैडेनाङ कुटजाट्‍न भर्मीकै सर्‌घाङ बीजुली पीझ्‍यानाङ पूर्वलकीङ पस्‍चीमसम्‍म ट्‍याङ्‍छ डाङ्‍ले, होटजाट्‍न न भर्मीयो मीजा रान्‍हाङ भर्मीकै होसकोकी डाङ्‍ले।

मत्ती 24:30

“होडीक बेला ङा भर्मीयो मीजौ चीन्‍ह सर्‌घाङ डाङ्‍ले र पृथ्‍वीयुङ पट्‍ट न जाटीकै विलाप जाट्‍ले। अनी होखुरीकै भर्मीयो मीजाकी सर्‌घुङ डेबुवाङ शक्‍ति र बाड्‍को महीमाङ राम्‍हन लेच डाङ्‍ले।

मत्ती 25:31

“जब भर्मीयो मीजा होसकुङ पट्‍ट न स्‍वर्गदूतखाटा लहो महीमाङ राल्‍हे, टब होसको लहो महीमामय सिंहासनाङ ङुले।

मत्ती 26:64

येशूये होसकी जवाफ याहा, “होसे च नाकै न डेकीक्‍योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्‍तिमान परमेश्‍वरौ डोर मीहुट पट्‍टी ङुच, र स्‍वर्ग लकीङ डेबुवाङ राछै जाट्‍च डाङ्‍ले।”

मत्ती 5:15

र भर्मीकै बट्‍टी ढाकार पाठीये माहुप्‍ले, टर सामदानाङ डाले होटबाटै इमाङ लेच पट्‍ट न भर्मीकुङ लागी होचे ट्‍याङछ याल्‍हे।

१ ठेसलोनीकी 5:2

हीजैडेनाङ नाबीक माआर्‌मीट्‍च बेलाङ खुस रान्‍हाङ लेखा न प्रभु राछ डीनाङ र होटजाट्‍न न राल्‍हे। इसे कुरा नाखुरीककी पुरै ठाहा ले।

२ ठेसलोनीकी 2:2

की कुसेर अगमबानी वा प्रचार वा कुसेर चीठीये प्रभु राम्‍ह भ्‍यामने डेम सेटाका डेनाङ, होसे कुरा कान लकीङ राछ औँला डेम आर्‌मीटार नाखुरीक माआटडीस्‍की न ट नाखुरीकुङ मीमन न बीचलीट छान्‍ख्‍यौ।

२ ठेसलोनीकी 2:8

होटै होसे व्‍यवस्‍था भङ्‍ग जाट्‍च भर्मी डाङ्‍ले। प्रभु येशू रान्‍हाङ होसकुङ ज्‍योटीयो शक्‍तिये होसकुङ मेङ्‍गेरुङ सासै होसकी नास जाट्‍ले।

याकुब 5:8

नाखुरीक र होट्‍जाट्‍न न लेनार ङुनी। लहौ मीमनकी स्‍थिर खास्‍नी, हीजैडेनाङ प्रभु राछ डीन खेरेप न ले।

२ पट्‍रुस 3:10

टर प्रभुये न्‍याय जाट्च डीन च होसको खुस लेखा न मोसोमायाङ राल्‍हे। होसनीक सर्‌घा बाड्‍को आवाजाङ गर्‌जडीसार म्‍हाट्‍ले र सर्‌घाङ लेच नाखान, ग्‍याहोट, टुगाको पट्‍ट न सीकार भस्‍म छान्‍ले। पृथ्‍वी र पृथ्‍वीयाङ लेच पट्‍ट न कुराको नास छान्‍ले।