लुका 17:21 - पुर्वीय मगर

²¹ सुयेर परमेश्‍वरौ राज्‍यकी ‘इला ले होला ले’ डेकी माय्‍होक्‍ले हीजैडेनाङ सेनी! परमेश्‍वरौ राज्‍य नाखुरीक मीघ्‍याङ न ले।”

लुका 17:21 ပူးပေါင်းရင်းမြစ်များ

मत्ती 12:28

टर इडीक ङै परमेश्‍वरौ आत्‍मालकीङ भूतको छ्‍युक्‍ले डेनाङ, परमेश्‍वरौ राज्‍य नाखुरीक लेठाङ राम्‍ह भ्‍यामने।

मर्कूस 13:21

“र होडीक बेला सुयेर नाखुरीककी ‘ङोस्‍नी, मुक्‍ति याछ ख्रीष्‍ट इला ले’ वा ‘होसको होला ले’, डेया डेनाङ नाखुरीकै होसे कुराकी विश्‍वास माजाट्‍की।

लुका 17:23

होटै भर्मीकै नाखुरीककी डेले, ‘ङोस्‍नी, होला ले’ ‘इला ले’ टर होखुरीकै डेच मापट्‍डीनी होटै न्‍हुङ-न्‍हुङ र मानुङ्‍नी।

लुका 21:8

होटै येशूये डेया, “होसीयार छान्‍नी, नाखुरीककी सुयेर माढाँट्‍डीख्‍यौ। ङौ म्‍यार्‌मीनाङ वास्‍टै जना ‘मुक्‍ति याछ ख्रीष्‍ट ङा न हो’ डेम राल्‍हे। होटै ‘होसे समय खेरेप राम्‍हने’ डेले, टर नाखुरीक होखुरीकुङ न्‍हुङ-न्‍हुङ मानुङ्‍नी।

युहन्‍ना 1:26

युहन्‍नै जवाफ याहा, “ङा च डीये मट्‍टै बप्‍तिस्‍मा याल्‍हे। टर नाखुरीकुङ मीघ्‍याङ नाखुरीकै माचीन्‍डीच काट जना ले।

युहन्‍ना 18:36

येशूये डेया, “ङौ राज्‍य इसे संसारुङ होइन। इडीक इसे संसारुङ हो डेनाङ च ङौ चेलाको ङाकी यहूदीको लकीङ जीवाटाक्‍की होखुरीक खाटा पुन्‍छ लेया। टर ङौ राज्‍य इसे संसारुङ होइन।”