लुका 17:2 - पुर्वीय मगर

² जुन भर्मीये इसे माजा नानीको मढ्‌याङ काट्‍की पाप जाट्‍की लैडीले डेनाङ, होच्‍यौ मीघाटीयाङ झाँटौ काट पाटा च्‍योलोकार समुन्‍द्राङ लोम्‍ह याखी सेम्‍ह छान्‍ले।

लुका 17:2 ပူးပေါင်းရင်းမြစ်များ

मत्ती 17:27

टर काल्‍हालकीङ होखुरीकुङ चीट्‍ट माबीक्‍ख्‍यो डेम, नाको टालाङ नुङार बल्‍छी ङाप्‍नी। र पहीला पर्च डीस्‍यौ मेङेर खोल्‍न्‍हाङ नाकै काट चाँडीयो सीक्‍का डुप्‍ले, होसे आल्‍हार नाकुङ र ङौ लागी कर टेरीनी।”

मत्ती 18:10

“होसीयार छान्‍नी, नाखुरीकै इसे मार्‌जाको मध्‍याङ काट जनाकीर हेला माजाट्‍नी। ङा नाखुरीककी डेले, स्‍वर्गाङ लेच होखुरीकुङ डुटको सढैँ स्‍वर्गुङ ङौ बोयो म्‍याहासाङ ङुम ङुले।

मत्ती 18:14

होटजाट्‍न न इसे मार्‌जा बालकको मध्‍याङ काट जना र माम्‍हाट्‍ख्‍यौ डेच नाखुरीकुङ स्‍वर्गाङ लेच बोयो इच्‍छा ले।

मत्ती 26:24

भर्मीयो मीजा च धर्मशास्‍त्राङ रीक्‍च अनुसार सीकी न पर्‌ले। टर धिक्‍कार होसकी, सुये भर्मीयो मीजाकी घोवाक्‍ङ याल्‍हे। होसे च माजन्‍मडीस्‍च लेनाङ न मेन लागी सेम्‍ह छान्‍च लेया।”

मर्कूस 9:42

येशूये फेरी डेया, “ङा मीटाक विश्‍वास जाट्‍च इसे मार्‌जा नानीको मध्‍याङ इडीक सुयेर काट जनाकी मट्‍टै पाप जाट्‍की लैडीले डेनाङ होसकी च बरु मीघाटीयाङ झाटा च्‍योलोकार होसकी टालाङ लोम्‍ह काकी सेम्‍ह छान्‍ले।

युहन्‍ना 21:15

जब होखुरीकै ज्‍याम भ्‍या टब येशूये सीमोन पत्रुसकी गीना, “ए युहन्‍नौ मीजा सीमोन, ही नाङ ङाकी अरुकै डेनाङ वास्‍टै माया जाट्‍ले?” पत्रुसै होसकोकी डेया, “ज्‍यु प्रभु, ङा नाकोकी माया जाट्‍ले डेच कुरा नाकोकी थाहा ले।” येशूये होसकी डेया, “होटडेनाङ ङौ पाठाकोलाक नीये कास्‍की।”