लुका 16:16 - पुर्वीय मगर

¹⁶ “बप्‍तिस्‍मा याछ युहन्‍नौ बेलासम्‍म मोशौ व्‍यवस्‍था र अगमवक्‍ताकुङ शिक्षाङ भर्मीको व्‍हामन्‍या। होटै होसे बेला लकीङ इलाक चहीँ नाखुरीककी परमेश्‍वरौ राज्‍यौ सेछ समाचार सेटाक्‍ने। होटै पट्‍टको होला पर्‌की डेम जोड जाट्‍न न ले।

लुका 16:16 ပူးပေါင်းရင်းမြစ်များ

मत्ती 10:7

‘स्‍वर्गुङ राज्‍य खेरेप राम्‍हने’ डेयार प्रचार जाट्‍नी।

मत्ती 15:11

मेङेरीङ भीत्री ही पर्‌ले, होचे भर्मीकी अशुद्ध माखास्‍ले। टर मेङेरीङ बाहीर ख्‍योछ मासेछ कुरै चहीँ भर्मीकी अशुद्ध खास्‍ले।”

मत्ती 21:32

हीजैडेनाङ बप्‍तिस्‍मा याछ युहन्‍ना नाखुरीक लेठाङ धार्मिकतौ सत्‍य लाम टान्‍हाक्‍की राहा, टर आसकोकी नाखुरीकै विश्‍वास माजाटा। बरु कर सोट्‍चको र बेस्‍याकै चहीँ आसकोकी विश्‍वास जाटा। नाखुरीकै इसे डाङ्‍नाङ र लहो पापको माडासा र आसकोकी विश्‍वास माजाटा।”

मत्ती 3:2

“लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप राम्‍हने।”

मत्ती 4:17

होसबेला लकीङ न प्रचार जाट्‍चै येशूये डेकी ठाला, “लहो पापको डासार परमेश्‍वर पट्‍टी ल्‍हेस्‍नी, हीजैडेनाङ स्‍वर्गौ राज्‍य खेरेप टार्‍हामने।”

मत्ती 4:23

येशू होखुरीकुङ सभाङुच इमकोवाङ पाहाक्‍चै, स्‍वर्गौ राज्‍यौ सेछ समाचार प्रचार जाट्‍चै, र भर्मीकोलाक लक्‍डीस्‍च खाल खालुङ रोग र शरीरौ कमजोरीको गेपाक्‍चै पट्‍ट न गालीलौ क्षेत्राङ छेराहा।

मर्कूस 1:14

होटै युहन्‍नाकी झ्‍यालखानाङ ठुन्‍रखीङ परमेश्‍वरौ सेछ समचार सेटाक्‍चै येशू गालीलाङ राहा।

मर्कूस 1:45

होटै होसे ख्‍योव्‍हार नुङा टर होचे होसे मेल्‍हा गेप्‍च कुरा खुल्‍लमखुल्‍ला भर्मीकोलाक सेटाक्‍की ठाला। होटबाटै येशू फेरी कुसेर सहराङ खुल्‍ला छानार नुङ्‍की माय्‍होका र सुर मालेच ठावाङ ङुकी नुङा। टर भर्मीको चहीँ पट्‍ट लकीङ होसको लेठाङ राहा।

लुका 10:11

‘कानुङ मीहीलाङ लाछ नाखुरीकुङ सहरुङ झाबुल र कान नाखुरीकुङ विरुद्धाङ खार्‍हाले। टर नाखुरीकै इसे कुरा वार्‌न्‍ही, परमेश्‍वरौ राज्‍य खेरेप टार्‍हामने।’

लुका 10:9

होला लेच छाच कोलाक गेपाक्‍नी, र होखुरीककी डेनी, ‘परमेश्‍वरौ राज्‍य नाखुरीकुङ खेरेप राम्‍ह भ्‍यामने।’

लुका 16:29

टर अब्राहामै डेया, ‘होखुरीक खाटा मोशा र अगमवक्‍ताकुङ कीताब ले होसे न अट सेए’

लुका 16:31

टर अब्राहामै होसकी डेया, ‘मोशा र अगमवक्‍ताकुङ कुरा होखुरीकै मासेले डेनाङ, सीचको लकीङ सुर जीवार नुङ्‍नाङ र होखुरीकै विश्‍वास माजाट्‍ले’।”

लुका 9:2

होसकै होखुरीककी परमेश्‍वरौ राज्‍यौ बारेयाङ सेटाक्‍की र छाच कोलाक गेपाक्‍की डेम बीर्‌न्‍हका।

युहन्‍ना 1:45

फीलीपै नथानेलकी डुपार डेया, “सुओ बारेयाङ मोशै व्‍यवस्‍थाङ र अगमवक्‍ताकै र रीक्‍ङन्‍या, होसकोकी कानै डुपा। होसको च नासरतुङ योसेफौ मीजा येशू टी लेसा ट।”

युहन्‍ना 11:48

इडीक कानै इसकी याङ्‍च कामको जाट्‍की डास्‍न याहा डेनाङ पट्‍टकै इसे मीटाक विश्‍वास जाट्‍ले अनी रोमीकै राहार कानुङ मन्‍दिर र भट्‍कडीम याल्‍हे र काल्‍हा यहूदी जाटीकी र नास जाट्‍ले।”

युहन्‍ना 12:19

टब फरीसीकै मेखुरीक-मेखुरीक डेकी ठाला, “कानै हीर जाट्‍की माय्‍होका। ङोस्‍नी ट, संसारुङ पट्‍ट न भर्मीको होच्‍यो न्‍हुङ-न्‍हुङ व्‍हामभ्‍यामने!”

युहन्‍ना 5:4

हीजैडेनाङ बेला-बेलाङ परमप्रभुओ काट डुट म्‍हाका पोखरीयाङ झाल्‍न राहार डी क्‍योट्‍न याम्‍हन्‍या। डी छ्‍योर्‌ल्‍होछ बीट्‍टीकै सु पहीला डीयाङ परन्‍या, होसे कुङ्‍च खाल्‍या रोग लक्‍डीस्‍च लेनाङ र गेप्‍की क्‍योट्‍नन्‍या।]

प्रेरित 3:18

टर मुक्‍ति याछ ख्रीष्‍टै डुख भोग्‍डीकी पर्‌ले डेम परमेश्‍वरै अघीलकीङ न पट्‍ट अगमवक्‍ताकुङ मेङेरीङ डेच अगमवाणी होसकै इटजाट्‍न पुरा जाटा।